Ester 5:9 - Biblia Mixe de Quetzaltepec

⁹ Ko ojts yë Amán jam tsyo'onë ma ënäty të kyäy të y'uuktën, janty jotkujk pyëtsëëmnë ets janty ku'uxyë; je'eyëp ko jää ojts jatëkok ja jyot myä'äty ko twinku'ijxëy ja Mardoqueo jam tëjk'ëkë'ëm, ko ka'ap wya'akë'ëky, ni'ikyë wiinktsow nyajts'ix nyajtskowë ko ja Amán nyäxy, jëtu'un ja Mardoqueo nyäpyëjktä'äkyë ka'ap yowë timy'ijxpaaty ja Amán.

Biblia Dc en Mixe de Quetzaltepec

⁹ Ko ojts yë Amán jam tsyo'onë ma ënety të kyäy të y'uuktën, janty jotkujk pyëtsëëmnë ets janty ku'uxyë; je'eyëp ko jää ojts jatëkok ja jyot myä'äty ko twinku'ijxëy ja Mardoqueo jam tëjk'ëkë'ëm, ko ka'ap wya'akë'ëky, ni'ikyë wiinktsow nyajts'ix nyajtskowë ko ja Amán nyäxy, jëtu'un ja Mardoqueo nyäpyëjktä'äkyë ka'ap yowë timy'ijxpaaty ja Amán.

Ester 5:9 ပူးပေါင်းရင်းမြစ်များ

Ester 3:5

E ko ja Amán tjanty'ijxy ko tëytyëm ko ka'ap ja Mardoqueo kyoxtänë ko nyäxy, ënät ojts yajxon jyänty jyoot'anpëky;

Mateo 2:16

Ko ja Herodes tnija'awëy ko ja matsa'a ixtääpyë ënäty tëë wyin'ëënyë, tääts ni'ik jyoot'anpëjky ets ojts tni'ënä'ämë ets ni'ëmukë y'ooktëty ja mëxu'unk ye'etyëjkpë jam Belén ets ma ja naax kajpnën wiinkonpë yajpaatën, tëë ënäty tpamay ja xëëw po'o jëna'a ja matsa'a ixtääpyë të tnikajpxtën.

Santiago 4:9

Maytyë tajtë, mëjë'ë mëya'axtë ja mpokyëty, wä'än yë mxikënëty t'awinpity yä'äxy ets m'ijtën mxo'onënëty, ma'ayën tajën.

Juan 16:20

Tëy nëëmëtë, ko nëjkxëp mjë'ëtë mya'axtë ets mmontë mtuktë ma ënäty ja ja'ay xyoonta'aktën mëti'ipë yajtuuntëpën ja naaxwiinyëtë winma'any; e oy ënäty y'ëkjëtu'unëty ma miits jam mmontë mtuktën ets mjë'ëtë mya'axtën, ja mjë'ëyënëty myaxënëty ets ja mmo'onënëty mtukënëty jä'ä nëjkx y'awinpity xoontakën.

Lucas 6:25

Mon tuk myajpaatë miitsëty, mëti'ipë tyam ku'uxyë jotkëtä'äky kaaytyëp uktëpën, jä'ä ko m'ayuu'atantëp miitsëty ok. Mon tuk miits myajpaatë, mëti'ipë tyam xiktëp xoontëpën; jä'ä ko mjë'ëjan mya'axantëp miitsëty ok mëët ja jotmay.

Daniel 3:13

Ja Nabucodonosor yajxon ojts jyoot'anpëjknë ets tnikäjxëy ja Sadrac, Mesac ets Abed-negó. E ko jam myiintë,

Salmos 27:3

Oyës yë mayjyä'äy xyjyana'ëwtity, ëjts nijënu'unës yë n'aaw njot kyatsë'ëkë; oy tjatuknipëjktaakëtëty xyaj'ooka'antës, ëjts akujk jotkujkës nyajpaaty.

Salmos 15:4

mëti'ipë y'ëxëëk'ijxypyën ja mëti'ipë patëp yaj'ëxëëk'ixëtyën. Ets y'oyjya'ap mëti'ipë yajmëjnajxypën yë Wintsën, mëti'ipë tyuunpyën tëëpë twinwanën oy ëxëëk tmëjatëty;

Job 31:31

Ko ijty tu'uk yë ja'ay, mëti'ipë tsënääpyën maas yë ntëjkën nëkoo ëxaty tuna'any yë jaaypyo'kxy,

Job 20:5

yë ëxëëkja'aytyëjk yë xyoontakënëty wäänë pyo'oxy; tsojkyë yë jyotkujk'ajtkojtë.

Ester 3:2

Tëkokyë ja'ayëty mëti'ipë myëtuuntëpën ja yajkutujkpë, aak myëjpëjktaktëp ets aak wyinkoxtënaaytyëp ijty yë Amán, oymyaajëty ko muum wyinnaxëtë aak wintak naaxkoowtëp ja'ayëty, jä'ä ko jëtu'un ënäty ja yajkutujkpë të tuknipëjktaakë; e ja Mardoqueo ka'ap tpatuuny jëtu'unpë ja ënä'ämën.

Ester 2:19

Jä'ä xëëw ma ënäty ja to'oxy'ëna'këty yajmënëjkxtën jam ma ijtaknën, mëti'ipë tëë twinkuwa'akëtën ja yajkutujkpë, yë Mardoqueo jam ënäty y'u'unyë tëjkwinm ma ja akujktëjkën.

1 Reyes 21:4

Ja Ahab mon tuk ojts nyëjkxnë ma tyëjkën jä'ä ko ënäty jëtu'un ja Nabot të y'ëtsoyë, ko ka'ap tjëkyepy myo'ojëtëty mëti'ipë ja tyeety tyaak tukumaayën. Ko jyä'äjty ma tyëjkën ënätyë nyäkyo'kë, jam nyämyëjjujpetyë potsywinm ets ka'ap ojts y'ëkaaynyë.

Hechos 7:54

Ko jëtu'un tmëtoowtë ja tsajptëkotyëtë yajuntë'ajtpë, ënät tukjoot'anpëjktë ja Esteban ets nyätyëtskä'pëtë mëët ja äkë.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Tios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Ester 5:13

Tii tëy ka'ap xyajjotkujk'atyës, yë'ë tääpë jaaypyo'kxyjyä'äy, Mardoqueo, mëti'ipë Jutiiyë ja'ayën, jampë y'u'unyën këmoon tëjk'ëkë'ëm. Ëjts oyës jënu'un mëj'ajtën kutujkën njamëëtëty pën tääpë ja'ay nwinku'ijxëpës, yë mëj'ajt kutujkën ka'ap nitii tsowëty.

1 Reyes 21:6

Tä ja Ahab y'ëtsooy: Jä'ä ko tëëjës njamëtyä'äky mëët yë Nabot, nja''amëtoyës yë kyam, ma y'uvë tyaj'ityë etsës të nja'ënëëmë ko oyës wiinkpë nmo'ojëty ëkë oyës nkujuuyëty, e yë'ë ka'ap tkupëky.