Esdras 9:7 - Biblia Mixe de Quetzaltepec

⁷ Pokyjoty ëëts njuuky'atë, tyimtso'ontäky jëtu'un tëëyëp. Mëëtkyëjxm koos të nkamëta'aktë ets ko näjyëtu'un të kyamëta'aktë ja teetytyëjkëty ets yajkutujkpëtëjk o'ktëy ëëts të njatë, wiink naax wiink kajpn muum të xyajja'tës ma ja wiinkëtypë yajkutujkpëtëjkën. Ojts ëëts yë ja'ay xyajtsëtyut xyajwintëkoytyë, ojts ëëts ja'ay xy'ëxwop xy'ixkäxtë, ojts ëëts yë ja'ay xytyontë xymyäätstë ets tëëjës yë ja'ay xy'ixtij xy'ëxwa'antë, e tyampaat je'eyëm ëëts nyajpaatë.

Biblia Dc en Mixe de Quetzaltepec

⁷ Pokyjoty ëëts njuuky'atë, tyimtso'ontäky jëtu'un tëëyëp. Mëëtkyëjxm koos të nkamëta'aktë ets ko näjyëtu'un të kyamëta'aktë ja teetytyëjkëty ets yajkutujkpëtëjk o'ktëy ëëts të njatë, wiink naax wiink kajpn muum të xyajja'tës ma ja wiinkëtypë yajkutujkpëtëjkën. Ojts ëëts yë ja'ay xyajtsëtyut xyajwintëkoytyë, ojts ëëts ja'ay xy'ëxwop xy'ixkäxtë, ojts ëëts yë ja'ay xytyontë xymyäätstë ets tëëjës yë ja'ay xy'ixtij xy'ëxwa'antë, e tyampaat je'eyëm ëëts nyajpaatë.

Esdras 9:7 ပူးပေါင်းရင်းမြစ်များ

1 Reyes 8:47

pën jootwinpijtë ets yaj'o'oyëtëp ja jyot wyinma'anyëty; y'ëna'antëty: Tëë mpokytyu'unëmë ets tëë ntëko'oyëmë, nmëët'ajtëmë ja nëë poky.

2 Crónicas 29:6

Jä'ä ko ja n'ap'ajt nteety'ajtëmë ka'ap ja Wintsën tmëj'ijxtë, ëxëëkëty winë tuuntë ma Wintsënën ets ojts tpuwa'ktutnëtë. Ka'ap ojts ja Wintsën t'ëktuk'ijxpäjnëtë, wiinktsow ja jyot wyinma'any ojts tpëjktaknëtë, tääts jëtu'un ja jyëën tyëjk tukwa'ats t'ëxmajtsnëtë.

2 Crónicas 30:7

Këtii mëpaat jëtu'un mja'ay'atë tä ja m'ap y'ok jyuukyajtën ets ja mjëëky mëku'ukëty mëti'ipë ojts ka'ap ja Wintsën tmëj'ijxtën ets kyë'ëyajkëtë, ma ëxëëk jyajtën kyëpäjtën.

2 Crónicas 34:24

Ëjts mëti'ipë Wintsën'ajtpën jëtu'unës n'ëna'any: Ëjts nyajminäämpy tu'uk mëj ëyo'on ma mijtsën ets ma mnaax mkajpnën, jëtu'un tä jap tnikäjpxyën ja ëyo'on ma ja nokyën mëti'ipë ja yajkutujkpë të yajtukwinkukajpxën mëti'ipë jam Judá yajkutujkpën.

Esdras 9:13

E mëët koos ja nëë poky mëjwiin këjää të ntuntë ets ënät o'ktëy të njajt të nkëpäjnëtës, e oyën ka'ap jëtu'un të xytyim tëy tyuntës ijxtëm ënäty jyapaatë'atyën, ix ja ëwaatsëtuuy'ajtën jatëkok të xymyo'otës,

Nehemías 9:30

Kanaak jëmëjt ojts xypyokymye'kxy ets xyjyajpa'ëyooy, mjatuk'ëwa'anëy mëët ja mmëkajtën m'oyajtën ets ja mkäjpxynyajxpëtëjk ets jeexyë ka'ap nëkoo nëë poky timpyanëkxtëkëtë mëët ja mtuunpë ets ja m'oyjot m'oywyinma'any; e yë'ëjëty ka'ap tim myëjpëjktaktë, paaty ojts xytyim'ijxmajtsnë ets ja myëtsip ojts yajnëjkxënëtë wiink naax wiink kajpn.

Isaías 64:4

Ni ma kyayajmëtoy'äty wiinkpë Tios jëtu'unpë tä mijtsën, mëti'ipë jëtu'un winë tyuunpyën tä mijtsën ma ja y'u'unk y'ëna'kën mëti'ipë tukjotkujk'ajtëpën.

Jeremias 25:18

Ojtsës ntuk'uuky yë Jerusalén kajpn ets Judá kajpn mëët yë yajkutujkpëtëjk, y'ënä'ämpëtëjkëty ets tyimkutëkooytya'atëty, xit ko'ow jyajta'atëty, mëti'ipë je'eyë nëjkx yajtsë'ëkëtën ko ënäty yaj'ixy, yë'ë ijxpäjtën'atëp ko ënäty të yajpoky xëmëkyëjxm.

Jeremias 3:25

Tsojk naxym nnäpyëjktakëmë ets wintsëtyu'un jëjptsëtyu'un, oy ënät pën xykya'oyjya'awëmëty, jä'ä ko ëëtsajtëm mutsknëm jëtu'unpë të npatso'ontakëmë ets tyimpety tyimku'ty jëtu'un tyampaat, yi'iyë nëë poky të ntu'un të nkajpxëmë; nän timjëtu'un tä ja n'ap'ajt n'ok'ajtëmën ets ëëts'ajtëmë tëë ja Wintsën nmëtëko'oyëmë mëti'ipë nTios'ajtëmën ets ka'ap të nmëmëto'owëmë.

Jeremias 32:23

E ko jyajtë jam ma ja it naaxwiinyëtën mëti'ipë ënäty të xymyo'oyën ets tpëjktaaytyë ja nyaax kyamëty, ka'ap ojts m'ëk mëmëtoowënëtë ets ka'ap ojts jëtu'un t'ëktuunëtë tä ënäty të m'ënë'ëmxëtyën, nimëti'ipë tkatuuntë mëti'ipë mjatuk'ënëmaayën. Paaty xytyuknikejxy ja ëyo'on jotmay mëti'ipë tyam tuunëpen jajtëpën.

Jeremias 32:32

tëë tyajma'atë ja njot nwinma'anyës ko yi'iyë tyuuntëp kyajpxtëp ëxëëkpë tëkatsypë, yë Israel ja'ayëty ets Judá ja'ayëty, yajkutujkpëtëjk, kopktëjkëty, teetytyëjkëty, käjpxynyajxpëtëjkëty ets tu'kë'ëyë Judá ja'ayëty ets Jerusalén ja'ayëty.

Jeremias 44:22

E yë Wintsën ka'ap t'ëkmëmëtaknë miitsëty ja m'ëxëëktu'un m'ëxëëk kajpxënëty mëti'ipë yë'ë wyiink'ijxypyën. Paatykyëjxm yë mnaax mkajpnëty tyam yajpaaty xit ko'ow ets ni pën jam kya'ëktsënaaynyë; tääts ijxpät të y'awinpity ko tëë yajpoky ets ko yë'ë je'eyë yajtsë'k yajja'awënë.

Jeremias 44:9

Tëë xyjyä'äytyëkoytyë ja nëë poky mëti'ipë ja m'aptëjk, ja Judá yajkutujkpë ets ja tyo'oxytyëjk tyuuntën ets mëti'ipë miits yë mto'oxytyëjkëty tyuuntën jam Judá ets ja në'ëjotypë tu'ujotypë jam Jerusalén.

Lamentaciones 5:7

Nteety ntaakëtyës pokytyuuntë ets tëëyëp ja y'o'knëtë, ja nyëë pyokyëty ëëts ja nkëpäjtëp.

Ezequiel 11:9

Tyam miitsëty nnitëkëja'antë: nyajpëtsëmantëp yaa ets nkë'ëyaka'antë ma ja'ayëtyën mëti'ipë wiink naaxwiinyëtë tso'ontëpën.

Ezequiel 39:23

Ets nëjkx yë wiinkëtypë naax kajpn tnijawëtë ko yë Israel ja'ayëty paaty ojts yajmënëjkxtë tsumy matsy wiink naax wiink kajpn jä'äkyëjxm ko ojts pyokytyuntë ets ka'apës xywyintsë'këtyë; paatyës n'ëxmajtstë ets ëxëëk ja myëtsip tyuunëtë ets ya'o'këtë tsipjoty.

Números 32:14

E miits yë mteety mtaak ojts pyokytyuntë, näjyëtu'un tyam winë xytyuna'antë tä yë'ëjëty y'ëtëtstën ets ja Wintsën jatëkok xyajjoot'anpëka'antë ets tukjoot'anpëkëty ja Israel kajpn.

1 Samuel 12:15

Jä'ä ko pën miitsëty ka'ap xymyëmëtowtë ets m'ixtijtëp ja y'ënä'ämën tyiyajtën, yë'ë nëjkxëp yë mtëytyunëtë ets näjyëtu'un ja myajkutujkpëty.