Esdras 8:22 - Biblia Mixe de Quetzaltepec

²² Ëjts natsëtyu'un ja'awëyës ko jeexyë ja yajkutujkpë yaj'amëtooy ja tujnmëëtpë, kwaawmyëëtpë, mëti'ipë jeexyë xykyëwent'ajtëmën ma ntu'uye'eya'anëmën, jä'ä ko tëë ënäty kë'ëm ja yajkutujkpë n'ëk'ënëma'ayëmë ko yë Wintsën y'ijx'ijtyp Kyëwent'ajtyp ja'ay mëti'ipë ixtaayëpën ets tyukjoot'anpëjkyp mëti'ipë ka'ap myëjpëjktä'äkyën.

Biblia Dc en Mixe de Quetzaltepec

²² Ëjts natsëtyu'un ja'awëyës ko jeexyë ja yajkutujkpë yaj'amëtooy ja tujnmëëtpë, kwaawmyëëtpë, mëti'ipë jeexyë xykyëwent'ajtëmën ma ntu'uye'eya'anëmën, jä'ä ko tëë ënety kë'ëm ja yajkutujkpë n'ëk'ënëma'ayëmë ko yë Wintsën y'ijx'ijtyp Kyëwent'ajtyp ja'ay mëti'ipë ixtaayëpën ets tyukjoot'anpëjkyp mëti'ipë ka'ap myëjpëjktä'äkyën.

Esdras 8:22 ပူးပေါင်းရင်းမြစ်များ

1 Pedro 3:12

Jä'ä ko yë Wintsën yë'ë kyëwent'ajtyp mëti'ipë oy juuky'ajtëpën ets y'amëtoow'ijtyp ko nyu'kxta'aktë; e yë ëxëëk ja'ay ëxëëk t'ixy.

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

Lamentaciones 3:25

Yë Wintsën y'oyjya'ap yë ja'ay mëti'ipë tuk'ijxpäjtëpën, mëti'ipë yë'ë nimiinëpën.

2 Crónicas 15:2

ets nitso'ony ja Asá ets t'ënëëmëja'any: Mëtow ya'atë aaw ayuk mijts Asá ets tu'kë'ëyë miitsëty Judá ja'ayëty ets Benjamín ja'ayëty. Yë Wintsën tää yajpaaty ma miitsëtyën, pën miitsëty myajpatëp näjyëtu'un ma yë'ëjën. Pën miitsëty m'ixtaaytyëp yë'ë, mpaatëp yë'ë; e pën miitsëty m'ëxmajtstëp, m'ëxmatsëtëp yë'ë näjyëtu'un.

Salmos 34:22

Yë Wintsën yajtsokpy yë jyuukyajtën yë ja'ay mëti'ipë mëtuunëpën; ka'ap nëjkx yajtëytyuntë mëti'ipë tuk'ijxpäjtëpën.

Romanos 8:28

Nnija'awëm ëëtsajtëm ko ja Tios yë'ë të tpëjktä'äky winë ets tuk'oy'atëty ja ja'ay mëti'ipë tsojkëpën, mëti'ipë të twoowtsoyën ijxtëm të tuknipëjktaakën.

1 Crónicas 28:9

E mijts Salomón mëj'ix mëjpëjkta'akëp ja mteety ja Wyintsën ets yë'ë mëmëtowëp winë aaw winëjot ets mtukxoonta'akëp yajxon amëk jotmëk, jä'ä ko yë Wintsën wa'ats nija'awëtyä'äy yë jot winma'any, pën oy ka'oy. Paaty pën m'ixtääpy yë'ë, mpaatëp yë'ë; e pën mijts ka'ap xy'ëkmëj'ijxnë, yë'ë kopkpëky ko nëjkx m'ixtijyë winë xëëw winjëmëjt.

Hebreos 10:38

Yë n'u'unkës mëtëy jyuuky'ata'any mëët ja mëpëjkën; jää tëy ko tyu'utëkatsëty ka'apës nëjkx oy näjyawëty.

Esdras 7:6

Yë Esdras mëj'ijxpëky ja'ay ijty, ojts ni''ijxpëkë Wintsën tyiyajtën, mëti'ipë Israel ja'ayëty y'ëwtajtëpën, mëti'ipë yajmooyën yë Moisés, ya'atë Esdras putëjkëyëp ijty mëjwiin këjää Wintsën, paatykyëjxm ko ijty tii winë t'amëtoy, yë yajkutujkpë Artajerjes mooyëp ijty. Jëtu'un'äämpy yë Esdras wyimpijty jatëkok jam Jerusalén,

Esdras 7:28

ets mëët ko tyajnikëxë'ëky ja y'oyjyot y'oywyinma'any ma ja yajkutujkpën ets ma ja wintsëntëjkën ets ko të xymyo'oyës ja amëk'ajt jotmëk'ajtën ets tyu'ukmuktë ja mëjja'aytyëjkëty, Israel ja'ayëty ets të yajkäjpxy'äty ko jatëkok nwinpita'antës jam Jerusalén.

Josue 23:16

Pën ka'ap xypyatuntë ja Wintsën ja kyäjpxytyu'unën. Ko miitsëty wiink tios xy'ëwtajnëtëty ets xywyinkoxtënaaynyëtëty, yë Wintsën mëj këjää nëjkx mtukjoot'anpëkëtë ets ka'ap mnimä'kxëtëty; wa'ats myajkutëkooytya'ajëtëty koonëm mkëxtëty yaa naaxwiiny naaxkëjxy ma ya'atë it naaxwiinyëtë të mo'ojëtën.

2 Corintios 7:14

Tëëyëm ënäty ja Tito nëëmës ko miitsëty oy winë xytyuntë, ets ka'apës ja n'ayuk nëkoo të nyatëkë'aty. Jëtu'un ijxtëm tyiyëty jyääntyëty miits të ntukmëmëtya'aktën, näjyëtu'un tëy jaanty ja Tito të nëëmëtës: Ko ntukjotkëtaktëpës miits ja mtuunkëty.

1 Corintios 9:15

E nijëna'a ya'atë tëyajtën të nkayajtunyës, nijëna'a miits të nka''amëtowtë tii ets të xymyo'otës. Nikë oyës ntimy'ookëty naamka'anëmës pën xypyëjkë ya'atë jotkujk'ajtën mëti'ipës nmëët'ajtypyën

Salmos 90:11

¿Pën y'ëknija'ap? wi'ix mijts janty mëk mjoot'anpëkyën ets ¿pën y'ëknija'ap? wi'ix m'ëwa'antä'äkyën.

Josue 22:16

Ëëtsëty yë'ë Tios yë nyaax kyajpn yam yë y'aaw y'ayuk nmëmiinëtëpës; ¿Tii ko yë wiink winma'any xypyaatë ets ja Wintsën xymyëtëkoytyë, mëti'ipë yë Israel ja'ayëty Tyios'ajtëpën? ¿Wi'ix ko ya'atë wintsë'këntyakn të xykyojtë ets xykyäjpxy kumëtoownaxtë ja Wintsën?

Esdras 8:31

Ma myajkmäjtsk anyën ja mëët tu'uk po'opë, ma jajëmëjt tsyo'ontä'äkyën, jää jam ëëts ntso'ontë ma Ahavá mëjnëëjën ets ojts nëjkxtës jam Jerusalén. Mëj këjää yë Wintsën xypyutëjkëtyës, ka'apës maa wi'ix njajtë ets ka'ap ma pën ojts xy'atsë'ëk xy'ajawëtës.

Nehemías 2:9

Koos jam njajty ma ja yajkutujkpëtëjkën jampë y'ënä'ämtën Éufrates ënätës ja noky nmooytyääytyë, ëpëky ja yajkutujkpë ojts xytyukpakexyës ja tsiptuunpëtëjkëty këwaaykyijxypyë jyëtitën yë'ë tu'uwinye'etyëp ja tsiptuunpë wintsënëty.

Salmos 20:8

Yë'ëjëty, wäänë muum tyä'äntsi'ita'antë tääts y'ojtskëta'aka'antë, e ëëtsajtëm ta'tspëky ntänëja'anëmë.