Ester 9:20 - Biblia Mixe de Quetzaltepec

²⁰ Yë Mardoqueo wa'ats tkëxjaaytyääy tëkokyë wi'ix tyuunën jyaajtën ya'atë jotmay ets tuknikäjxtaay ja Jutiiyë ja'ayëty, mëti'ipë jam tsënaaytyëpën winkon ets mëti'ipë jëkämën, maajaty tnitänën ja yajkutujkpë Asuero,

Biblia Dc en Mixe de Quetzaltepec

²⁰ Yë Mardoqueo wa'ats tkëxjaaytyääy tëkokyë wi'ix tyuunën jyaajtën ya'atë jotmay ets tuknikäjxtaay ja Jutiiyë ja'ayëty, mëti'ipë jam tsënaaytyëpën winkon ets mëti'ipë jëkämën, maajaty tnitänën ja yajkutujkpë Asuero,

Ester 9:20 ပူးပေါင်းရင်းမြစ်များ

Ester 8:9

Ja yajkutujkpë ja jyääpyëtëjk ënätyë ojts yajmëkajpxta'atë. I'px tëkëëk ënäty ja mëtëkëëk po'opë y'äny, ja Sivan po'o. Tëkokyë mëti'ipë ja Mardoqueo nyi'ënä'ämëyën yajkujaaytyääy ets yajtuknikäjxtë ja Jutiiyë ja'ayëty, yajkutujkpëtëjk ets kutuunktëjk ma ja mëko'px ja i'px wëxtujkpë ja kajpnën, mëti'ipë jam India ets jampaat Etiopíë yajpatpën; aakjëtu'un ja noky yajjaay tä kyajpxtën ets wi'ix ja tja'atën. Ja Jutiiyë ja'ayëty ojts ja nyoky yajtuknikäxtë tä kyajpxtën ets jya'atën.

Ester 3:12

Ma majktëkëëk y'änyën ja mëët tu'kpo'opë, jä'ä jëmëjt ojts yajmëkajpxmuktë ja jaaypyëtëjkëty mëti'ipë tuuntëpën ma ja yajkutujkpën, ojts yajtuk'ënä'ämtë tja'atëty ja ënä'ämën mëti'ipë të tnipëjktaakën ja Amán ets yajtuknikäxtëty ja mutsk yajkutujkpëty mëti'ipë yajpatëpën ma ja it naaxwiinyëtën mëti'ipë nyitënääpyën ja yajkutujkpë Asuero ets ja kutuunktëjkëty mëti'ipë kajpn kajpn yajpatëpën. Ya'atë ënä'ämën jëtu'un yajjaay tä ja naax kajpn ënäty ja aaw ayuk tkajpxtën nijä'äjaty, ojts ja yajkutujkpë xyëëw yajkëxja'ay ets yë'ë tsaay ja noky mëët ja kyë'ëjiits,

Ester 1:22

ojts tnajtskäjxëtyä'äy ja noky xiitsow yaatsow, kajpn kajpn, kanaakpëky ja noky ojts tyajkojtë, tu'ukjaty aakjëtu'un jyä'äyëty tä ja ja'ay kyajpxtën ets jya'atën, ja noky jëtu'un y'ënä'äny: ko ja ye'etyëjktëjk yë'ë patëtëp y'ënä'ämtëty ma ja jëën tëjkën ets jëtu'un mëpaat tii yajtuny ijxtëm yë'ë y'ëna'antën.

Ester 1:1

Ya'atë aaw ayuk mëti'ipë yam yajnimëtya'akaanpën, jää ojts tyunyë jyätyë ma yajkutukyën yë Asuero. Jä'ä ënäty tnitänë ja it naaxwiinyëtë mëko'px ja i'px wëxtujk it, tyimtsoony jam India ets jyä'ty Etiopíë.

Éxodo 17:14

Tä ja Tios t'ënëmaay ja Moisés: Jap xykyëxja'ajëty ma tu'uk yë nokyën, mëti'ipë tyam të tyuny të jyätyën ets jëtu'un ja'amyetsy y'itëty; ets xy'ënëëmëty yë Josué, ko ëjts nyajkutëkoyäämpyës yë Amalec ja'ayëty.

1 Crónicas 16:12

Ja'amyätstë ja mëjpë këjääpë të tuny të tkäjpxyën ets ja ijx ka'ijxënpë, ja'amyätstë näjyëtu'un ja y'aaw y'ayuk mëti'ipë të tyajwë'ëmyën:

Ester 9:19

E ja Jutiiyë ja'ayëty mëti'ipë tsënaaytyëpën ma ja mutsk kajpnën, mëti'ipë ka'ap nyapotsyëtyën, jää xyëëwtuuntë ma myajkmajkts'anyën yë Adar po'o. Tääts jää xyiktë y'ëwë'ktë ets xoontä'äky yajpatë ma ja xëëw ënäty tyunyë jyätyën, nixim niyam nyämyooyëtë ja näynyamo'ojë.

Ester 9:21

ma ojts tni'ënä'ämën ets tnixëëwtuntëty, jää ma myajkmajkts anyën ets myajkmokx'anyën ja Adar po'o,

Ester 9:26

E paatykyëjxm ya'atë mäjtskpë xëëw ojts yajtijy Purim, Pur jeexyë yajtijy ko jeexyë je'eyë tu'ukyë. E mëëtkyëjxm ko jëtu'un ja Mardoqueo ni'ënä'ämëy ets ko t'ijxtë mëti'ipë ënäty të tyuny të jyätyën,

Ester 9:27

yë Jutiiyë ja'ayëty jëtu'un ojts tkäjpxy'atë ko ya'atë xëëw pa'u'unk pa'ëna'k mëpaat yajtuny, ma ja Jutiiyë ja'ayëtyën ets ma ja ja'ayëtyën mëti'ipë tyuktëjkëpën ja Jutiiyë ja'ay ja myëpëjkënëty; winjëmëjt ya'atë xëëw yajtunëty, nitu'kjëmëjt kyaninaxëty. Mäjtsk xëëw ja ja'ay xyëëwtuntëty ma ënäty tukka'ayën ets jëtu'un yajkuuytyunëty ja ënä'ämën mëti'ipë të tkäjpxy'atën;

Ester 9:29

Yë yajkutujkpë Ester, yë nyëëx yë Abihail, mëët yë Mardoqueo, mëti'ipë Judá ja'ayëtyën, ojts wiinkpë noky tkäxtë mëët ja kutujkën ma tnikajpxtën ja xëëw mëti'ipë tyijtëpën Purim ets tnikajpxëtë ja mëjëyëjpë ja xëëw,

Jeremias 29:1

Tëë ënäty yë Jeconías yajkutujkpë yajmënëjkxnë wiink naax wiink kajpn tsumy matsy, mëët ja taak yajkutujkpë ets ja tuunpëtëjkëty mëti'ipë tuuntëpën ma ja kutujkëntëjkën, tääts ja kopktëjkëty mëti'ipë jam Judá ets Jerusalén mëj'äämpy ijtëpën ets ja mëti'ipë kojtëpën pi'tëpën ets mëti'ipë yaj'o'oyëtyëpën ja pujxn oyjyätyëtypë. Ënät yë Jeremías käjpxynyajxpë ojts tyajkojy tu'uk yë noky jam Jerusalén ets tuknikejxy ja ja'ayëty mëti'ipë ënäty tsumy matsy të yajmënëjkxtën wiink naax wiink kajpn ets ja teetytyëjkëty, käjpxynyajxpëtëjkëty ets ja ja'ayëty mëti'ipë ja Nabucodonosor të tmënëjkxyën tsumy matsy jam Babilonyë.