Esdras 9:1 - Biblia Mixe de Quetzaltepec

¹ Ko ya'atë y'ëkkëjxy y'ëknajxy, ënät ojts ja mëjja'aytyëjk xynyimintës ets xy'ënëmaaytyës: Yë Israel ja'ayëty ets näjyëtu'un yë teetytyëjkëty ets Leví ja'ayëty je'eyëm yowë mëët ye'eymyuk nyajxmuktë yë Canaán ja'ayëty, Hit ja'ayëty, Ferez ja'ayëty, Jebús ja'ayëty, Amón ja'ayëty, Moab ja'ayëty, Egiptë ja'ayëty ets Amor ja'ayëty, jya'ijxtëp ko tääpë ja'ayëty ka'ap oy nyëëye'ey tyu'uye'eytyë.

Biblia Dc en Mixe de Quetzaltepec

¹ Ko ya'atë y'ëkkëjxy y'ëknajxy, ënät ojts ja mëjja'aytyëjk xynyimintës ets xy'ënëmaaytyës: Yë Israel ja'ayëty ets näjyëtu'un yë teetytyëjkëty ets Leví ja'ayëty je'eyëm yowë mëët ye'eymyuk nyajxmuktë yë Canaán ja'ayëty, Hit ja'ayëty, Ferez ja'ayëty, Jebús ja'ayëty, Amón ja'ayëty, Moab ja'ayëty, Egiptë ja'ayëty ets Amor ja'ayëty, jya'ijxtëp ko tääpë ja'ayëty ka'ap oy nyëëye'ey tyu'uye'eytyë.

Esdras 9:1 ပူးပေါင်းရင်းမြစ်များ

Nehemías 9:2

ets tpuwa'ktutaaytyë ja jëpyo'kxyjyä'äyëty, wya'akë'ktaaytyë ni'amukë ets y'ënantë ko tëë ënäty ja nëë poky tjantytyuntë ets näjyëtu'un ja y'ap y'okëty.

Éxodo 33:16

Jä'ä ko pën mijts ka'ap mnëjkxy mëët ëëtsëty ¿wi'ix jëtu'un yë käjpxy y'ëna'anëty, ko ya'atë kajpn yë'ë mëët myëtyä'äky yë mputëjk mpupäjtën? Jä'ä ko ya'atë kajpn paaty jëtu'un tëkatsy yajtijtë ma wiinkëtypë kajpnën, jä'ä ko mijts myajTios'aty.

Jeremias 26:16

Ënät ja kopktëjkëty ets ja mayjyä'äyëty t'ënëmaaytyë ja teetytyëjkëty ets ja käjpxynyajxpëtëjkëty: Ka'ap tyaapë ja'ay tii poky tjantymyëëtëty wi'ix ko nyaj'o'kmëty; yë'ë të tnikäjpxy yë Wintsën yë y'aaw y'ayuk mëti'ipë nTios'ajtëmën.

Jeremias 26:10

Ja kopktëjkëty mëti'ipë jam Judá mëj'äämpy ijtëpën, ko tnija'awëtyë wi'ix jam jyäty kyëpetyën, ënätyë jam tsyo'ontë ma ja kutujkëntëjkën, ma ja yajkutujkpë y'ëne'emyën ets ojts nyëjkxtë ma tsajptëjkën. Jam nyaaxwä'tstë ma ja Jempyë Tëjk Aawën.

Isaías 52:11

Tso'onta'atë, tso'onta'atë jam ni'ëmukë Babilonyë, këtii nëkoo tii xy'ëktuuntëkooynyëtë, pëtsëmtë jam Babilonyë. Wa'ats mnäyaj'itëtëty miitsëty mëti'ipë mënëjkxantëpën yë Wintsën y'apëjk y'atu'unën.

Salmos 106:35

Ni'ikyë ojts mëët nyäxyëpiinënëtë ja ja'ayëty ka'apë ja Tios t'ëwtatën, ets ojts tyukjajtënëtë ja y'ëxëëktu'un y'ëxëëk kajpxënëty;

Nehemías 4:3

Tam ja Tobías ënäty näjyëtu'un pya'u'unyëty ets ojts y'ënaanpë: Ixtë, ko xyijy yë pyotsyëty jam wintu'upëky t'oytyuntë, mëpaatëp jam tu'uk wax kyëxpujnë ets tyajëmaamkëta'akëty.

Esdras 10:8

Ets ojts tkäjpxy'atë ko pën ka'ap t'aminë ja ye'eymyujkën, yajpëjkëp ja tsyënaaytyakn ets yaj'ëxwopëp ma ja naax kajpnën mëti'ipë ënäty të tjapaatyën jatëkok.

2 Crónicas 33:2

Je'eyëp ko yë'ë ka'ap ojts winë oy tuny ma Wintsënën, ojts t'ëwtaty ja tsaapotsy, ja awinax ets oynatii ka'apë Tiosëtyën; näjyëtu'un ojts winë tuny tä ja naax kajpnëtyën mëti'ipë ka'ap ja Wintsën t'ëwtatën, ja naax kajpn mëti'ipë ja Wintsën wyojpëtsëëmën ko jam jyajtë ma ja Israel ja'ayëtyën:

1 Reyes 11:1

Ja Salomón ja tamën ënäty ja tyo'oxytyëjk, ja yajkutujkpë nyëëx, je'eyëp ko ojts ëpëky wiinkëtypë to'oxytyëjk tsoky tjawë ka'apë tmëkukajpnëtyën, tä yë: Moab ja'ayëty, Amón ja'ayëty, Edom ja'ayëty, Sidónja'ayëty ets Hit ja'ayëty;

Deuteronomio 18:9

Ko ënäty jam të mja'ajnëtë ma ja it naaxwiinyëtën mëti'ipë ja Wintsën mo'ojanëtëpën, këtii ja ëxëëkpë tu'unën kajpxën xytyuuntëpëty, tä ja ja'ayëtyën ma tampë ja naax kajpnëtyën.

Números 23:9

Yaapaat maas yaa ntänën kopkëjxy n'ijxypyës ko tääpë naax kajpn ëpëky nyäyaj'ityë ets tëkatsy, ka'ap jyëtu'unëty tä muumëty yë kajpnën.

Levitico 18:3

Këtii jëtu'un winë xytyuntëty tä yë Egiptë ja'ayëtyën, ja kajpn ma ojts miitsëty mjuuky'atën. Këtii näjyëtu'un winë xytyuntëty tä yë ja'ayëtyën mëti'ipë jam tsënaaytyëpën Canaán, ma ja naax kajpnën ma miits nwoownëjkxa'antën; ni yë'ë xykyapatuunëtëty mëti'ipë yë'ëjëty y'ënä'ämën'ajtëpën.

Éxodo 23:23

Yë nkukexyës yë'ë mwinye'eyanëp ets yë'ë nëjkx jam myajja'tyë ma ja y'itëtyën nyaaxëtyën ja Amor ja'ayëty, Hit ja'ayëty, Ferez ja'ayëty, Canaán ja'ayëty, Heve ja'ayëty ets Jebús ja'ayëty; mëti'ipës nyajkutëkooytya'ajantëpën mëët tu'kë'ëyë yë tyikts y'aatsëty.

Éxodo 13:5

Ya'atë po'o nëjkx mxëëwtuntë, ko jam myajpatnëtëty, ma ënäty ja Tios të mwoownëjkxëtën, ma ja jë'kxy pëky ka'ap y'ëmaaytyä'äkyën. Jam ma tsyëënëtën yë Canaán ja'ayëty, Hit ja'ayëty, Amor ja'ayëty, Heve ja'ayëty ets Jebús ja'ayëty, mëti'ipë ojts tukwinwanën ja aptëjk, ko miitsëty mo'oja'anëtë.

Génesis 15:16

Koonëm ënäty të myintë naaxwiiny ja m'u'unk m'ëna'k, taxk'oknipety täänëm jatëkok wyimpitëty ma ya'atë it naaxwiinyëtën. Jä'ä ko ka'anëm ënäty kyukëxënëm ma ja Amor ja'ayëty ja ëxëëkpë tuntën tkajpxtën.

Nehemías 4:7

E ko ja Sambalat, Tobías, Árabe ja'ayëty, Amón ja'ayëty ets Asdod ja'ayëty tnija'awëtyë ko ja tuunk tam je'eyëm tyu'uye'ey ëti'ity ets ko ënäty tëë ja yajpojts'o'oyëtyä'äy ja potsy maajaty ënäty të pyijy të kyiitsyën mëti'ipë jamë Jerusalén, ënät yajxon jyänty jyoot'anpëjktë,

Nehemías 13:23

Ojts näjyëtu'un yajnijawë ko tam ja jutië ja'ayëty mëti'ipë ënäty të pyëktën mëët ja to'oxytyëjkëty jampë kyukajpn'atën Asdod, Amón ets Moab;

Malaquías 2:11

Yë Judá ka'ap yë Tios twinkutsë'ëkë, nëkooyë ja'ay winë tuuntëkooynyëtë jam Jerusalén ets jam Israel. Yë Judá tëë yë wintsë'kën tyajtëkoy ma Wintsën yë tsyajptëjkën mëti'ipë mëk tsyojkpy jya'apën ets Judá ja'ayëty yë'ë mëët ja to'oxytyëjk të pyëjknëtë mëti'ipë wiink tios y'ëwtajtëpën.

Números 25:6

E tu'uk yë Israel ja'ay ijxnë kä'äxnë ojts yajxon tu'uk yë to'oxytyëjk, Madián ja'ay, timwyoownëjkxy ma tyëjkën. Ojts yë Moisés t'ixy ets Israel ja'ayëty, mëti'ipë ënäty jam të ye'eymyuktën, tam ënaty jyi'iytyë ya'axtë ma yajnitëkën yë wit tëjk ma ja näpyaatë y'ityën.

Deuteronomio 7:1

Yë Wintsën mëti'ipë miits mTiosajtëpën yë'ë mputëkëjanëtëp ets jam mja'tëty ma ja it naaxwiinyëtën mëti'ipë mjä'ä'atantëpën, ënät nëjkx xyajkutëkoytyë ja wëxtujkpë ja naax kajpn jampë yajpaatën mëti'ipë mëj'äämpy ijtëpën ma jotmëkja'ay tsyëënëtën. Yë'ë yajtijtëp ja Hit ja'ayëty, gergeseos ja'ayëty, Amor ja'ayëty, Canaán ja'ayëty, Ferez ja'ayëty, Heve ja'ayëty ets Jebús ja'ayëty.

Deuteronomio 23:8

Ja mëtëkëëk'okpë ënäty nyajtsmin nyajtsja'tëtën naaxwiiny jyëkyäpëp tsyënaaytyaknpëktëty ma miitsëtyën, ma ja Wintsën ja nyaax kyajpnën.

Josue 23:12

Jä'ä ko ntsojkpyës ets ya'atë xynyijawëtëty: pën miitsëty majtstutëp yë Tios ets mnäyxyëpiinëtëp mëët tääpë ja'ayëty mëti'ipë të jyaakwë'ëmtën ma miitsëtyën ets mëët mpëjknëtëty m'uknëtëty; yë Wintsën ka'ap nëjkx nijëna'a tyajjëwä'äky tääpë ja'ayëty ma miitsëtyën, ni'ikyë nëjkx jam tyajwë'ëmy ets yë'ë nëjkx ëxëëk myajjat myajkëpätëtë; jëtu'un nëjkx y'itë tä jeexyë tejpxy, po'otejpxy myajtukwoptën koonëm mkëjxta'atëty.

2 Crónicas 8:7

E ja Hit ja'ayëty, Amor ja'ayëty, Heve ja'ayëty, Ferez ja'ayëty ets Jebús ja'ayëty, mëti'ipë të wyë'ëmtën ka'apë y'Israel ja'ay'atën,

Esdras 10:2

Ënät ja Secanías, Jehiel yë myaank, Elám y'u'unk y'ok wya'akë'ky ets t'ënëmaay ja Esdras: Tëyajtën yë'ë ko ëëtsëty ka'ap oy ja Wintsën të nwinkutsë'ëkëtës, jä'ä ko ëëtsëty tëë mëët ja to'oxytyëjkëty mpëjknëtës n'uknëtës, mëti'ipë ka'ap nja'ay'ajtëmën ets ka'apë t'ëwtatën ja nTios'ajtëmë, je'eyëp ko ka'ap ënät ntimy ëna'anmëty tëë winë tyima'ta'ay, ka'ap, jaaktam'ajtpnëm ja nitsokën ets ja Israel ja'ayëty ëwaatsë'ajtën tpaatëty.