Esdras 8:18 - Biblia Mixe de Quetzaltepec

¹⁸ E ja Wintsën tyuun ja mëyajtën, miin ja Serebías, Leví ja'ay, yë'ë y'ok yë Mahli, mëët tyimmiiny ja y'u'unk y'ëna'k ets ja myëkä'äxtëjk; nimajkmokxtëkëëk nyiwinë'ajtë.

Biblia Dc en Mixe de Quetzaltepec

¹⁸ E ja Wintsën tyuun ja mëyajtën, miin ja Serebías, Leví ja'ay, yë'ë y'ok yë Mahli, mëët tyimmiiny ja y'u'unk y'ëna'k ets ja myëkä'äxtëjk; nimajkmokxtëkëëk nyiwinë'ajtë.

Esdras 8:18 ပူးပေါင်းရင်းမြစ်များ

Jeremias 3:15

Jëtu'un nmo'oja'antës oypyë yajkutujkpë mëti'ipë tyunëpën mëti'ipës ntukjotkëtäkpyën; yë'ëts m'ënä'ämëtëp mëët ja wijyajtën ets ixpëkyajtën.

Nehemías 2:8

ëpëky wiinkpë ja noky mëti'ipë ja Asaf yajtuknijayëpën, mëti'ipë kyëwent'ajtypyën ja yukjot kepyjyot mëti'ipë yajkutujkpë nyitënääpyën, ma yaj'ënëëmëtyën: ko wä'än xymyo'oyës ja kepy mëti'ipë ja tsajptëjk ja nyitëjk'aaw yajtuk'oytyunëpën ets mëti'ipë ja kajpnpa'a ja nyitëjk'aaw näjyëtu'un yajtuk'oytyunëpën ets näjyëtu'un maas ëjts ntsëënëja'anyën. E ja yajkutujkpë ojtsës xymyo'oy jä'ä ko yë'ë ënäty ja Wintsën mëët ja pyutëjkën nmëtä'äkyës.

Esdras 7:28

ets mëët ko tyajnikëxë'ëky ja y'oyjyot y'oywyinma'any ma ja yajkutujkpën ets ma ja wintsëntëjkën ets ko të xymyo'oyës ja amëk'ajt jotmëk'ajtën ets tyu'ukmuktë ja mëjja'aytyëjkëty, Israel ja'ayëty ets të yajkäjpxy'äty ko jatëkok nwinpita'antës jam Jerusalén.

Daniel 1:20

Ma ja jotmayën ets ja winma'any ma tsyokyën ja këpetyajtën ets ja ixpëkyajtën, yë yajkutujkpë xëmë ojts yajtëwëtë ets t'ijxy ko tääpë ja ëna'këty majknipät ijty kyëpety'ajnëtë këtiinëm ja wijyjyä'äytyëjkëty ets ja najtsja'apëtëjkëty mëti'ipë jam tuuntëpën ma ja yajkutujkpën.

Esdras 8:22

Ëjts natsëtyu'un ja'awëyës ko jeexyë ja yajkutujkpë yaj'amëtooy ja tujnmëëtpë, kwaawmyëëtpë, mëti'ipë jeexyë xykyëwent'ajtëmën ma ntu'uye'eya'anëmën, jä'ä ko tëë ënäty kë'ëm ja yajkutujkpë n'ëk'ënëma'ayëmë ko yë Wintsën y'ijx'ijtyp Kyëwent'ajtyp ja'ay mëti'ipë ixtaayëpën ets tyukjoot'anpëjkyp mëti'ipë ka'ap myëjpëjktä'äkyën.

Esdras 7:6

Yë Esdras mëj'ijxpëky ja'ay ijty, ojts ni''ijxpëkë Wintsën tyiyajtën, mëti'ipë Israel ja'ayëty y'ëwtajtëpën, mëti'ipë yajmooyën yë Moisés, ya'atë Esdras putëjkëyëp ijty mëjwiin këjää Wintsën, paatykyëjxm ko ijty tii winë t'amëtoy, yë yajkutujkpë Artajerjes mooyëp ijty. Jëtu'un'äämpy yë Esdras wyimpijty jatëkok jam Jerusalén,

1 Crónicas 6:19

Merarí y'u'unk y'ëna'k jä'ä xyëëwajtë Mahli ets Musi. Yë'ë ya'atë y'u'unk'ajt y'ok'ajt yë Leví.

1 Corintios 14:20

Mëku'uktëjkëty, këtii mmaytyëty mtajtëty ijxtëm ja pi'k ëna'kën. Jëtu'un tä pi'k ëna'kën mnäyajnaxëtëty ma ja ëxëëkpën, je'eyëp ko mëmay mëtajtë winë yajxon ets xyaj'ixëtëty ko mëj ja'ay'ajnëtë.

Proverbios 24:3

Yë'ë mëët yë jëën tëjk oy yajkojy yë wijyajtën, ets mëët yë këpetyajtën yajkojtso'ontä'äky yë y'ëjx.

Proverbios 3:6

Tios yë'ë mtimjyotnakon'atëp oy tii xytyimtunëty, ets yë'ë myajnëjkxëtëp ma ja tu'ujën mëtëypyë.

Nehemías 12:24

Yë Leví ja'ay yë kyopktëjkëty jä'ä xyëëwajtë: Hasabías, Serebías, Josué, Binuy ets Cadmiel ets ja myëku'uktëjkëty jam ijty tyimyajpaatë ma ja tyuunkëtyën ets yë'ë twin'ëw twinya'axtë ja nWintsën'ajtëmë mëti'ipë nTeety'ajt nKoonk'ajtëmën ko tyuka'ajëtë, jëtu'un tä tni'ënä'ämëyën ja David, mëti'ipë myëtuunën Wintsën.

Nehemías 10:12

Zacur, Serebías, Sebanías,

Nehemías 8:7

Ja Leví ja'ayëty mëti'ipë xyëëwajtëpën Josué, Paní, Serebías, Jamín, Acub, Sabtai, Hodías, Maaseías, Quelitá, Azarías, Jozabad, Hanán ets Pelaia jä'ä tyukwinmëtyaktëp ja naax kajpn wi'ix ja ënä'ämën tëyajtën yajja'akyukëja'anyën ets mayjyä'äy je'eyë tmëtoow'itë ets aak tënaaytyëp,

Esdras 8:24

Nimajkmäjtsk yë teetytyëjkëty yajwin'ijxy mëti'ipë winye'eytyëpën: Serebías, Hasabías ets nimajk myëku'uktëjk,

Esdras 8:16

Ënät yajkäjxtë ja Eliézer, Ariel, Semaías, Elnatán, Jarib, Elnatán, Natán, Zacarías ets Mesulam, aak mëjja'aytyëjkëty ets ojts yajkäjxtëpë ja yaj'ijxpëjktëjkëty mëti'ipë xyëëwajtëpën Joiarib ets Elnatán,

Números 3:20

Yë y'u'unk y'ëna'k yë Merarí ets jëtu'un tä tyu'kja'ay'ajtën, jä'ä xyëëwajtë Mahli ets Musi. Tëkokyë ya'atë ja'ayëty, yë ojts tja'ay'äty yë Leví. Ets jä'ä ojts jap ma jaaymyujkën yajkëxjaaytya'atë aakmëët yë y'u'unk tyo'oxytyëjkëty ets y'u'unk y'ëna'këty.

2 Crónicas 30:22

Ezequías mëj këjää tkukajpxëy mëët ko ënäty ja teetytyëjkëty ets ja Leví ja'ayëty të pyutëkëty winë aaw winëjot ma Wintsënën. Tëë ënäty wëxtujk xëëw xyëëwtuntë ma të tyaktën ja wintsë'kën ma Wintsënën, ma t'ëëwkëjxy tkajpxkëjxtën ja pyoky ets ma të twin'ëw të twinya'axtën,

Esdras 8:19

Wyoowmiintë näjyëtu'un yë Hasabías ets Jesaías, Merarí y'u'unk y'ok, jä'ä nyiwinë'ajtë ni i'px.

1 Crónicas 6:1

Leví y'u'unk y'ëna'k jä'ä xyëëwajtë: Guersón, Quehat ets Merarí.

1 Crónicas 6:4

Eleazar yë'ë teety'ajtë Finees, Finees yë'ë teety'ajtë Abisúa,