Esdras 7:10 - Biblia Mixe de Quetzaltepec

¹⁰ Yë Esdras tëë ënäty jyot wyinma'any tu'ukyë tpëjktä'äky ko t'ixpëka'any ets tpatuna'any ja Wintsën ja y'ënä'ämën tyiyajtën ets tukni''ixëja'any ja Israel ja'ayëty wi'ix ja Wintsën ja kyutujkën ets y'ënä'ämën tyajminyën.

Biblia Dc en Mixe de Quetzaltepec

¹⁰ Yë Esdras tëë ënety jyot wyinma'any tu'ukyë tpëjktä'äky ko t'ixpëka'any ets tpatuna'any ja Wintsën ja y'ënä'ämën tyiyajtën ets tukni''ixëja'any ja Israel ja'ayëty wi'ix ja Wintsën ja kyutujkën ets y'ënä'ämën tyajminyën.

Esdras 7:10 ပူးပေါင်းရင်းမြစ်များ

2 Timoteo 4:2

ets xykyajpxpwa'kxëty ja Tios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

Mateo 7:24

Paaty n'ënëëmëtë, pën y'amëtoow'ijtypyën ëjts ja n'ayuk ets tpatuny mëti'ipës nkäjpxypën, jëtu'un jä'ä ijxtëm ja ja'ay wijypyë kujkpën mëti'ipë ja tyëjk kyojën ets tsaakëjxy tpojtsë'ky.

Malaquías 2:7

Kopkpëky ko yë teetytyëjkëty jëtu'un mëpaat tyuntë ets ja'ay tuk'ëwaanëtëty wi'ixës mëpaat xy'ixy'atën ets ja'ayëty kopkpëky ko tyajtëwtëty yë teetytyëjkëty wi'ix mëpaat tnijawëtën ëjts yë n'ijxpëjkënës, jä'ä ko yë'ëjëty, yë'ë nyikajpx nyimëtyaktëp yë aaw ayuk mëti'ipë yë Wintsën, mëti'ipë maaytyääyëpën winë y'aaw'ajtyp y'ayuk'ajtypyën.

Juan 13:17

Pën mja'akyujkëtëp ets mpatuuntëp, akujk jotkujk nëjkx mjuuky'atë.

Salmos 1:2

yë tsyojkën jya'awën jam tpëjktä'äky ma Tios yë y'ënä'ämën tyiyajtën, ets yi'iyë myëmääpy myëtäjpy xëëny koots.

Esdras 7:25

E mijts Esdras, mëti'ipë mjajtyp mnija'apën, mëti'ipë Wintsën të mo'oyën, tuknipëk yë ja'ay mëti'ipë yajkutukëpën ets ënä'ämëpën, mëti'ipë pyaye'eyëpën ja nëë poky ma ja naax kajpnën jam Éufrates, mëti'ipë nyija'awëtëpën ja Wintsën ja tyiyajtën; e mëti'ipë ka'ap tnijawëtën tukni''ixëtë.

Salmos 19:7

Yë Wintsën yë y'ijxpëjkën tëy yë'ë, jä'ä ko yäjkpy jempyë juukyajtën. Yë Wintsën yë y'ënä'ämën aak tëyajtën yë'ë, paaty yë ja'ay mëti'ipë yu'unk naxym juukyajtpën wijy tyaj'awinpity.

Deuteronomio 33:10

Yaj'ijxpëjktëp yë Israel ja'ayëty ets tyukni''ijxëtyëp yë m'ënä'ämën mtëyajtën ets ja m'aaw m'ayuk. Pyëjkta'aktëp ma wintsë'këntyaknën yë poom ets wintsë'kën mëti'ipë jëyujk ookyën mijts mwintuuy.

1 Crónicas 29:18

Wintsën, Tios mëti'ipë y'ëwtajtën ja Abraham, Isaac ets Israel, ëëts ja n'apteetyëty. Mmëët'atëp xëmë jëtu'unpë jot winma'any oypyë tsujpë ets xoontä'äkpyë ma ja mnaax mkajpnën, ets ja jyot wyinma'any jam xëmë tyaj'itëty ma mijtsën.

Salmos 10:17

Wintsën, mijts mëtoow'ijtyp yë ja'ay ko mëkäjpxyë mëti'ipë näypyutëkë yajmëyäjtypyën, ets xyajjotkujktä'äky ets xypyutëkë.

Esdras 7:6

Yë Esdras mëj'ijxpëky ja'ay ijty, ojts ni''ijxpëkë Wintsën tyiyajtën, mëti'ipë Israel ja'ayëty y'ëwtajtëpën, mëti'ipë yajmooyën yë Moisés, ya'atë Esdras putëjkëyëp ijty mëjwiin këjää Wintsën, paatykyëjxm ko ijty tii winë t'amëtoy, yë yajkutujkpë Artajerjes mooyëp ijty. Jëtu'un'äämpy yë Esdras wyimpijty jatëkok jam Jerusalén,

Tito 2:1

Jëtu'un mëpaat winë xynyikäjpxy xynyimëtyä'äky ijxtëm ja wa'atspë ja ijxpëjkën y'ënä'änyën.

Salmos 119:45

Jëtu'unës jotkujk njuuky'atëty, jä'ä ko yë'ëjës mpanëjkxyp yë m'ënä'ämën mtëyajtën.

Salmos 57:7

Yë njot nwinma'anyës a'ijxp jëjp'ijxp y'ity ma mijtsën Tios, mëti'ipës nTios'ajtypyën; yë njot nwinma'anyës a'ijxp jëjp'ijxp tyimyajpaaty ets t'ëwa'any tya'axa'any yë m'ëy myä'äxy.

2 Crónicas 30:22

Ezequías mëj këjää tkukajpxëy mëët ko ënäty ja teetytyëjkëty ets ja Leví ja'ayëty të pyutëkëty winë aaw winëjot ma Wintsënën. Tëë ënäty wëxtujk xëëw xyëëwtuntë ma të tyaktën ja wintsë'kën ma Wintsënën, ma t'ëëwkëjxy tkajpxkëjxtën ja pyoky ets ma të twin'ëw të twinya'axtën,

2 Crónicas 19:3

Je'eyëp ko mijts tëë näjyëtu'un winë oy xytyuny, ko ojts xyajjëwa'kta'ay yë Aserá y'awinax mëti'ipë jää kajpnjoty may të yajpaatyën ets ja Wintsën jä'ä të xyajmëjnaxy.

2 Crónicas 12:14

Ka'ap ojts oy winë tuny, jä'ä ko ka'ap ja Wintsën ojts ëmuumtu'ukjot ja pyutëjkën t'ijxtaayë.

1 Samuel 7:3

Paatykyëjxm ja Samuel t'ënëmaay tëkokyë ja naax kajpn: Pën miitsëty winë aaw winëjot yë Wintsën mnätyukë'ëtëkëtë ets pën mju'taaytyëp ja wiink tios ma mjëën mtëjkëtyën tä yë Astarté mëti'ipë wiink ja'ayëty y'ëwtajtëpën. Ets ja jyuukyajtën yë'ë Wintsën tmo'otëty ets yë'ë y'ëwtatëp. Yë Wintsën nëjkxëp myajtso'okëtë ma filistejë ja'ayëty tyam ëxëëk mtunëtën, pën mkumaaytyëp yë Wintsën ets pën mëjpëjktaktëp.

Tito 2:15

Ya'atë ja mëpëjkpëtëjk mtuk'ijxpëkëp, jotmëkwinkajpxë ets amëk jotmëk tkajpxëty mëtya'akëty mëët tu'kë'ëyë ja mkutujkën këtiipë pën mpäxëtëty.

1 Timoteo 3:2

Paaty, jëtu'unpë ja ja'ay ka'ap tjëkyëpy wi'ix yaj'ojëty. Tu'ukyë mëpaat ja tyo'oxytyëjk tmëëttsëënë ets mëtëy jyuuky'atëty; niwijy ets mëët. Yajja'ajta'akëp ja jëpyaat jëpyo'kxy ma tyëjkën; ets jyatëp wi'ix yaj'ixpëkëtyën;

Hechos 1:1

Teófilo, ja noky mëti'ipës mëjëyëjp njaayën, yë'ë nyimëtyäkpy mëti'ipë ja Jesús tyuuntso'onën ets mëti'ipë tyuk'ijxpëjktso'onën ja ja'ay

Deuteronomio 16:12

Yë'ë xëmë mkaja'atyëkoytyëp ko ojts jap Egiptë mëtuntë m'ëyowtë. E paatykyëjxm tuntë ijxtëm ya'atë ënä'ämën tyam myajmo'otën.

Apocalipsis 22:14

Akujk jotkujk mëti'ipë ja jyot wyinma'any yajwa'ats'ijtëpën, yë'ë tëkëjantëp ma ja jempyë Jerusalén kajpnën ets ja tëyajtën tmëët'atëty ets tjë'kxtëty ja ujtstëëm mëti'ipë yajjuuky'ajtpën xëmëkyëjxm.

Mateo 5:19

Pën yë ënä'ämën ka'ap tpatuny yiinpë wäänpë ets ka'ap pën tuk'ëwaanë wi'ix tpatunëtyën, mutsk nëjkx nyäxy ma ja tsajpjotmëpë kutujkënën; pën yë ënä'ämën pyatuumpy ets ja ja'ay tukni''ixë ets tpatuntëty, yë'ë mëj naxaanp ma ja tsajpjotmëpë kutujkënën.

Job 11:13

Pëjkta'ak yë mwinma'any ets winë oy xytyunëty ets yë'ë Tios mënu'kxta'ak.

Esdras 7:11

E tsyaats tu'uk ja noky ojts yajnijaaytyu'uty mëti'ipë ja yajkutujkpë Artajerjes myooyën ja Esdras, mëti'ipë teety'ajtpën, yaj'ijxpëjkp ets ixpëkyjyä'äy, mëti'ipë yajxon të tnijawën ja Wintsën ja y'ënä'ämën tyiyajtën mëti'ipë ja Israel ja'ayëty y'ëwtajtëpën.

Salmos 119:112

Ëjts tëës ntuknipëjktaakë winë aaw win jot koos mpatuna'any yë m'ënä'ämën mtëyajtën, winë xëëw winë jëmëjt mapaatës njuuky'ätyën.