Esdras 9:8 - Biblia Mixe de Quetzaltepec

⁸ E yë'ë ënät näjyëtu'un nnikajpxäämpyës ma mijtsën Wintsën, mëët yë'ëkyëjxm ko xymyëët'aty ja oyjyot oywyinma'any paatyës të nyajmo'otë ja ëwaatsëtuuy'ajtën ets tëëjës nyajnajtsmatsëtë ets nkojtëtyës ja njëën ntëjkëtyës ma ja oynyaax kënu'kxynyaaxën; jëtu'un tä jeexyë ëëts jemy ja të'kxën jajën npaatën jëtu'un ëëts jatëkok të xyaj'ijxë'ëktë, jëtu'un ëëts jatëkok të näjyawëtë tä jeexyë xyajpo'kxtënës ma ëëts mëk nmëtun n'ëyowtën.

Biblia Dc en Mixe de Quetzaltepec

⁸ E yë'ë ënät näjyëtu'un nnikajpxäämpyës ma mijtsën Wintsën, mëët yë'ëkyëjxm ko xymyëët'aty ja oyjyot oywyinma'any paatyës të nyajmo'otë ja ëwaatsëtuuy'ajtën ets tëëjës nyajnajtsmatsëtë ets nkojtëtyës ja njëën ntëjkëtyës ma ja oynyaax kënu'kxynyaaxën; jëtu'un tä jeexyë ëëts jemy ja të'kxën jajën npaatën jëtu'un ëëts jatëkok të xyaj'ijxë'ëktë, jëtu'un ëëts jatëkok të näjyawëtë tä jeexyë xyajpo'kxtënës ma ëëts mëk nmëtun n'ëyowtën.

Esdras 9:8 ပူးပေါင်းရင်းမြစ်များ

Salmos 13:3

Wintsën, ni''ijxkëtakës ets mooykyës ja të'kxën jajën mëti'ipës winë oy tsuj xytyuk'ixëpën. Ka'apës mëpaat ja tsuu ma'ay xywyiintëkë; këtiipës ëxëëk njatëty nkëpätëty.

Oseas 6:2

Wäänë y'ita'any tääts xyajtso'oka'anëmë, xyajpëtë'ëka'anëmë ets nyajpatmëty ma yë'ëjën.

Habacuc 3:2

Tëkokyë yë m'aaw m'ayuk mëti'ipës të nmëtoyën, Wintsën ets mëti'ipë të xytyunyën, nmëjja'ap nkënu'kxyjya'apës mëjwiin këjää. Näyjyëtu'un ënät tyam winë tun maas yë njuukyajtënëtyën, jëtu'un tä tëëyëp winë xytyuunyën ets nijawëtëtyës. Tuk'ijxtëk ëëtsëty ko mijts mëët'ajtyp yë pa'ëyo'owën najts'ëyo'owën oy jënu'un mjajoot'anpëky.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Salmos 85:6

¿Tii këtii ëëtsëty xy'ëkyajjuuky'atanëtë, ets ja mkajpn mtukxoonta'akëtëtyë?

Apocalipsis 3:12

Pën mëtakp, yë'ëjës npëjkta'akäämpy ijxtëm ja tëjk po'kxën maas ja nTios ja tyëjkën ets ni wintim nijëna'a jap kyajëwa'akëty. Nkëjxja'ajäämpyës ja Tios ja xyëëw ma yë'ëjën ets ja kajpn xëëw, ja jempyë Jerusalén mëti'ipë tsajpjotm yajpatpën ets nkëjxja'aja'anyës ja jempyë ja nxëëwës ma yë'ëjën.

Romanos 9:27

Mëëtpë ja jutiis ja'ayëty, jëtu'un ja Isaías y'ënäny: Oy ja jutiis ja'ay jyamay'atë ja y'u'unk y'okëty, ijxtëm ja jinën mëti'ipë mejypyë'aayën, niwäänë nëjkx tpaatë ja nitsokën,

Zacarías 10:4

Jam pyëtsëma'any ja tsaa mëti'ipë potsy myëtänëjäämpyën. Ja Kepy kyupë mëti'ipë ja wit tëjk nyikupë'atäämpyën ets ja ti'pxn mëti'ipë yajmëtsiptunäämpën. Jam pyëtsëma'any tu'kë'ëyë ja ja'ayëty mëti'ipë yaj'ëwaatsëpëtsëëmtëpën.

Zacarías 8:12

Jä'ä ko yajpaataanp ja jotkujk'ajtën ma yë'ëjëtyën. Nëjkxëp tyëëm'aty ja tsatym; nëjkxëp y'ity wyintëy winë kamwinm; ets nëjkxëp myaaniky. Ets nmooytya'aja'antës ya'atë naax kam ja ja'ayëty mëti'ipë ënäty të jyaakwë'ëmtën.

Zacarías 8:6

Jä'ä xëëw tsip yë ja'ay t'ixtëty mëti'ipë ënäty të jyaakwë'ëmtën maas yë nnaax nkajpnën; e ëjts ka'apës tsip n'ixa'any. Ëjts Wintsën, mëti'ipë maaytyääyëpën winë, ëjts ënaanp:

Ezequiel 14:22

Niwäänë nëjkx wyë'ëmtë mëti'ipë y'u'unk y'ëna'k jyaak mëkä'äktëpën. Ko ënäty jam nyëjkxtë ma miitsëtyën, ënät nëjkx xy'ixtë wi'ix ënäty winë tuntë ets tiijaty ënäty të tuntën ets jëtu'un nëjkx mjotkujkmo'ojëtë ma ënäty ja ëyo'on jam Jerusalén të nyajkëtä'äkyënës.

Jeremias 44:14

Tääpë Judá ja'ayëty jyaakjuuky'atën, nitu'uk nëjkx kyatso'oktë jap Egiptë, ni pën nëjkx kyawë'ëmy juuky. Ets oy ënäty jya'ënantëpë wyimpita'antë jatëkok, ka'ap nëjkx tjëkyepy wyimpitë; wä'än jëtää yi'iyë wyimpitëty mëti'ipë ënäty jap oywyi'ix jaakkäktëpën.

Jeremias 42:2

ets tnimiintë ja Jeremías käjpxynyajxpë ets t'ënëmaaytyë: Mëyajtën ëëts n'amëtowantëp ma mijtsën, niwaantso'ow nipëjktso'owëtëkës ma mWintsën Tiosën, këtii m'ëna'anëty ko ka'ap, maas niwäänë të nwë'ëmtën. Nimay ijty ëëtsëty tëëyëp, tyam niwäänë njaakyajpaatës, jëtu'un tä xy'ixyën.

Isaías 56:5

ni'ikës winë nmo'oja'antë këtiinëm jyëtu'unëty ko jeexyë ja y'u'unkëty y'ëna'këty tmëët'atë, ëjts nëjkx kë'ëm n'ënëëmëtë ko jap yë xyëëw wyë'ëma'antë tsajptëkoty xëmëkyëjxm ma potsywyiinën, etsës yë xyëëw nmo'oja'antë mëti'ipë xëmë yajtukja'amyätstëpën.

Isaías 1:9

Kooxyëp yë Wintsën, mëti'ipë maaytyääyëpën winë ka'ap ni pën të tyajwë'ëmy juuky ma ëëtsajtëmën, jëtu'un jeexyë të njajtëm tä yë Sodomë kajpnën ets Gomorra kajpnën.

Eclesiastés 12:11

Yë y'aaw y'ayukëty yë wijyjyä'äytyëjkëty, jëtu'un tyuktëkë tä kumën, ko tyu'ukmujkta'ay jëtu'un ta'tspëky y'itë tä yajkupën ta'tspëky yë kepy'akujpë'ëk, mëti'ipë tu'uk yë kupixyny këwent'ajtpë të tnikupën

Salmos 138:7

Koos muum nyajpaaty o'këntum, mijts kë'ëm mpëjk'ijtyp mmajts'ijtyp yë njuukyajtënës. Pojën yë mmëkajtën xyajkëtä'äky maas yë nmëtsiptëjkën ets jëtu'unës xyajtso'oky.

Salmos 34:5

Mëti'ipë këx'ijxtëpën ma Wintsënën, jotkujk wyiin jyëjp kyëxë'ëktë ets ka'ap nijëna'a ëxëëk wyë'ëma'antë.

Job 33:30

yajtsokpy o'këntujp ets tuk'ixy ja jajën të'kxën.

Nehemías 9:31

E mijts mëët ko xy'ëkmëët'aty ja pa'ëyo'ow najts'ëyo'owën ka'ap xytyimyajkutëkooy ets tu'ukyë xytyim'ijxmajtsy; tä xyajwinkëxë'ëky ko mijts oy mTios'aty ets mëët'ajtyp ja ëma'atjot.

Nehemías 1:11

Paaty mijts Wintsën yam nmënu'kxtä'äky ets xymyëtoow'itëty ya'atë ja jëëytyak nu'kxtakën tyampë ntunyënës maas mijts xytyuunpë'atyën, maas yi'iyë nmëmay nmëtajyën wi'ix ntukxoonta'akëtyën ets wi'ix ntukjotkujk'atëtyën. Tyam näjyëtu'un n'amëtoy npëjktsoy ets xymyo'ojëtyës ja jot winma'any wi'ixës ja yajkutujkpë nyajjotukëtyën ets oy ja winma'any wyimpëtsëm jyëjpëtsëmëty.

Esdras 9:9

Oy ëëts tyam ja'ay je'eyë xy'ëkyajmëtuntë mijts ka'apës xy'ëxmatstë; tëëjës mijts xytyuk'ixtë ja m'oyjot m'oywyinma'any ma ja yajkutujkpëtëjkën Persiaja'ayëty, tëëjës ja juukyajtën xymyo'otë ets ja mtsajptëjk jatëkok ëëts nkoj'oyëtëty ma ënäty taj xit yajpaatyën. Mijts ëëts të xy'ijx'it të xykyëwent'atë jam Judá ets Jerusalén.

2 Reyes 19:4

Jääpëk yë mWintsën jeexyë të tmëtoy, wi'ixjaty të y'ënä'änyën yë Asiria ja'ay, tsiptuunpë wintsën, mëti'ipë je'eyë të myinyën ets ëxëëkjaty të tijy ja Wintsën juukpyë ets tkumëtowëty mëti'ipë yë Wintsën kë'ëm të tmëtoyën. E tyamts myajpëjktsoy ets xymyëkajpxëty ja Wintsën ets xykyukajpxta'akëty ja ja'ay mëti'ipë të jyaakwë'ëmtën juuky.

1 Samuel 14:29

Tä ja Jonatán y'ëtsooy: Yë nteetyës ka'ap të wyinma'anypyääty, paaty jëtu'un të y'ënä'äny, ix ëjts janty jotkujkës tyam näjyawëty koos wäänë të një'kxy ya'atë uuxpa'ak

1 Samuel 14:27

E yë Jonatán mëët ko ënäty ka'ap të tmëtoy wi'ix ja tyeety të t'ënëëmën ja tsiptuunpëtëjk, ojts ja tjë'kxy ja uuxpa'ak ets jëtu'un'äämpy jatëkok myëjaawpëjky.

Proverbios 29:13

Mëti'ipë ëxëëk yajtuunpën ets mëti'ipë ja myëku'uk ëxëëk tyuunpyën, nimäjtsk tu'knax yë'ëjëty: jä'ä ko Tios yë ijxën të myo'ojëtë.

Isaías 14:3

Mijts Israel kajpn, ko ënäty ja m'ëyo'on mjotmay të kyixy të nyäxy, ko ënäty ka'ap o'ktëy m'ëk yajpatnë ets ko ënäty ka'ap m'ëk mëtuun m'ëk kupëjknë,

Salmos 13:4

Ka'ap mëpaat yë nmëtsipës y'ënä'äny; Tëës nmëmëtä'äky. Ka'ap mëpaat xyoontä'äky koos ënäty muum ntëkoy.

Isaías 6:13

Oy ja ja'ay ënäty jyaak wë'ëmtë jam kajpntum, nëjkxëp ja kyutëkoytyë näjyëtu'un, nëjkxëp jëtu'un jyäty tä tu'uk ja kepy yajwinpujxta'ayën yë y'ääy xye'enty tääts yi'iyë kepy kyopk jyaak wë'ëmy. E ma tääpë kepykyopkën, jamts ja jyi'tsk ok pyëtsëma'any.

Sofonías 3:12

Yë'ëjës nyaj'itäämpy ma mijtsën yë ja'ay mëti'ipë yu'unk naxym ja'ay'ajtpën, mëti'ipë nëjkx ëjts xytyuk'ijxpetyën.