Ester 8:3 - Biblia Mixe de Quetzaltepec

³ Ester ojts jatëkok tninëjkxy ja yajkutujkpë Asuero ets twinkujijtëy mëët ja jë'ëyën yaxën tääts t'amëtooy tpëjktsooy ets ja yajkutujkpë tunëty ja mëyajtën: tpo'otëty ets tyaj'atëkoyëty ja ënä'ämën mëti'ipë ënäty ja Amán të tyajkojyën, këtiipë jëna'a jëtu'un tyunëtëty jyatëtëty ja ëyo'on jotmay ma ja Jutiiyë ja'ayëty ënäty të yajtuknipëjktaakëtën y'ooktëty.

Biblia Dc en Mixe de Quetzaltepec

³ Ester ojts jatëkok tninëjkxy ja yajkutujkpë Asuero ets twinkujijtëy mëët ja jë'ëyën yaxën tääts t'amëtooy tpëjktsooy ets ja yajkutujkpë tunëty ja mëyajtën: tpo'otëty ets tyaj'atëkoyëty ja ënä'ämën mëti'ipë ënety ja Amán të tyajkojyën, këtiipë jëna'a jëtu'un tyunëtëty jyatëtëty ja ëyo'on jotmay ma ja Jutiiyë ja'ayëty ënety të yajtuknipëjktaakëtën y'ooktëty.

Ester 8:3 ပူးပေါင်းရင်းမြစ်များ

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Tios, pën mëpaat yaj'ëwaatspëtsëmyë ma ja o'kënën, e ja Tios wa'ats ojts myëtoyë jä'ä ko kyäjpxykyupëky.

Oseas 12:4

Tsiptuun mëët yë tsajpjotmëtë kukäjpxy ets myëmëtak; jëëpy yaxp t'amëtooy ets yajpa'ëyowëty. Jam Betel pyatë Tios ets mëët myëtyäky.

Isaías 38:2

Ënät ja Ezequías jam myëj'ijxpejty potsywinm ets tyëjkëy Tios mëkajpxpë ets y'ënäny:

Ester 7:4

Jä'ä ko tëëjës nijawë ko ëëtsëty ets nnaax nkajpnës tëëjës nyajtook nyajyaktë ets ni'ëmukë nkëjxta'a ntëkooytya'atëtyës. Ëjts ka'apës jeexyë wi'ix n'ëna'any koos jeexyë je'eyë të nyajtooktë ets nmëtuntëtyës, ja mëtsip ka'ap jeexyë nëkoo jëtu'un tyimtuuntëkoy ma ja yajkutujkpën.

2 Reyes 4:27

Tääts jam jyä'äjty ma ja kopkën ma ënäty jam yajpaatyën ja Elisejë, tääts nyäjyijtakë ets mëk tmajtsta'tsy ja Elisejë ja tyeky. Ënätyë yë Guehazí myiiny ets tjajëwowany ja to'oxytyëjk, je'eyëp ko yë Elisejë ënätyë ojts y'ënë'ëmxëty: Këtii xyjyëwoy, ëxmats, mon tuk yowë mëk yajpaaty, tyam ka'apës yë Wintsën xytyuk'ëwaanënëm oy, tiijën myëët'ajtyp.

1 Samuel 25:24

Ets twinkoxtënaay ma ja David ja tyeky'ëjxën ets t'ënëmaay: Wintsën ëjts winë npoky'atëpës. Mëyajtënës yam npëjktsowäämpy ets xymyëtoow'itëty mëti'ipës yam nikajpxäämpyën ets wäänë xytyunëty yë mëyajtën xyjyä'äkyukëty.

Ester 3:1

Jëtu'un ja xëëw jëmëjt tpaty ma ja Amán ojts mëj'äämpy ja yajkutujkpë pyëjktä'äkyën. Amán, Hamedata yë tyeety xyëëwajtyp, Agag y'u'unk y'ok, ja yajkutujkpë kyutënaay ma ja naax kajpnën.

Ester 8:2

Ënät ja yajkutujkpë Asuero nyätyukë'ëji'tstutë ja kë'ëjiits mëti'ipë ja Amán ijty yajtuumpyën ets tmooy ja Mardoqueo. E ja Ester yë'ë ojts tuknipëky ja Mardoqueo ets tniwintsën'atëty tëkokyë winë mëti'ipë ja Amán jyä'ä'ajtypyën.

Ester 8:4

Tä ja yajkutujkpë tnajtstijëy ja tyajk, mëti'ipë aak pu'ts pujxn mëët y'oytyunyëtyën, ma ja Ester jam kyoxtänën ets t'ënëmaay ko pyëtë'ëkëty. Tääts pyëti'ky ets wya'ak'o'oyëy jam kutujkënwintum,