Ester 8:15 - Biblia Mixe de Quetzaltepec

¹⁵ Jä'ä xëëw ja Mardoqueo jap pyëtsiimy ma ja kyutujktaknën, jä'ä wyit tyuktëjkëy mëti'ipë ja yajkutujkpëtëjk wyit'ajtëpën; jä'ä wyooxyëty poop ets yëktsuxk, ojts ja pu'ts pujxn kujän tpëjktä'äky ma kyëpajkën ets nyätyukniyä'pë tu'uk ja mëjwit, tsapts wyooxyëty, oywyit. Tä ja mayjyä'äy tyëjkëtyë yaxpë jojkpë mëët ja mëj xoontakën;

Biblia Dc en Mixe de Quetzaltepec

¹⁵ Jä'ä xëëw ja Mardoqueo jap pyëtsiimy ma ja kyutujktaknën, jä'ä wyit tyuktëjkëy mëti'ipë ja yajkutujkpëtëjk wyit'ajtëpën; jä'ä wyooxyëty poop ets yëktsuxk, ojts ja pu'ts pujxn kujän tpëjktä'äky ma kyëpajkën ets nyätyukniyä'pë tu'uk ja mëjwit, tsapts wyooxyëty, oywyit. Tä ja mayjyä'äy tyëjkëtyë yaxpë jojkpë mëët ja mëj xoontakën;

Ester 8:15 ပူးပေါင်းရင်းမြစ်များ

Ester 3:15

Ja noky ënätyë ye'eywya'kxtaay, jä'ä ko jëtu'un ënäty ja yajkutujkpë të tni'ënä'ämë, ya'atë noky ojts jam Susa yajkajpxwä'kxy. E ja yajkutujkpë uktëp mukëtëp ënäty jap mëët ja Amán, tyam ja ja'ayëty mëti'ipë jam Susa kukajpnajtëpën myoontëpë tyujktëpë.

Génesis 41:42

ënät ja yajkutujkpë nyätyukë'ëji'tstutë ja kyë'ëjiits, mëti'ipë ënäty myëët'ajtypyën ja tsa'ayajtën mëët ko yajkutujkpë'aty ets tmooy ja José. Tääts ni'ënä'ämëy ko txoxtëty mëët ja wit oypyë ets mëti'ipë tsowën ets t'oytyuunëtëty näjyëtu'un ja nyantsëm pu'ts pujxnëpë.

Lucas 16:19

Jam ijty tu'uk ja kumeenyjyä'äy, xoxy pëky, oytyuny, aak winjemy nyäxyoxyë ets xëmë ka'ayën ukën mëj nipëjktaakë.

Proverbios 29:2

Ko oyjyä'äytyëjkëty yë'ë yajkutuktë, jotkujk yë naax kajpn y'ity; ko ëxëëkja'aytyëjk yë'ë yajkutuktë, o'ktëy yë naax kajpn jyäty kyëpety.

Ester 6:8

jä'ä yajkukajpxëty, yë'ë yajtukxoxëp yë wit mëti'ipë yajkutujkpë wyit'ajtypyën ets tu'uk tukwä'tspätëty yë kwaay nän yë'ë mëti'ipë yajkutujkpë tyuk'u'unyääpyën ets kyëpajkëjxy yajpëjkta'akëty tu'uk yë kujän mëti'ipë yajkutujkpë jyä'ä'ajtypyën.

Ester 1:6

Ja tëja'aw ojts t'oytyuntë mëët oyëtypë wit atëëytyuk mëti'ipë myëët'ajtypyën wyooxyajtën poop, yëktsuxk ets tsuxk, yë'ë mëët tukkëxuuytyë oypyiity mëti'ipë tyijtëpën linëpiity, tsu'unkpë y'ixëtyën ets yë'ë mëët kyëxjenyëty poop pujxn, yë'ë mëët nyipotsëty yë marmol. Ojts näjyëtu'un tyaj'oyëtë u'unyääypyäjn, aak pu'ts pujxn ets poop pujxn mëët y'oytyunyëty. Ja tëkot jä'ä mëët wyimpotsëty ja tsaa u'unk mëti'ipë të'kxpën jajpën ets tsaa mëti'ipë yajwääpyën poop ets yëk.

Mateo 11:8

Ets pën ka'ap, ¿tii ojts xynyinëjkxtë ets tii ojts xy'ixtë? ¿Tu'uk ja ja'ay janty tsujpë xyoxyëtyënë? Mnija'awëtëp miits mëti'ipë janty tsuj näxyojxëtëpën, jam ja y'itë ma ja yajkutujkpë tsyëënëtën.

Mateo 6:29

Jëtu'un miits n'ënëëmëtë ko oy ja yajkutujkpë Salomón ni'ik ja mëj'ajtën jaanty'ajtën tjamëët'ajty, ka'ap nyäxyojxë tsuj ijxtëm yë pëjy kyëxë'ëkyën.

Ester 6:11

Ënät ja Amán ojts jap tjuuty ja yajkutujkpë ja wyit ma jap pëjkë'ëky y'ityën, ets tmëkäjëy ja kwaay. Tääts txojxy ja Mardoqueo ets tyajtso'ony kwaaykyijxy ets mëk yyä'äxy jyoky ma jam twinwitsyën ja kwaay mëti'ipë ja Mardoqueo tyuk'u'unyääpyën: Jëtu'un ja ja'ay yajkukajpxë mëti'ipë ja yajkutujkpë y'oyjya'apën.

Ester 5:1

Kom tëkëëk xëëw ojts ja Ester nyäxyoxyë mëët ja wit tujkxy mëti'ipë to'oxytyëjktëjk wyit'ajtëpën mëti'ipë nyiye'etyëjk'ajtëpën ja yajkutujkpë ets ojts tninëjkxy ja yajkutujkpë jam ma yajkutukyën. Jap nyäjxy tëjkwiiny, jap wya'ak'a'awëy wintuuytsyow ma ja yajkutujktaknën.

Ester 5:11

ets tukmëmëtyaktaay wi'ix ënäty tmëëtëtyën ja wit meeny mëj këjää, wi'ix nyimayëtyën ja y'u'unk y'ëna'k ets wi'ix ja yajkutujkpë të myo'oyën ja ënä'ämtakn kutujktakn, yi'iyë atu'uk këtiinëm ja myëku'uktëjk ets wi'ix ni'ik mëj'äämpy të yajnaxyë.

Ester 8:14

Tä ja yajkutujkpë ojts tni'ënä'ämë ets ja tyuunpëtëjk tmëtsoontëty kwaaykyijxy ja noky ets poj'am ye'eywya'kxtaaytyë kajpn kajpn, ya'atë ënä'ämën ojts jam näjyëtu'un yajkajpxwä'kxy ma Susa kajpnën.

Ester 10:2

Tëkokyë mëti'ipë tyuunën kyajpxën mëët ja kyutujkën ets ja y'ënä'ämën ets ko tmooy ja mëj tuunk ja Mardoqueo, jap myiinta'ay këxja'ay ma ja nokyën mëti'ipë jyä'ä'ajtëpën ja yajkutujkpëtëjk jampë tyuuntën Media ets Persië.

Proverbios 11:10

Ko yë wa'ats ja'aytyëjk jyotkujkta'aktë, yë naax kajpn jotkujk näjyëtu'un yajpaaty; ko yë ëxëëkja'aytyëjk y'ooktë, xoontakp yë naax kajpn.

Proverbios 28:12

Ko yë wa'ats ja'aytyëjk myëta'aktë, xoontaktëp ja ja'ayëty; ko yë ëxëëkja'aytyëjk myëta'aktë, näyu'tstaayëp yë ja'ay.