Ester 9:19 - Biblia Mixe de Quetzaltepec

¹⁹ E ja Jutiiyë ja'ayëty mëti'ipë tsënaaytyëpën ma ja mutsk kajpnën, mëti'ipë ka'ap nyapotsyëtyën, jää xyëëwtuuntë ma myajkmajkts'anyën yë Adar po'o. Tääts jää xyiktë y'ëwë'ktë ets xoontä'äky yajpatë ma ja xëëw ënäty tyunyë jyätyën, nixim niyam nyämyooyëtë ja näynyamo'ojë.

Biblia Dc en Mixe de Quetzaltepec

¹⁹ E ja Jutiiyë ja'ayëty mëti'ipë tsënaaytyëpën ma ja mutsk kajpnën, mëti'ipë ka'ap nyapotsyëtyën, jää xyëëwtuuntë ma myajkmajkts'anyën yë Adar po'o. Tääts jää xyiktë y'ëwë'ktë ets xoontä'äky yajpatë ma ja xëëw ënety tyunyë jyätyën, nixim niyam nyämyooyëtë ja näynyamo'ojë.

Ester 9:19 ပူးပေါင်းရင်းမြစ်များ

Ester 8:17

Maajaty ja kajpnën mëjpë mutskpë, ma jyä'äjtyën ya'atë ënä'ämën mëti'ipë ja yajkutujkpë ojts tkäjxwä'kxyën, ja Jutiiyë ja'ayëty yajxon tukxoontaktë, ojts may tnixëëwtuntë ets may kyääytyë y'uktë. Ëpëky ojts ja ja'ay ja jampë kyukajpn'atën may tpuwa'akëtë ja Jutiiyë ja'ayëty ets jëtu'un nyäyajnajxëtë Jutiiyë ja'ayën, jä'ä ko t'ijxnëtë aak kutsë'ëkë ja Jutiiyë ja'aynyë.

Apocalipsis 11:10

Oy ets akujk jotkujk ja naaxwiinyëtë ja'ay nëjkx nyäyjyawëtë ko t'ixtëty ko tëë ja ja'ay y'ooktë. Nëjkxëp nixëëwtuntë ets nyämyo'ojëtë ja näykyumayë nixim niyam, jä'ä ko tääpë ja käjpxynyajxpëtëjk je'eyë ijty y'atsipëtë.

Ester 9:22

jä'ä ko, jä'ä xëëw jä'ä po'o ojts ja Jutiiyë ja'ayëty ja myëtsip tyajkutëkoytyë ets jä'ä xëëw jä'ä po'o ojts ja monyëtukyë y'ëxmatsëtë mëti'ipë xi'iky xony awinpijtën. Ya'atë xëëw mëj'äämpy nyäjxy, paaty ojts ja ënä'ämën tyajwë'ëmtë ko jää mëpaat ja'ay xyi'iktë xyoonta'aktë; jää näjyëtu'un tyajmuktëty ja ayajk ako'onën mëti'ipë tyukputëkëtëpën ja ëyoopëja'aytyëjk.

Deuteronomio 16:14

Ma tyaapë xëëw tyunyë jyätyën miits xoonta'aktëmës jää mëët yë m'u'unk m'ëna'këty, mëtuunpë mkupëjkpëty ets näjyëtu'un yë Leví ja'ayëty; jaaypyaat jaaypyo'kxyëty, ku'ooky'u'unkëty ets ku'ooktyo'oxy mëti'ipë tsënaay juuky'ajtëpën ma mnaax mkajpnëtyën.

Deuteronomio 16:11

Jëtu'un nëjkx ja Wintsën tu'uk ja myëjxëëw xyaj'apaatëtë jam ma ja it naaxwiinyëtë kë'ëm të twin'ixyën ets ja xyëëw jam yaja'amyätsëty; ko tyaapë xëëw xyaj'apaatëtëty, tam'ajtp ënäty ja m'u'unk m'ëna'këty, mëtuunpë, Leví ja'ayëty, jaaypyaat jaaypyo'kxy, ku'ooky'u'unkëty ets ku'ookytyo'oxëty.

Lucas 11:41

Putëkëtë ja ëyoopëja'ay ëmuumtu'ukjot ets jëtu'un ja mjot mwinma'any wya'atstëty.

Zacarías 2:4

ets të y'ënë'ëmxëty: Nëjkx pëyi'ikyë ënëëmë tääpë ja'ay mëti'ipë jam myënëjkxypyën yë tejpxy mëti'ipë winë yajtukijpxpën: Yë Jerusalén kajpn wintukaanp jatëkok mëët yë mayjyä'äy ets may jëyujk may tsyajpkaa, ka'ap nëjkx tjëkyepy wi'ix yajnapotsëtyën ja kajpn.

Deuteronomio 3:5

Tëkokyë tääpë naax kajpn aak napotsy ets kuwa'any ijtyëty, oyëty ets ta'tspëkyëty yë nyitëjk'aaw. Ëpëky näjyëtu'un ja kajpnëty mëti'ipë ka'ap nyapotsy'atën.

1 Samuel 25:8

Jyëkyejpy xyajtëwëty yë mtuunpëtëjk ets xymyëpëkëty. E paaty ënät yam npëjktsoy ets ya'atë ëna'ktëjkëty wäänë xypya'ëyowëty mëti'ipë yam mnimiinëpën ma mjëën mtëjkën ma myajpaatyën oy mëk ets xymyo'ojëty wäänë yë jë'kxy pëky ëkë tii jam mëët'ajtypyën, jëtu'un yë'ëjëty ets jëtu'unës ëjts, jä'ä ko jëtu'unës ëjts ma mijtsën tä jeexyë mmaankën.

Ester 9:20

Yë Mardoqueo wa'ats tkëxjaaytyääy tëkokyë wi'ix tyuunën jyaajtën ya'atë jotmay ets tuknikäjxtaay ja Jutiiyë ja'ayëty, mëti'ipë jam tsënaaytyëpën winkon ets mëti'ipë jëkämën, maajaty tnitänën ja yajkutujkpë Asuero,

Deuteronomio 15:7

Pën yajpatp yë ëyoopëja'ay ma naax kajpnën, mëti'ipë ënäty yë mWintsën të mo'oyën. Yajnikëxë'ëk ja m'oyjot m'oywyinma'any ma yë'ëjën, mo'o tii yajmëyäjtypyën, këtii ja mëkunaax mëkukajpn jëtu'unyë xynya'ixëty.