Ester 2:7 - Biblia Mixe de Quetzaltepec

⁷ Mardoqueo tam ijty tu'uk tsyojknëëx, mëti'ipë ojts yë'ë tyajyeekyën ko ja tsyojknëëx mëxu'unknëm nyi'o'ktutë ja tyeety tyaak. Tääts ojts yë'ë tmëwë'ëmy tä jeexyë tnëëx'atyën. Jä'ä xyëëwajtyp Hadasá, nän yajtijp Ester. Yë Ester janty'oy janty tsuj ojts yeeky ets oy kyëxë'ëky.

Biblia Dc en Mixe de Quetzaltepec

⁷ Mardoqueo tam ijty tu'uk tsyojknëëx, mëti'ipë ojts yë'ë tyajyeekyën ko ja tsyojknëëx mëxu'unknëm nyi'o'ktutë ja tyeety tyaak. Tääts ojts yë'ë tmëwë'ëmy tä jeexyë tnëëx'atyën. Jä'ä xyëëwajtyp Hadasá, nän yajtijp Ester. Yë Ester janty'oy janty tsuj ojts yeeky ets oy kyëxë'ëky.

Ester 2:7 ပူးပေါင်းရင်းမြစ်များ

Ester 2:15

Yë Ester, yë'ë Abihail tyaak'ajt ets yë'ë Mardoqueo jyämy'ajt; ko ojts tyuka'ayë ets twinkuwa'akëty ja yajkutujkpë, yi'iyë ojts tmënëjkxy mëti'ipë ja Hegai tuknëmaayën tmënëjkxëty. Yë Hegai yë'ë ënäty të tyuknipëkyë ja yajkutujkpë ets këwent'atëty ja to'oxy'ëna'k. Yë Ester aak'oy ënäty ja to'oxy'ëna'k jyawëty.

Efesios 6:4

Miits taak teetyëty ka'ap m'u'unk m'ëna'k xyajjoot'anpëktëty, ëëwij kajpxwijtë yajxon ets tuk'ix tuknijawëtë wi'ix tuntëty mëti'ipë Wintsën tsyojkpyën.

2 Corintios 6:18

Ëjts miits xytyeety'atëp, etsës miits n'u'unk'atëty. Jëtu'un ja Wintsën Mëti'ipë maaytyääyëpën winë y'ënä'äny.

Ester 1:11

ets nëjkx twowtë ja yajkutujkpë to'oxytyëjk Vasti ets tmëminëty ja kujän mëti'ipë ja yajkutujkpë to'oxytyëjk yajtuuntëpën, jëtu'un ja naax kajpn t'ixëty wi'ix ja yajkutujkpë to'oxytyëjk y'oy tsyujëtyën, jä'ä ko ja yajkutujkpë Vasti janty'oy ënäty kyëxë'ëky.

Génesis 48:5

E tyam ënät yë mmaank Efraín ets Manasés, mëti'ipë të myintën naaxwiiny yaa Egiptë, maas ënäty ka'anëm nminyëm yaa ma mijts myajpaatyën, ëjts yë njä'ä'ajtëp. Jëtu'unës yë njawëtë tääjës njawëtën yë Rubén ets Simeón.

1 Juan 3:1

Ixtë wi'ix ja Tios Teety mëj këjää të xytsyojkëmën ko të xy'u'unkniwa'anëmë. Paaty ka'ap xy'ixy'ajtëm ja ja'ay mëti'ipë tyuuntëpën ja yääyëpë naaxwiinyëtë kyixy nyäxyën, jä'ä ko ja Tios tka'ixy'atë.

Ester 2:20

Yë Ester ka'ap ënäty të tuk'ëwaanë ja yajkutujkpë maa tsyoonyën, pën myëku'uk'ajtypyën ets maa kyunaax kyukajpnëtyën, jä'ä ko jëtu'un ënäty ja jyämy Mardoqueo të y'ënë'ëmxëty ma ënäty yë'ë myëët'atyënëm.

Ester 8:1

Jä'ä xëëw, ënätyë ja yajkutujkpë Asuero tnamo'oy ja Ester tu'uk yë tëjk ma ijty tsyëënën ja Amán, mëti'ipë myëtsip'ajtypyën ja Jutiiyë ja'ayëty; e ja Mardoqueo ojts tninëjkxy ja yajkutujkpë Asuero, jä'ä ko yë Ester tëë ënäty tuk'ëwaanë ja yajkutujkpë ko yë Mardoqueo tjämyëty.

Job 31:17

Ka'apës ëjts nijëna'a tii nätyu'uk të nkay të një'kxy, xëmës të nyajwä'kxy yë nka'ayën n'ukën mëët yë ku'ooky u'unk.

Job 31:18

Jëtu'un tä tu'uk teetyën, jëtu'unës të njawë yë ku'ooky u'unk, tëëjës xëmë nkuwa'any yë ku'ookytyo'oxy.