Ester 9:2 - Biblia Mixe de Quetzaltepec

² Maajaty ja it naaxwiinyëtë tnitänën ja yajkutujkpë Asuero, ojts tyu'ukmujkta'atë ja Jutiiyë ja'ayëty ets tjëjpkuwa'akëja'antë ja myëtsip mëti'ipë ënäty të myäy të tyajtën ko yaj'ooka'anëtë. Ni pën ojts jä'ä xëëw kya'ëknipëtë'kënëtë, jä'ä ko ja myëtsipëty ojts jatëkok tsyë'ëkëtëkëtë.

Biblia Dc en Mixe de Quetzaltepec

² Maajaty ja it naaxwiinyëtë tnitänën ja yajkutujkpë Asuero, ojts tyu'ukmujkta'atë ja Jutiiyë ja'ayëty ets tjëjpkuwa'akëja'antë ja myëtsip mëti'ipë ënety të myäy të tyajtën ko yaj'ooka'anëtë. Ni pën ojts jä'ä xëëw kya'ëknipëtë'kënëtë, jä'ä ko ja myëtsipëty ojts jatëkok tsyë'ëkëtëkëtë.

Ester 9:2 ပူးပေါင်းရင်းမြစ်များ

Ester 8:17

Maajaty ja kajpnën mëjpë mutskpë, ma jyä'äjtyën ya'atë ënä'ämën mëti'ipë ja yajkutujkpë ojts tkäjxwä'kxyën, ja Jutiiyë ja'ayëty yajxon tukxoontaktë, ojts may tnixëëwtuntë ets may kyääytyë y'uktë. Ëpëky ojts ja ja'ay ja jampë kyukajpn'atën may tpuwa'akëtë ja Jutiiyë ja'ayëty ets jëtu'un nyäyajnajxëtë Jutiiyë ja'ayën, jä'ä ko t'ijxnëtë aak kutsë'ëkë ja Jutiiyë ja'aynyë.

Ester 8:11

Ma ja nokyën, jap kujayë myiny ma ja Jutiiyë ja'ayëty yajtuknijawëtën; ko oymyaakajpnëty ma muum yajpaatën, ënätyë mëpaat tyu'ukmuktë ets tkuwa'antëty ja jyuuky'ajtënëty; yë'ëjëty, myëët'ajtëp ja kutujkën ets tyaj'ooktëty ja myëtsip mëti'ipë näjyëtu'un yaj'ookanëtëpën ets tjä'ä'atëty mëti'ipë ënäty yajtukni'oktutëpën; wä'än yë'ëjëty ye'etyëjkpë to'oxytyëjkpë, mëjja'ay mutskja'aypyë.

Salmos 71:24

Näyjyëtu'unës xëmë nikajpxa'any ko jëtu'un winë xynyipaye'ey ijxtëm pyaat'atyën, jä'ä ko mëti'ipë ënäty tsyojkën'ajtëpën etsës ëxëëk njatëty nkëpätëty, yë'ë të y'ëkwë'ëmtaaynyëtë tsëtyu'unmëët.

Salmos 71:13

Wä'än twë'ëmtë tsëtyu'unmëët ets wä'än tkutëkooytya'atë mëti'ipë myëtsip'ajtëpën yë njuukyajtënës. Wä'än yë'ëjëty nëxi'iky tukxi'iky twë'ëmtë mëti'ipë tsyojktëpën ets jeexyë ëxëëk njaty nkëpetyës.

Isaías 8:9

Nämyukëtë naax kajpnëty, këtii yë'ë xytyukjotkujk'atëty jëën tsip, tsë'ëkëtë jawëtë; ja'akyukëtë ya'atë aaw ayuk miitsëty naax kajpnëty jëkämpë yajpaatën. Oy jënu'un mjatsiptuntëty ets mjamëta'aktëty, je'eyëm nëjkx mtsë'ëkëtë mjawëtë.

Ester 9:10

Ya'atë nimajkpë yë'ë ënäty ja Amán y'u'unk y'ëna'k mëti'ipë ëxëëk y'ijxën ja Jutiiyë ja'ayëty; je'eyëp ko tëkokyë mëti'ipë myëët'ajtën ka'ap ojts tontë.

Josue 11:20

Wintsën ojts kë'ëm tuknipëjktaakë ets tääpë ja'ayëty kujuun nyäpyëjkta'akëtëty ets tmëmayëtëty ja Israel kajpn, tääts yë'ë yajkutëkooyëtë ets yajkëjxtaayëtë. Nimaa ja pa'ëyo'owën tkamëët'ajtë mëët yë'ëjëty, jëtu'un tä ja Wintsën ënäty të tuk'ëne'emyën ja Moisés.

Josue 2:9

Ëjts wa'atsës nijawë ko ya'atë naax kajpn tëë yë Wintsën mo'ojëtë, paatykyëjxm yë naax kajpn tëë tsë'ëkë tyuktëjkëtya'ajëtë mëët miitsëty. Tëkokyë jënu'un yaa yajpaatën yajxon tsyë'kënëtë mëët miitskyëjxmëty.

Deuteronomio 2:30

E ja yajkutujkpë Sihón ka'ap t'a'ijxëy etsës jam naxtëty ma ja nyaax itjotmën. Jä'ä ko ja Wintsën, mëti'ipë miits mTiosajtëpën yë'ë ënäty të tuknipëjktaakë ets ka'ap t'a'ixëty jam pën nyaxëty ets tjëkyäpëty wi'ix tkë'ëyakëtyën ma miitsëtyën, jëtu'un tä xy'ixtën tyampaat.

Éxodo 23:27

Ëjts nyajkutukëp ets oypyënëty nëjkx mtsë'ëkëty mjawëty, oy ënäty maanaax maakajpn mtimnyäxy, yë mëtsiptëjk jëtu'unyë mkukä'äk mkuputëtëty.

Génesis 35:5

Ko yë Jacob tsyo'ontë jam ma kajpnën mëët tu'kë'ëyë y'u'unk y'ëna'k y'u'unk tyo'oxytyëjk ets tu'kë'ëyë jënu'un ënäty winë tmëët'atyën, ënät ja ja'ayëty tsyë'këtyaktë, mëti'ipë jam kukajpnajtëpën, paaty ojts ka'ap twinmaytyë tpaatsoontëty ja Jacob ets mëët tu'kë'ëyë ja jyä'äy.