Ester 7:10 - Biblia Mixe de Quetzaltepec

¹⁰ Jëtu'un'äämpy ojts ja Amán jam y'ooky ma ja o'ktaknën mëti'ipë ënäty të tukni'oytyunën ja Mardoqueo. Tä ojts jëtu'un ja yajkutujkpë jyotxeemy.

Biblia Dc en Mixe de Quetzaltepec

¹⁰ Jëtu'un'äämpy ojts ja Amán jam y'ooky ma ja o'ktaknën mëti'ipë ënety të tukni'oytyunën ja Mardoqueo. Tä ojts jëtu'un ja yajkutujkpë jyotxeemy.

Ester 7:10 ပူးပေါင်းရင်းမြစ်များ

Salmos 7:16

Ja y'ëxëëk'ajtën ets ja tsyiptu'un tsipkajpxën, kyëpajkëjxy kya'ataja'any.

Daniel 6:24

Ja yajkutujkpë ojts tni'ënä'ämë ets tyajmintëty ja ja'ayëty mëti'ipë ënäty ja Daniel të tni'ëënëtë ets jap yajkujëpijpëtyë kaa kemyjoty mëët ja y'u'unkëty y'ëna'këty ets ja y'u'unk tyo'oxytyëjkëty; ka'ap ënäty jap y'oyjya'tënëm ko ja kaa myajtstaayëtë ets tsyu'tstaayëtë.

Ezequiel 5:13

Jëtu'unës nëjkx ja n'äkë nyajnaxy ma yë'ëjëtyën; yë'ëjës ntuk'ëwa'anxäämäämpy etsës njotkujkëty. E ko ënäty winë të ntunyës tääts nëjkx tnijawëtë, ko ëjts mëti'ipë Wintsën'ajtpën ojtsës njanikäjpxy maas ënäty tëë ntukjoot'anpëknëtën.

Jueces 15:7

Ënät ja Sansón y'ënäny: Tyam miits yajxon ntimy'ënëëmëtë ko ka'apës yë po'kxën n'ixëty koonëm n'ijxnajxta'atëty mëët mëti'ipë të xytyuntën.

Zacarías 6:8

Ok ja tsajpjotmëtë kukäjpxy ojts xymyëkäjpxyës ets mëk xy'ënëmaayës: Ix ja mëti'ipë të nyëjkxtën ma ja naax kajpnën anëkëjxytsyowpë yajpaatën tëë ja Wintsën ja jyoot'an tyajxä'ämëtë.

Ester 2:1

Tëë ënäty ja xëëw jëmëjt nyajxnë këjää ko ja yajkutujkpë Asuero jyootja'ajtëyë ja Vasti, mëët wi'ix ënäty të y'ëti'itsyën ets wi'ix ënäty ja yajkutujkpë Asuero ja ënä'ämën të tkäjxwä'kxyën.

Génesis 40:22

e mëti'ipë ja tsajpkääky nyiwintsën'ajtypyën, ojts ni'ënä'ämë tääts yajyo'ktëyëty, jëtu'un ijxtëm ënäty yë José të tyajniwijyën.

Ester 5:14

Ënät ja tyo'oxytyëjk ets ja myëku'uktëjk ojts y'ënë'ëmxëty: ¿Tii ko tu'uk xykyayaj'oyë o'kpäjn? Jä'ä xyajkëjxm'atëty majkmajkts xajpk ja kujkm ets nëjkx jopy xy'ënëëmë yë yajkutujkpë wä'än tni'ënä'ämë yë Mardoqueo ets yajyo'ktëyëty. Jëtu'unts jopy mnëjkxëty kääpyë ukpë mëët yë yajkutujkpë akujk jotkujk. Katii xykyamëmay xykyamëtajëty. Tyaapë jëtu'unpë winma'any oy ojts tmëtoy yë Amán, ojts tjanty'oytyuny ja o'kpäjn.

Ester 7:7

Ënät ja yajkutujkpë Asuero yajxon jyoot'anpëjky ets wyä'ätsë'ky, jap ojts nyijkxy tëjk'ëjxy ma ja pëjykyamën. E ja Amán ko t'ijxy ko tëë ja yajkutujkpë tuknipëjktaakë ko yaj'ooka'anyë, ënät tyëjkëy nu'kxtakpë ma ja Ester yajpaatyën ets t'ënëmaay ko wä'än pyokmye'kxyë.

Ester 7:8

Ko ja yajkutujkpë wyimpijty ets jap tyëjkëy tëkoty ma ënäty jap të kyäy të y'uuktën, tää t'ijxy ko jam ja Amán tyimnäkyëxjujpënë ma ja Ester ja pyuuyën. Ënät ja yajkutujkpë yujk'ënany: Mijts Amán, ¿wi'ixën mwinma'any xytyimpëjktaknë ko jam jëtu'unyë mtimnyäkyëxjujpënë ma yajkutujkpë Ester pyuuyën; ëkë m'ënaanpën ënät näjyëtu'un xymyëët'atanë ja nkutëjkës ëjts nwintuuy maas yë nkë'ëmtëjkënë? Tim je'eyë jëtu'un ja yajkutujkpë Asuero y'ënäny, ënätyë ja tyuunpëtëjk tyëjkëtyë jap tëkoty ets tmajtsë'ktë ja Amán. Tääts ja wit tukwinkupä'änëtyë ets tu'uk y'ënäny mëti'ipë xyëëwajtypyën Harboná: Jam ma Amán tyëjkën, tam tu'uk o'ktakn. Jä'ä kyëjxmëty majkmajkts xajpk ja kujkm. Yë'ë ojts yë Amán tukni'oytyunë yë Mardoqueo ets jam y'ookëty, yë Mardoqueo mëti'ipë ojts ja nija'awën tyäkyën ma mijtsën yajkutujkpë ets ojts myajtso'okyë. Tä ja yajkutujkpë ni'ënä'ämëy ets y'ënäny: Nëjkx jam yo'ktëytyë.

Salmos 94:23

Yë Wintsën yë'ë nëjkx jëna'a tyajkutuky ets ëxëëkja'aytyëjk yi'iyë yë y'ëxëëktu'un y'ëxëëk kajpxën yajkutëkoyëtëty. Yë nTios'ajtëm nëjkx kë'ëm yajkutëkoyëtë.

Proverbios 11:27

Mëti'ipë ja'ay oy winë tyuunpyën, oy ja'ay jyawëty; e mëti'ipë ëxëëk winë tyuunpyën, ëxëëk ja'ay y'ixyë.

Proverbios 26:27

Ko ja'ay jyuttajy, kë'ëm jap kyuka'anaxy; mëti'ipë ja'ay yajtsaawinkëpijpën, kë'ëm nyätyukninäkyë.

Jeremias 34:17

Paatyës mëti'ipë Wintsën'ajtpën, jëtu'unës n'ëna'any: Miitsëty ka'apës të xymyëmëtowtë, ka'ap të xy'ëxmatstë ets të xyaj'ëwaatsëpëtsëmtë ja mjëëky mmëku'ukëty mëti'ipë të xyajmëtuntën; e ëjts yë'ëjës nnajtsmatsëjäämpy yë tsip käjpxy, yuu xëëw ets pa'am ëyo'on, mëti'ipë ëxëëk myajjat myajkëpätëtëpën ets naax kajpn tsyë'ëkëtëty. Ëjts Wintsën, ëjts ënaanp.

Ester 8:7

Ënät ja yajkutujkpë Asuero t'ëtsoowinpijty ja Ester ets ja Mardoqueo, mëti'ipë Jutiiyë ja'ayëtyën: Ëjts tëëjës ntukë'ëtëjkëtyä'äy ja yajkutujkpë Ester tëkokyë jënu'un yë Amán winë të tmëët'atyën ets mëët ja nyijëën nyitëjk ets ja Amán nän tëë tyimyajyo'ktëy, mëti'ipë ojts tjayaj'o'kta'aja'anyën ja Jutiiyë ja'ayëty.

Ester 9:14

Ja yajkutujkpë ojts tkupëky. Ënät ojts yajkajpxwä'kxy ja ënä'ämën jam Susa ets ja okpë yajkutëëytyë, ja nimajkpë Amán ja y'u'unk y'ëna'k.

Ester 9:25

e ko ja Ester ojts tuk'ëwaanë ja yajkutujkpë, ënät ja yajkutujkpë nokymyëët ni'ënä'ämëy ja Amán ets y'ënäny: ko tu'kë'ëyë ja ëyo'on jotmay mëti'ipë të tjanimay të tjanitajën yë Amán ets ëxëëk jyatëty ja Jutiiyë ja'ayëty, wä'än jam tkëtakta'ay ma Amanën. Jëtu'un'äämpy yë Amán mëët yë y'u'unk y'ëna'k kyutëkooytyë.

Job 18:8

Kë'ëm nyätyu'u'akäämtuka'anyë ets jam kë'ëm nyäyajtu'u'ëtuka'anyë.

Job 20:8

Jëtu'un yaj'ijxtëkoyä'äny tä kuma'ayën, tä tii koots yaj'ixyën ets ka'ap pën tpaaty.

Salmos 37:15

Ko tpaatëty ja xëëw jëmëjt kyë'ëm tëypyujxn nëjkx nyätyukyaj'ookëtë, ets tyi'pxnëty nëjkxëp atëj tuktëjë jyajta'ay.

Proverbios 11:8

Yë Tios yajpëtsëëmpy yë oyjyä'äytyëjk ma monyë tukyën; ets ëxëëkja'aytyëjk yë'ë jam tpëjktä'äky.

Daniel 6:25

Ënät ja Darío yajkutujkpë tnija'ayëtyääy ja naax kajpn wi'ixjaty ja aaw ayuk tmëët'atën ets y'ënäny: Ëjts ntsojkpyës ets miitsëty jotkujk mjuuky'atëty ets xypyaatëty xy'ixtëty mëti'ipë mtukjuuky'atëpën,