Ester 2:15 - Biblia Mixe de Quetzaltepec

¹⁵ Yë Ester, yë'ë Abihail tyaak'ajt ets yë'ë Mardoqueo jyämy'ajt; ko ojts tyuka'ayë ets twinkuwa'akëty ja yajkutujkpë, yi'iyë ojts tmënëjkxy mëti'ipë ja Hegai tuknëmaayën tmënëjkxëty. Yë Hegai yë'ë ënäty të tyuknipëkyë ja yajkutujkpë ets këwent'atëty ja to'oxy'ëna'k. Yë Ester aak'oy ënäty ja to'oxy'ëna'k jyawëty.

Biblia Dc en Mixe de Quetzaltepec

¹⁵ Yë Ester, yë'ë Abihail tyaak'ajt ets yë'ë Mardoqueo jyämy'ajt; ko ojts tyuka'ayë ets twinkuwa'akëty ja yajkutujkpë, yi'iyë ojts tmënëjkxy mëti'ipë ja Hegai tuknëmaayën tmënëjkxëty. Yë Hegai yë'ë ënety të tyuknipëkyë ja yajkutujkpë ets këwent'atëty ja to'oxy'ëna'k. Yë Ester aak'oy ënety ja to'oxy'ëna'k jyawëty.

Ester 2:15 ပူးပေါင်းရင်းမြစ်များ

Cantares 6:9

e yë to'oxytyëjk mëti'ipës ntsojkpy nja'apën tu'uk je'eyë; tu'uk je'eyë ja yajkutujkpë ja nyëëx mëti'ipë të yajtsojkën'atyën mëti'ipë ojts ja tyaak yajmëxu'unk'atyën. Ko yë myëto'oxy'ëna'k y'ixyë janty oyjya'awëyëp;; yë to'oxytyëjktëjk mëti'ipë yajkutujktëpën ets mëti'ipë pujëtu'unëtyëpën janty tsojk janty ja'awëyëp.

Ester 2:3

Nikë wä'än yë yajkutujkpë tuknipëky yë ja'ay, maajaty ja naax kajpnën, mëti'ipë ya'atë kutujkën nyitënääpyën; yë'ë y'ixta'atëp ja to'oxy'ëna'k ets jam twoownëjkxtëty ma yajkutujkpë ja y'ijtaknën, jam Susa, ma ja tëjkën ma to'oxy'ëna'k y'itën ets yajtuknipëkëty yë Hegai ets yë'ë t'ijx'it tkëwent'atëty. Tääpë Hegai nyija'ap yë yajkutujkpë ko oy jyä'äy'äty, wä'änts yë'ë tyajkay tyaj'uuky yë to'oxy'ëna'k; wä'än t'ixy tmëyäty ets wä'än yajxon tyajtsooypyetsy ets t'oytyuny.

Hechos 7:10

Ojts ja Tios yajpëtsëmyë amaayjoty jotmayjoty. Mooyë ja wijy'ajt kujk'ajtën ets ojts myëku'ukjawëty ja faraón mëti'ipë jap Egiptë yajkutujkpën, ets nyikajpxpäjtë näjyëtu'un kutuunk ma ja Egiptë kajpnën ets ma ja kutujkëntëjkën.

Ester 9:29

Yë yajkutujkpë Ester, yë nyëëx yë Abihail, mëët yë Mardoqueo, mëti'ipë Judá ja'ayëtyën, ojts wiinkpë noky tkäxtë mëët ja kutujkën ma tnikajpxtën ja xëëw mëti'ipë tyijtëpën Purim ets tnikajpxëtë ja mëjëyëjpë ja xëëw,

Cantares 8:10

Ëjts jëtu'unës tä tu'uk napotsën ets ntsi'tskës jëtu'un tä tu'uk yenypyotsyën mëti'ipë kujkyë tënääpyën. Paaty yë ye'etyëjk oyës xy'ixy ets tëëjës npaaty yë xoontakën.

Ester 2:14

Koots ijty tu'ukjaty nyëjkxtë ma ja kutujktaknën, e komjëpom wiinktsow yajkäxtë, ma jam ëpëky y'itën ja to'oxy'ëna'këty mëti'ipë tëë twinkuwa'akëtën ja yajkutujkpë. Yë'ë ënäty jam të yajtuknipëky t'ijx'it tkëwent'atëty ja to'oxy'ëna'k, yë Saasgaz. Ja yajkutujkpë nyija'ap ijty ko ja Saasgaz oy ja to'oxy'ëna'k këwent'aty. Mëti'ipë ja to'oxy'ëna'k ënäty të twinkuwa'akën ja yajkutujkpë, ka'ap jatëkok t'ëkwinkuwa'kënë, ënät tëy, pën tëë ja yajkutujkpë y'oy'ixyë ets pën tëë kë'ëm myëkäjpxyë.

Ester 2:16

Ënät ojts ja Ester yajmënëjkxy jam ma ja kutujktaknën ets twinkuwa'akëja'any ja yajkutujkpë Asuero, ma myajkpo'opetyën jajëmëjt mëti'ipë yajtijpën Tébet, kom wëxtujk jëmëjt ma ënäty të tyëkën yajkutujkpë yë Asuero.

Ester 8:1

Jä'ä xëëw, ënätyë ja yajkutujkpë Asuero tnamo'oy ja Ester tu'uk yë tëjk ma ijty tsyëënën ja Amán, mëti'ipë myëtsip'ajtypyën ja Jutiiyë ja'ayëty; e ja Mardoqueo ojts tninëjkxy ja yajkutujkpë Asuero, jä'ä ko yë Ester tëë ënäty tuk'ëwaanë ja yajkutujkpë ko yë Mardoqueo tjämyëty.

Proverbios 15:33

Ko yë Tios yajmëjpëjktä'äky yë'ë tukpatp wijyajtën; ko ja'ay mëj'äämpy nyaxa'anëty jëyëjp mëpaat yu'unk naxym nyäxy.