Ester 3:12 - Biblia Mixe de Quetzaltepec

¹² Ma majktëkëëk y'änyën ja mëët tu'kpo'opë, jä'ä jëmëjt ojts yajmëkajpxmuktë ja jaaypyëtëjkëty mëti'ipë tuuntëpën ma ja yajkutujkpën, ojts yajtuk'ënä'ämtë tja'atëty ja ënä'ämën mëti'ipë të tnipëjktaakën ja Amán ets yajtuknikäxtëty ja mutsk yajkutujkpëty mëti'ipë yajpatëpën ma ja it naaxwiinyëtën mëti'ipë nyitënääpyën ja yajkutujkpë Asuero ets ja kutuunktëjkëty mëti'ipë kajpn kajpn yajpatëpën. Ya'atë ënä'ämën jëtu'un yajjaay tä ja naax kajpn ënäty ja aaw ayuk tkajpxtën nijä'äjaty, ojts ja yajkutujkpë xyëëw yajkëxja'ay ets yë'ë tsaay ja noky mëët ja kyë'ëjiits,

Biblia Dc en Mixe de Quetzaltepec

¹² Ma majktëkëëk y'änyën ja mëët tu'kpo'opë, jä'ä jëmëjt ojts yajmëkajpxmuktë ja jaaypyëtëjkëty mëti'ipë tuuntëpën ma ja yajkutujkpën, ojts yajtuk'ënä'ämtë tja'atëty ja ënä'ämën mëti'ipë të tnipëjktaakën ja Amán ets yajtuknikäxtëty ja mutsk yajkutujkpëty mëti'ipë yajpatëpën ma ja it naaxwiinyëtën mëti'ipë nyitënääpyën ja yajkutujkpë Asuero ets ja kutuunktëjkëty mëti'ipë kajpn kajpn yajpatëpën. Ya'atë ënä'ämën jëtu'un yajjaay tä ja naax kajpn ënety ja aaw ayuk tkajpxtën nijä'äjaty, ojts ja yajkutujkpë xyëëw yajkëxja'ay ets yë'ë tsaay ja noky mëët ja kyë'ëjiits,

Ester 3:12 ပူးပေါင်းရင်းမြစ်များ

1 Reyes 21:8

Tä ojts tja'ay may ja noky mëti'ipë kyäjxwa'kxën, yajxon tsaaytyääy mëët ja yajkutujkpë Ahab ja kyë'ëkaa, yajtuknikäjxtë ja mëjja'aytyëjkëty ets ja kopktëjkëty jampë yajpaatën ma Nabot kajpnën.

Esdras 8:36

Ok ojts ja kutuunktëjkëty yajtuknijawëtë wi'ix ënäty ja yajkutujkpë ja ënä'ämën të tyäkyën, ma ja kutuunktëjkëtyën mëti'ipë jam yajpatëpën ma ja Éufrates y'itjotmën, mëti'ipë ojts pyutëkëtën ko ja naax kajpn tkoj'o'oyëtë ja tsajptëjk.

Ester 1:22

ojts tnajtskäjxëtyä'äy ja noky xiitsow yaatsow, kajpn kajpn, kanaakpëky ja noky ojts tyajkojtë, tu'ukjaty aakjëtu'un jyä'äyëty tä ja ja'ay kyajpxtën ets jya'atën, ja noky jëtu'un y'ënä'äny: ko ja ye'etyëjktëjk yë'ë patëtëp y'ënä'ämtëty ma ja jëën tëjkën ets jëtu'un mëpaat tii yajtuny ijxtëm yë'ë y'ëna'antën.

Ester 3:11

Tääts t'ënëmaay: Mijts jä'ä'at tääpë poop pujxn. E mëëtpë tääpë kajpn mëti'ipë mnikäjpxypën, mijts mnija'ap wi'ix xytyunëtyën.

Ester 8:2

Ënät ja yajkutujkpë Asuero nyätyukë'ëji'tstutë ja kë'ëjiits mëti'ipë ja Amán ijty yajtuumpyën ets tmooy ja Mardoqueo. E ja Ester yë'ë ojts tuknipëky ja Mardoqueo ets tniwintsën'atëty tëkokyë winë mëti'ipë ja Amán jyä'ä'ajtypyën.

Ester 9:27

yë Jutiiyë ja'ayëty jëtu'un ojts tkäjpxy'atë ko ya'atë xëëw pa'u'unk pa'ëna'k mëpaat yajtuny, ma ja Jutiiyë ja'ayëtyën ets ma ja ja'ayëtyën mëti'ipë tyuktëjkëpën ja Jutiiyë ja'ay ja myëpëjkënëty; winjëmëjt ya'atë xëëw yajtunëty, nitu'kjëmëjt kyaninaxëty. Mäjtsk xëëw ja ja'ay xyëëwtuntëty ma ënäty tukka'ayën ets jëtu'un yajkuuytyunëty ja ënä'ämën mëti'ipë të tkäjpxy'atën;

Daniel 3:10

Mijts yajkutujkpë tëë xynyi'ënä'ämë ets tëkokyë yë ja'ayëty kyuxtënaaytyakta'atëty ko tmëtoowpaatëty ja xuxpë wojpë y'ënaannta'aktëty,

Daniel 6:12

Poj'am ojts tninëjkxtë ja yajkutujkpë ets tyajtëwa'antë wi'ix y'itëty ja ënä'ämën mëti'ipë ënäty ja yajkutujkpë të tsa'ayën ets t'ënëmaaytyë: Mijts yajkutujkpë tëë tu'uk yë ënä'ämën xyajwë'ëmy, mëti'ipë ënaanpën ko ka'ap pën wiinkpë tios t'ëwtatëty, ko yi'iyë yaj'ëwtatëp yë yajkutujkpë, e ko pën wiink tios t'ëwtatëty jap nëjkx yajkujëpipë kemyjoty ma maykyaa jap yajpaatën, ¿këtii jyëtu'unëtyë? Mëtëy yë'ë, jëtu'un y'ëtsooy ja yajkutujkpë. E yë ënä'ämën kopkpëky yë ko yajpaatuny jä'ä jëtu'un myiny ja tëyajtën ma Persë ja'ayëtyën ets ma Medos ja'ayëtyën ets ko ka'ap tjëkyepy y'atëkoyëty.

Daniel 6:15

e ja ja'ayëty jëtu'un nyajxnëtë tyëjkënëtë janaam jatsojk myiinëtë ma ja yajkutujkpën ets t'ënëmaaytyë: Yë yajkutujkpë wa'ats tnijawë ko yë Medos ja'ayëty ets persë ja'ayëty jëtu'un yë y'ënä'ämën y'ëna'antë ko yë yajkutujkpë tii t'akajpxtukëty ëkë tni'ënä'ämëty ka'ap tjëkyepy pën tyaj'atëkoyëty.

Daniel 6:25

Ënät ja Darío yajkutujkpë tnija'ayëtyääy ja naax kajpn wi'ixjaty ja aaw ayuk tmëët'atën ets y'ënäny: Ëjts ntsojkpyës ets miitsëty jotkujk mjuuky'atëty ets xypyaatëty xy'ixtëty mëti'ipë mtukjuuky'atëpën,

Daniel 6:8

Paaty yam mijts yajkutujkpë myajpëjktsoy ets xytsya'ajëty ya'atë noky; ya'atë ënä'ämën ka'ap mëpaat pën tyajtëkatsy jëtu'un tä yë tëyajtën y'ënä'änyën mëti'ipë Medos ja'ay ets persë ja'ay yajtuuntëpën ets ka'ap tjëkyepy pën tyajtëkoyëty.