Esdras 7:7 - Biblia Mixe de Quetzaltepec

⁷ Babilonyë tsyo'ony mëët teetytyëjkëty, Leví ja'ayëty ets ja'ayëty mëti'ipë ëëwtëpën, mëti'ipë tsajptëjktuuntëpën ets mëti'ipë tëjk këwent'ajtëpën ma ja tsajptëjkën, kom wëxtujk jëmëjt ma ënäty yajkutukyën yë Artajerjes.

Biblia Dc en Mixe de Quetzaltepec

⁷ Babilonyë tsyo'ony mëët teetytyëjkëty, Leví ja'ayëty ets ja'ayëty mëti'ipë ëëwtëpën, mëti'ipë tsajptëjktuuntëpën ets mëti'ipë tëjk këwent'ajtëpën ma ja tsajptëjkën, kom wëxtujk jëmëjt ma ënety yajkutukyën yë Artajerjes.

Esdras 7:7 ပူးပေါင်းရင်းမြစ်များ

Nehemías 10:28

E ja kunaax kukajpnëty tä ja teetyëtyën, Leví ja'ayëtyën, tëjkëwent'ajtpëtyën, ëëpëty, tuunpëty mëti'ipë tsajptëjk këwent'ajtëpën ets mëti'ipë ëpëky të yajtuknipëktën ets wiinktuunk tuntëty ma tuntëtyën mëti'ipë ja Wintsën nyi'ënä'ämëpën mëët ja y'u'unk tyo'oxytyëjkëty ets y'u'unk y'ëna'këty mëti'ipë maaynyëtëp tajnëtëpën,

Nehemías 2:1

Tëkok, ma ënäty nisán po'o y'änyën, ma y'i'px jëmëjtpetyën ma ja yajkutujkpë Artajerjes ënäty tyunyën, uukyës ënäty ja n'apëjkëp, koos ojts xy'ijxpaaty moonp tujkpës ënäty,

Esdras 7:24

Mëk xyjyä'ämyätstëty ko ja'ayëty mëti'ipë tuuntëpën ma tsajptëjkën, tä yë teetyën, Leví ja'ayëty, tsajptëjk këwent'ajtpëty, tsajptëjk atënääpyëty, pätpë ja'axpëty mëti'ipë tuuntëpën ma tsajptëjkën ka'ap tjëkyepy kyëpätëty ets ka'ap tjëkyepy ni'ikyë tii n'amëto'owmëty.

Esdras 6:14

Jëtu'un'äämpy ja jutië ja'ayëty mëti'ipë ja tuunk tyu'uwinye'eytyëpën ojts tyajtu'utëkëtë ja tsajptëjktuunk, jëtu'un y'atëëy ja y'aaw y'ayuk ja Wintsën ja kyäjpxynyajxpë Hageo ets Zacarías, ja y'u'unk y'ëna'k ja Idó. Tääts y'apatëy ja tuunk jëtu'un tä ënäty ja Wintsën të tni'ënä'ämën, mëti'ipë y'ëwtajtëpën ja Israel ja'ayëty, mëti'ipë nyi'ënä'ämëtën ja yajkutujkpëtëjkëty Ciro, Darío ets Artajerjes, jampë y'ënä'ämtën Persië.

Esdras 7:8

Ja Esdras yi'iyë tu'ukyë ja Wintsën tyimtuk'ijxpejtyp, tä tsyo'ony jam Babilonyë ma tyu'uk anyën ja mëët tu'uk po'opë, ma wyëxtujk jëmëjtpetyën ma yajkutukyën ja Artajerjes ets jyäjty jam Jerusalén ma tyu'uk anyën ja mëmëkoxk po'opë nän jää jëmëjt.

Nehemías 12:1

Ya'atë jëtu'un ojts tyeety'atë ets Leví ja'ayëty mëti'ipë jatëkok winpijtën jam Jerusalén mëët Zorobabel, myaank yë Salatiel ets mëët yë Josué: Jä'ä ja teetytyëjkëty mëti'ipë txëëwajtëpën: Seraías, Jeremías, Esdras,

Nehemías 1:1

Yaa jëtu'un yajnikäjpxy yajnimëtyä'äky ja Nehemías, yë Hacalías yë myaank, ma y'i'px jëmëjtpetyën maju'unëm tyëkën yajkutujkpë yë Artajerjes, ma y'änyën yë Quisleu po'o, ëjts mëti'ipë nxëëwajtypyën Nehemías jamës ënäty ntsëënë Susa