Esdras 8:25 - Biblia Mixe de Quetzaltepec

²⁵ etsës nmooytyë koos nkijpxtaay ja pu'ts pujxnmeeny, poop pujxn meeny, näjyëtu'un ja apëjk atu'unën mëti'ipë ënäty të tyaktën ja yajkutujkpëty, ja wintsëntëjkëty ets ja myëku'uktëjkëty mëti'ipë mëët tyuunmuktën mëti'ipë tyukniyajkëtyën ma ja Wintsën ja tsyajptëjk kyoja'anyën.

Biblia Dc en Mixe de Quetzaltepec

²⁵ etsës nmooytyë koos nkijpxtaay ja pu'ts pujxnmeeny, poop pujxn meeny, näjyëtu'un ja apëjk atu'unën mëti'ipë ënety të tyaktën ja yajkutujkpëty, ja wintsëntëjkëty ets ja myëku'uktëjkëty mëti'ipë mëët tyuunmuktën mëti'ipë tyukniyajkëtyën ma ja Wintsën ja tsyajptëjk kyoja'anyën.

Esdras 8:25 ပူးပေါင်းရင်းမြစ်များ

Esdras 8:33

Kom taxk xëëw ojts yajtëynyëm ja pu'ts pujxn, poop pujxn ets ja apëjk atu'unën jam tsajptëkotm jam Jerusalén, ma ja Wintsën ja tsyajptëjkën ets yajtukë'ëtëjkëtyääy ja teety Meremot, Urías yë myaank. Tam ënäty mëët ja Eleazar, Finees yë myaank ets Leví ja'ayëty, yë Jozabad, myaank yë Josué ets Noadías, myaank yë Binuy.

Esdras 1:8

Ja yajkutujkpë Ciro yë'ë winë tyukë'ëtëjkëtyääy ja Mitrídates je'eyë tmëtyooy ets tyajknajxy, ja Sesbasar myooy, mëti'ipë ja Judá ja'ayëty wyintsën'ajtëpën.

Filipenses 4:8

Mëku'uktëjkëty yë'ë mëmay mëtajtë mëti'ipë tëy jaantyën, mëti'ipë paat'ajtëp yajwintsë'ëkëtyën, mëtëypyë, wa'atspë; mëti'ipë yajtukjotkëtakpën ets mëti'ipë oy wiinkëxë'kpën. Mëmay mëtajtë tu'kë'ëyë mëti'ipë oyën ets paat'ajtëp oy yajnikajpxëty.

Esdras 2:69

Ets ojts mayjyä'äy t'ayajkëpë jëtu'un tä ënäty nijä'äjaty tim y'a'ixëtën kë'ëm, taxk mëko'px ja majkta'px tuktujk kilë ojts pu'ts pujxn yajkijpxmuky, mäjtsk mil ja wëxtujk mëko'px ja wëxtyikxy majk ja poop pujxn yajtëëymyujky, ets mëko'px ja teety wit.

Números 7:85

Tu'ukjaty ja texy mëti'ipë yë poop pujxn mëët y'oytyunyëtyën, jä'ä ënäty jye'emtyëty tu'uk mil ja taxk mëko'px ja i'px majk nikonë ets ja mëj'a'ukën poop pujxnpë mëët y'oytyunyëtyën, jä'ä jye'emtyëty wëxtujk mëko'px ja tëkë'px majk nikonë. Ko ojts yajtëëytya'atë ja texy ets ja poop pujxn a'ukën, jä'ä ojts jye'emty'atë i'px tëtujk mil ja taxk mëko'px nikonë, yë'ë ojts kyijpxën'aty ja kijpxën japë tsajptëkoty y'ityën.