Ester 2:16 - Biblia Mixe de Quetzaltepec

¹⁶ Ënät ojts ja Ester yajmënëjkxy jam ma ja kutujktaknën ets twinkuwa'akëja'any ja yajkutujkpë Asuero, ma myajkpo'opetyën jajëmëjt mëti'ipë yajtijpën Tébet, kom wëxtujk jëmëjt ma ënäty të tyëkën yajkutujkpë yë Asuero.

Biblia Dc en Mixe de Quetzaltepec

¹⁶ Ënet ojts ja Ester yajmënëjkxy jam ma ja kutujktaknën ets twinkuwa'akëja'any ja yajkutujkpë Asuero, ma myajkpo'opetyën jajëmëjt mëti'ipë yajtijpën Tébet, kom wëxtujk jëmëjt ma ënety të tyëkën yajkutujkpë yë Asuero.

Ester 2:16 ပူးပေါင်းရင်းမြစ်များ

Ester 8:9

Ja yajkutujkpë ja jyääpyëtëjk ënätyë ojts yajmëkajpxta'atë. I'px tëkëëk ënäty ja mëtëkëëk po'opë y'äny, ja Sivan po'o. Tëkokyë mëti'ipë ja Mardoqueo nyi'ënä'ämëyën yajkujaaytyääy ets yajtuknikäjxtë ja Jutiiyë ja'ayëty, yajkutujkpëtëjk ets kutuunktëjk ma ja mëko'px ja i'px wëxtujkpë ja kajpnën, mëti'ipë jam India ets jampaat Etiopíë yajpatpën; aakjëtu'un ja noky yajjaay tä kyajpxtën ets wi'ix ja tja'atën. Ja Jutiiyë ja'ayëty ojts ja nyoky yajtuknikäxtë tä kyajpxtën ets jya'atën.

Ester 2:3

Nikë wä'än yë yajkutujkpë tuknipëky yë ja'ay, maajaty ja naax kajpnën, mëti'ipë ya'atë kutujkën nyitënääpyën; yë'ë y'ixta'atëp ja to'oxy'ëna'k ets jam twoownëjkxtëty ma yajkutujkpë ja y'ijtaknën, jam Susa, ma ja tëjkën ma to'oxy'ëna'k y'itën ets yajtuknipëkëty yë Hegai ets yë'ë t'ijx'it tkëwent'atëty. Tääpë Hegai nyija'ap yë yajkutujkpë ko oy jyä'äy'äty, wä'änts yë'ë tyajkay tyaj'uuky yë to'oxy'ëna'k; wä'än t'ixy tmëyäty ets wä'än yajxon tyajtsooypyetsy ets t'oytyuny.

Ester 2:1

Tëë ënäty ja xëëw jëmëjt nyajxnë këjää ko ja yajkutujkpë Asuero jyootja'ajtëyë ja Vasti, mëët wi'ix ënäty të y'ëti'itsyën ets wi'ix ënäty ja yajkutujkpë Asuero ja ënä'ämën të tkäjxwä'kxyën.

Esdras 7:8

Ja Esdras yi'iyë tu'ukyë ja Wintsën tyimtuk'ijxpejtyp, tä tsyo'ony jam Babilonyë ma tyu'uk anyën ja mëët tu'uk po'opë, ma wyëxtujk jëmëjtpetyën ma yajkutukyën ja Artajerjes ets jyäjty jam Jerusalén ma tyu'uk anyën ja mëmëkoxk po'opë nän jää jëmëjt.

Ester 2:15

Yë Ester, yë'ë Abihail tyaak'ajt ets yë'ë Mardoqueo jyämy'ajt; ko ojts tyuka'ayë ets twinkuwa'akëty ja yajkutujkpë, yi'iyë ojts tmënëjkxy mëti'ipë ja Hegai tuknëmaayën tmënëjkxëty. Yë Hegai yë'ë ënäty të tyuknipëkyë ja yajkutujkpë ets këwent'atëty ja to'oxy'ëna'k. Yë Ester aak'oy ënäty ja to'oxy'ëna'k jyawëty.

Ester 2:17

Ja Asuero oy t'ijxy ja Ester ets mëk tsojkën'ajty. Yë'ë ni'ik tsyojkën'ajt këtiinëm wiinkëtypë ja to'oxy'ëna'k mëti'ipë ënäty mëët të y'ijtmukyën ja Ester, paaty ojts jä'ä tmo'oy ja kujän, mëti'ipë oytyunyën mëët yë pu'ts pujxn, mëti'ipë yajtuk'ijxpën ko yajkutujkpë y'ity, jëtu'un ojts yë'ë tkutëkë ja yajkutujkpë Vasti.

Esdras 4:6

E jää ma tyëjkëyën yë yajkutujkpë Asuero, jää tu'uk yë noky tkäjxtë yë myëtsip yë Israel ja'ayëty ets tuknikäjxtë ja Asuero, jä'ä yajni'ë'ënëtyëp ja Judá ja'ayëty ets ja Jerusalén ja'ayëty.