Ester 1:14 - Biblia Mixe de Quetzaltepec

¹⁴ Ja ja'ayëty mëti'ipë ënäty tu'ukyë mëët nyäyaj'itëtën ja yajkutujkpë, ja Carsená, Setar, Admata, Tarsis, Merés, Marsená ets Memucán, niwëxtujk y'ijtë, aak mëj'äämpy ënäty yajjëkyäptë jam Media ets Persië. Ya'atë ja'ayëty mëët tu'ukyë tyuntë ja yajkutujkpë jam ma ja nyaax kyajpnëtyën.

Biblia Dc en Mixe de Quetzaltepec

¹⁴ Ja ja'ayëty mëti'ipë ënety tu'ukyë mëët nyäyaj'itëtën ja yajkutujkpë, ja Carsená, Setar, Admata, Tarsis, Merés, Marsená ets Memucán, niwëxtujk y'ijtë, aak mëj'äämpy ënety yajjëkyäptë jam Media ets Persië. Ya'atë ja'ayëty mëët tu'ukyë tyuntë ja yajkutujkpë jam ma ja nyaax kyajpnëtyën.

Ester 1:14 ပူးပေါင်းရင်းမြစ်များ

2 Reyes 25:19

Ojts tmatstë tu'uk ja ja'ay mëti'ipë ijty nyikopk'ajtypyën ja myëstsiptuunpëtëjk, mëët nimëkoxk ja ja'ayëty mëti'ipë ja yajkutujkpë kyëwent'ajtëpën jampë kajpnjotm yajpaatën; ojts näjyëtu'un yajmatsy ja tsiptuunpë mëti'ipë ijty jyääymyujkpyën ja ja'ayëty mëti'ipë tsiptuunpë'atantëpën ets ëpëky tëkë'px ja ja'ayëty mëti'ipë mëj'äämpy ijtëpën jam kajpnjotm.

Esdras 7:14

Jä'ä ko yë yajkutujkpë ets niwëxtujkpë jyä'äy mëti'ipë ëëwij kajpxwijtëpën, yë'ë yam mkäjxëtëp ets nëjkx xy'ixy tyuny jam Judá ets jam Jerusalén, jëtu'un tä jap myinyën kuja'ay ja ënä'ämën tëyajtën ma mnokyën mëti'ipë mëët'ajtypyën.

Ester 1:15

Tä ja yajkutujkpë yajtëëwëtë: ¿Wi'ix ja ënä'ämën tëyajtën y'ënä'äny? ¿tii mëpaat yajtuny ko tääpë yajkutujkpë Vasti ka'ap të tpatuny ja n'ënä'ämënës, ijxtëmës ja nkäjpxynyajxpëty të jya'ënë'ëmxëtën?

Jeremias 52:25

Ja ja'ayëty mëti'ipë jam Jerusalén yajpatëpën, yë'ë ojts yajmatsy ja tsiptuunpë wintsën, mëti'ipë nyikopk'ajtypyën ja tsiptuunpëtëjk; ojts näjyëtu'un yajmatstë ja niwëxtujkpë ja ja'ayëty, mëti'ipë ja yajkutujkpë kyëwent'ajtëpën, mëti'ipë ënäty jam kajpnjotm yajpatëpën; ja tsiptuunpë wintsën mëti'ipë ja tsiptuunpëtëjk ijty jyääymyujkpyën ets nitëkë'px majk ja kopktëjkëty, mëj'äämpyë y'itën jam kajpnjotm.

Mateo 18:10

Këtii pi'k ëna'k jëkäm xypyëjkta'aktëty. Jä'ä ko yë'ëty myëët'ajtëp yë y'anklësëty jam tsajpjotm mëti'ipë yajpatëpën xëmë Tios wintum.

Apocalipsis 22:4

Wiinxë jëjpxë jam y'ixëtëty ets myëët'ajtxëtëty ja xyëëw wyimpokëjxm.