Ester 3:13 - Biblia Mixe de Quetzaltepec

¹³ tä yajkäjxwa'kxtaay ja ënä'ämën maajaty ja yajkutujkpë Asuero tnitänën. Ma ja nokyën jä'ä jap kujayë ijtp ko y'o'kta'atëty ja Jutiiyë ja'ayëty tu'kxëëyë, mëj mutsk, yä'äy to'oxy ets yajpëjkëtya'atëty winë mëti'ipë myëët'ajtëpën. Ja xëëw mëti'ipë ënäty të yajpëjktä'äkyën, jää ojts tukka'ay ma majktëkëëk y'änyën ja mëmajkmäjtsk po'opë, mëti'ipë yajtijpën Adar.

Biblia Dc en Mixe de Quetzaltepec

¹³ tä yajkäjxwa'kxtaay ja ënä'ämën maajaty ja yajkutujkpë Asuero tnitänën. Ma ja nokyën jä'ä jap kujayë ijtp ko y'o'kta'atëty ja Jutiiyë ja'ayëty tu'kxëëyë, mëj mutsk, yä'äy to'oxy ets yajpëjkëtya'atëty winë mëti'ipë myëët'ajtëpën. Ja xëëw mëti'ipë ënety të yajpëjktä'äkyën, jää ojts tukka'ay ma majktëkëëk y'änyën ja mëmajkmäjtsk po'opë, mëti'ipë yajtijpën Adar.

Ester 3:13 ပူးပေါင်းရင်းမြစ်များ

Ester 9:10

Ya'atë nimajkpë yë'ë ënäty ja Amán y'u'unk y'ëna'k mëti'ipë ëxëëk y'ijxën ja Jutiiyë ja'ayëty; je'eyëp ko tëkokyë mëti'ipë myëët'ajtën ka'ap ojts tontë.

2 Crónicas 30:6

Tä ja kukäjpxy ye'eywya'kxtaaytyë, jä'ä myënëjkxtëp ja yajkutujkpë ja y'aaw y'ayuk, ma ja ënä'ämën kutujkën tpëjktäkyën: Miitsëty Israel ja'ayëty yajwinpitë jatëkok ja mjot mwinma'anyëty ma ja Wintsënën, mëti'ipë ja Abraham, Isaac ets ja Jacob Tyiosajtën ets yë'ë mnijootwinpitëtëty ets näjyëtu'un ja ja'ayëty mëti'ipë të tkukä'äktën ja Siria ja'ayëty, Sirië yajkutujkpëty.

1 Samuel 15:3

Paaty tyam n'ënëëmë ninëjkx ets yaj'o'kta'a, wä'än tmëjëty tmutskëty, ye'etyëjk to'oxytyëjkëty, jëyujk tsajpkaa, tsajppax ets kupixyny.

Santiago 2:13

Pën ja myëku'uk ka'ap tpa'ëyoy, näjyëtu'un ja Tios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënäty ja paye'eyën y'ity.

Romanos 3:15

yajja'ay'o'k pëyi'ikyë nyinëjkxtëp,

Jeremias 51:31

Wintu'uk patu'uk yë käjpxy yajpkpë tuk'ëwaanëtë yë Babilonyë yajkutujkpë, ko tëë yë nyaax kyajpn yajnitëkë ets tëë yë myëtsip myëmëtä'äkyë.

Isaías 10:6

Nkäxäämpyës tu'uk yë kajpn ëxëëkpë kyajpn'atyën ma ja kajpnën mëti'ipës të xyajjoot'anpëkyën; yë'ë myajts'ta'ajäämpy ets tpëjkëtya'aja'any mëti'ipë myëët'ajtëpën, tääpë kajpn jëtu'un nëjkx t'atään tuktääntë tä ja'ay naax tä'än'ookyën.

Job 9:25

Jëtu'unës yë nxëëw njëmëjt pyëyi'iky pe'tym tä pën pyëyi'ikyën ets ka'ap ja jotkujk'ajtën tpaaty.

Ester 7:4

Jä'ä ko tëëjës nijawë ko ëëtsëty ets nnaax nkajpnës tëëjës nyajtook nyajyaktë ets ni'ëmukë nkëjxta'a ntëkooytya'atëtyës. Ëjts ka'apës jeexyë wi'ix n'ëna'any koos jeexyë je'eyë të nyajtooktë ets nmëtuntëtyës, ja mëtsip ka'ap jeexyë nëkoo jëtu'un tyimtuuntëkoy ma ja yajkutujkpën.

1 Samuel 22:19

Ko jëtu'un yë Doeg t'ëkyaj'o'ktaay ja teetytyëjkëty, tä ojts jam nyijkxy Nob, ma teety kyukajpn'atën ets tyaj'o'ktaay ja to'oxytyëjkëty, ye'etyëjktëjk, pi'k ëna'këty ets ja mëti'ipë ënäty je'eyë myinyëmën naaxwiiny. Näy ots tyaj'o'kta'ay ja jëyujk, tsajpkaa ets tsajppax.

Ester 8:5

ets y'ënäny: Pën yë yajkutujkpë myëtoopy oy mëti'ipës yam n'amëtoowäämpyën ets pën xyänty tsyojkyp xyääntyjya'apës, wä'än tu'uk noky tyajja'ay ma yaj'akajpxtukëtyën ja ënä'ämën mëti'ipë ja Amán ojts tyajkojyën, ma tjatuknipëjktakëyën jeexyë ja Jutiiyë ja'ayëty y'o'kta'atë mëti'ipë tsënaaytyëpën maajaty ja kajpnën mëjpë mutskpë mapaat ja ënä'ämën kutujkën y'ityën.

Ester 9:1

Ma majktëkëëk y'änyën ja mëmajkmäjtsk po'opë, mëti'ipë tyijtëpën Adar, jää ojts ja yajkutujkpë ja ënä'ämën tpëjktä'äky ets tyunëtëty jyatëtëty ja mëti'ipë ënäty të tuknipëjktaakëtën, ma y'o'kta'atëty ja Jutiiyë ja'ayëty, je'eyëp ko jää tëkatsy ojts wyimpëtsëëmnë, yë'ë ojts jää myëtaknëtë ja Jutiiyë ja'ayëty.

Ester 9:5

Ja Jutiiyë ja'ayëty ojts tkupujxta'atë ja myëtsiptëjk mëti'ipë ojts jyayaj'ooka'anëtën; wa'ats tyajkutëkooytyääytyë mëti'ipë ënäty të jyayaj'ooka'anëtën.