Esdras 7:25 - Biblia Mixe de Quetzaltepec

²⁵ E mijts Esdras, mëti'ipë mjajtyp mnija'apën, mëti'ipë Wintsën të mo'oyën, tuknipëk yë ja'ay mëti'ipë yajkutukëpën ets ënä'ämëpën, mëti'ipë pyaye'eyëpën ja nëë poky ma ja naax kajpnën jam Éufrates, mëti'ipë nyija'awëtëpën ja Wintsën ja tyiyajtën; e mëti'ipë ka'ap tnijawëtën tukni''ixëtë.

Biblia Dc en Mixe de Quetzaltepec

²⁵ E mijts Esdras, mëti'ipë mjajtyp mnija'apën, mëti'ipë Wintsën të mo'oyën, tuknipëk yë ja'ay mëti'ipë yajkutukëpën ets ënä'ämëpën, mëti'ipë pyaye'eyëpën ja nëë poky ma ja naax kajpnën jam Éufrates, mëti'ipë nyija'awëtëpën ja Wintsën ja tyiyajtën; e mëti'ipë ka'ap tnijawëtën tukni''ixëtë.

Esdras 7:25 ပူးပေါင်းရင်းမြစ်များ

Esdras 7:10

Yë Esdras tëë ënäty jyot wyinma'any tu'ukyë tpëjktä'äky ko t'ixpëka'any ets tpatuna'any ja Wintsën ja y'ënä'ämën tyiyajtën ets tukni''ixëja'any ja Israel ja'ayëty wi'ix ja Wintsën ja kyutujkën ets y'ënä'ämën tyajminyën.

Deuteronomio 16:18

Nikajpxpätë yë ja'ayëty mëti'ipë kutuunk'atëpën ma ja naax kajpnën mëti'ipë yë Wintsën mo'ojanëtëpën ets yë'ë myëku'uk tnikopk'atëty ets tnipaye'eytyëty yajxon ja jyiiky myëku'uk ja nyëë pyokyëty ets ja y'amay jyotmayëty.

Santiago 1:5

Pën jam miits jënaakën ka'ap xymyëët'atë ja wijyajtën kejyajtën, amëtowtë Tios ets mmo'ojëtëty. Aak Tios yäjkpy oy tyimtiijëty, ka'ap tii tukwintuk'ooky.

Malaquías 2:7

Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.

Salmos 19:7

Yë Wintsën yë y'ijxpëjkën tëy yë'ë, jä'ä ko yäjkpy jempyë juukyajtën. Yë Wintsën yë y'ënä'ämën aak tëyajtën yë'ë, paaty yë ja'ay mëti'ipë yu'unk naxym juukyajtpën wijy tyaj'awinpity.

Marcos 6:34

Ko ja Jesús mëët ja y'ijxpëjkpëtëjk jam jyajtë, tääts ja Jesús pyëtsiimy kepy nëëwinye'epyëjoty. Ënät t'ijxy ja mayjyä'äy ets ojts tpa'ëyoy ko jam tyänëtë ijxtëm ja kupixynyën mëti'ipë ka'ap tii nyikëwent'ajtpën. Ënät tyaj'ijxpëjktso'ony kanaakjëjp.

Mateo 13:52

Ënät ja Jesús y'ënëmaayëtë: Ko tu'uk tsajptëkotyëtë yaj'ijxpëjkpë yajtukni''ixë ja tsajpjotmëpë kutujkën, jëtu'un tä tu'uk ja'ayën mëti'ipë kutëjk'ajtpën, nyija'ap mëti'ipë jap tëkoty myëët'ajtypyën pëjkë'ëky, ets ko tii jap tyajpëtsëma'any nyija'ap mëti'ipë jemyën ets mëti'ipë tëkën.

Proverbios 6:23

Mëtëy yë'ë ko yë ënä'ämën tëyajtën ets ijxpëjkën xëmë tyi'kxy jyäjy. Ko tii nyajtukmëkajpxmëty ets ko nyaj'ëëwij nyajkajpxwijmëty, jëtu'un tä ntu'upatmëtyën ma juukyajtënën.

Proverbios 2:6

Tios yë'ë yäjkpy yë wijyajtën ets yë'ë nyikäjpxyp yë nija'awën ets ixpëkyajtën.

Nehemías 9:3

Tëkëëk yaxp jëtu'un tsyënaaytyë jam ma ënäty yajpaatën, jä'ä ko jëtu'un ojts pyo'oxy ma ja noky yajkajpxtaayën, ma myinyën kuja'ay ja Wintsën, Wintsën, ja y'ënä'ämën tyiy'ajtënën, tëkëëk yaxp ojts tmaaywyatstë ja pyokyëty, ets ja tyuuntëko'oy kyajpxtëko'oyënëty ets jëtu'un t'ëwtajtë ja Wintsën.

Esdras 7:14

Jä'ä ko yë yajkutujkpë ets niwëxtujkpë jyä'äy mëti'ipë ëëwij kajpxwijtëpën, yë'ë yam mkäjxëtëp ets nëjkx xy'ixy tyuny jam Judá ets jam Jerusalén, jëtu'un tä jap myinyën kuja'ay ja ënä'ämën tëyajtën ma mnokyën mëti'ipë mëët'ajtypyën.

Esdras 6:6

Ënät ja yajkutujkpë Darío tmooy ja ënä'ämën ja Tatenai, mëti'ipë jam kutuunk'ajtpën ma ja it naaxwiinyëtën yajpaatyën, xëëwkëtä'äkytsyow, winkon jam Éufrates ets ja Setar-boznai mëët ja myëku'uktëjk, mëti'ipë jam kutuunk'ajtëpën ets t'ënëmaay: Jëwa'aktë jam Jerusalén

1 Crónicas 23:4

Jamts yajmëtyoowpëtsëëmtë ni''i'px taxk mil mëti'ipë wyintänëtëpën ja tuunk ma ja tsajptëjk kyoja'anyën, tëtujk mil mëti'ipë nyipaye'eytyëpën ets nyiwintsën'atëpën.

1 Crónicas 22:12

Mmo'ojëtëp ja Wintsën ja wijyajtën kejyajtën, ko ënäty mooyënë ja kutujktakn, mijts, mpatunëp yë mWintsën yë y'ënä'ämën kyutujkën.

1 Reyes 3:28

Ojts ja ja'ay tnijawëtë wi'ix ënäty ja Salomón të tyaj'oyën ja jotmay ets wi'ix ënäty ja wyijy'ajtën të tyajwinkëxë'ëkyën, tëkokyë ja ja'ayëty jam ma ja Israel kajpnën mëk twinkutsë'këtyë ja Salomón ets tmëmëtoowtë, mëët ko ënäty ja Wintsën të myo'oyë ja ixpëkyajtën wi'ix tu'uwinye'eyëtyën ja naax kajpn mëtëy.

Colosenses 1:28

Yë'ëjës nikajpx nimëtyaktëp ja Kristë ets nyaj'ijxpëktës ntukmëkajpx ntukmëmëtya'aktës ni'ëmukë ja ja'ayëty ja wijyajtën, ets yajpaatëty oy wa'ats ma ja Kristën.

Génesis 41:38

Tä ja yajkutujkpë y'ënëmaayëtë: ¿Jyëkyejpy jëtää ja'ay wiinkpë npatmëty mëti'ipë Tios wyijy'ajtën myëët'ajtëpënë?

Génesis 41:39

Ënät yë yajkutujkpë t'ënëmaay yë José: Ka'ap ma wiinkpë ja'ay jaakwinma'anymyëëtpë ets wijypyë ijxtëm mijtsën, Tios jëtu'un të mtuknijawëty tu'kë'ëyë ya'atë.

2 Reyes 17:27

Ënät ja Asiria yajkutujkpë ni'ënä'ämëy: Käxtë tu'uk yë teety mëti'ipë tsumy të myinyën jam Samaria ets jam nyëjkxëty jatëkok tsënääpyë, yë'ëts yaj'ijxpëkëp wi'ix tääpë ja'ayëty t'ëwtatën yë Wyintsën.

Esdras 10:4

Pëtë'ëk, jä'ä ko mijts ya'atë mpatëp xytyunëty, tyam myajputëkëty, tun ja mëti'ipë mpatëpën.