Ester 5:11 - Biblia Mixe de Quetzaltepec

¹¹ ets tukmëmëtyaktaay wi'ix ënäty tmëëtëtyën ja wit meeny mëj këjää, wi'ix nyimayëtyën ja y'u'unk y'ëna'k ets wi'ix ja yajkutujkpë të myo'oyën ja ënä'ämtakn kutujktakn, yi'iyë atu'uk këtiinëm ja myëku'uktëjk ets wi'ix ni'ik mëj'äämpy të yajnaxyë.

Biblia Dc en Mixe de Quetzaltepec

¹¹ ets tukmëmëtyaktaay wi'ix ënety tmëëtëtyën ja wit meeny mëj këjää, wi'ix nyimayëtyën ja y'u'unk y'ëna'k ets wi'ix ja yajkutujkpë të myo'oyën ja ënä'ämtakn kutujktakn, yi'iyë atu'uk këtiinëm ja myëku'uktëjk ets wi'ix ni'ik mëj'äämpy të yajnaxyë.

Ester 5:11 ပူးပေါင်းရင်းမြစ်များ

Ester 3:1

Jëtu'un ja xëëw jëmëjt tpaty ma ja Amán ojts mëj'äämpy ja yajkutujkpë pyëjktä'äkyën. Amán, Hamedata yë tyeety xyëëwajtyp, Agag y'u'unk y'ok, ja yajkutujkpë kyutënaay ma ja naax kajpnën.

1 Timoteo 6:17

Pën yaa kumeeny'ajtëpën naaxwiiny, t'ënëëmë ets ka'ap yë'ë nyätyukyajmëjnaxëtëty ets ka'ap yë'ë tuk'ijxpätëty,; jä'ä ko yë kumeenyajtën këjxp najxp yë'ë. Wä'än ja Tios yë'ë tuk'ijxpätë, jä'ä ko yë'ë yajktääpy oy tyimtiijëty ets akëtä'äky jotkëtä'äky nwë'ëmëty.

Génesis 31:1

Yë Jacob nyija'awëy ko ja Labán ja y'u'unk y'ëna'këty y'ëna'antë ko yë Jacob të tpëjkëtyä'äy winë yë Labán paaty ja Jacob të nyäyyajkumeenytyä'äkyë.

Marcos 10:24

Tääts ja y'ijxpëjkpëtëjk mëk tja'awëtyë ko ja Jesús jëtu'un y'ënäny. Ënät ja Jesús y'ënëmaayëtë jatëkok: U'unk ëna'këty, tsip ni'ik ets ja kumeenyjyä'äy tyëkëty ma ja Tios ja kyutujktaknën.

Daniel 4:30

ko y'ënäny: Ixtë, nëkooyë yë Babilonyë kajpn myëj'ajnë. Ëjts të nkojy mëëtës yë nkutujkën ets mëëtës yë n'ënä'ämën ets yaj'ixëty wi'ix nmëj'äämpyëtyës.

Isaías 10:8

Yë'ë tyaa y'ënä'äny: Tëkokyë yë yajkutujkpëtëjk aak'ëjts yë xymyëtuuntëpës.

Salmos 49:6

Yë'ëjëty yi'iyë tyukjotkujk'ajtëp ko kyuwit'at kyumeeny'atë ets jyä'äy'atë amëj akëjxm ko tmëët'atë winë,

Ester 1:4

ets tyaj'ixa'anyë ja myëj'ajtën kyutujkën, wi'ix kyuwit kyumeenyëtyën ets wi'ix tmëët'atyën ja mëk'ajtën. Ja xëëw jä'ä jyejky tëtujk po'o.

Ester 8:15

Jä'ä xëëw ja Mardoqueo jap pyëtsiimy ma ja kyutujktaknën, jä'ä wyit tyuktëjkëy mëti'ipë ja yajkutujkpëtëjk wyit'ajtëpën; jä'ä wyooxyëty poop ets yëktsuxk, ojts ja pu'ts pujxn kujän tpëjktä'äky ma kyëpajkën ets nyätyukniyä'pë tu'uk ja mëjwit, tsapts wyooxyëty, oywyit. Tä ja mayjyä'äy tyëjkëtyë yaxpë jojkpë mëët ja mëj xoontakën;

Salmos 49:7

e oyts tii may tjamëët'atë ka'ap yë'ëjëty yajtso'onka'anëtë, ets ka'ap tjëkyepy yë Tios tukmëjuytyëty ets ja jyuukyajtën nyitso'oktëty.

Salmos 52:9

Tios, kë'ëyxyëëw kë'ëyjyëmëjtës nkukajpxëja'any ma mijtsën mëët ko oy winë xytyuny; mijts xëmë n'ëwxitäämpy ma ja'ayëtyën mëti'ipë wa'ats juuky'ajtëpën, jä'ä ko mijts janty'oy janty tsuj mTios'aty.