Esdras 6:6 - Biblia Mixe de Quetzaltepec

⁶ Ënät ja yajkutujkpë Darío tmooy ja ënä'ämën ja Tatenai, mëti'ipë jam kutuunk'ajtpën ma ja it naaxwiinyëtën yajpaatyën, xëëwkëtä'äkytsyow, winkon jam Éufrates ets ja Setar-boznai mëët ja myëku'uktëjk, mëti'ipë jam kutuunk'ajtëpën ets t'ënëmaay: Jëwa'aktë jam Jerusalén

Biblia Dc en Mixe de Quetzaltepec

⁶ Ënet ja yajkutujkpë Darío tmooy ja ënä'ämën ja Tatenai, mëti'ipë jam kutuunk'ajtpën ma ja it naaxwiinyëtën yajpaatyën, xëëwkëtä'äkytsyow, winkon jam Éufrates ets ja Setar-boznai mëët ja myëku'uktëjk, mëti'ipë jam kutuunk'ajtëpën ets t'ënëmaay: Jëwa'aktë jam Jerusalén

Esdras 6:6 ပူးပေါင်းရင်းမြစ်များ

Esdras 5:3

E ja Tatenai, mëët ja Setar-boznai ja myëku'uktëjk, mëti'ipë yajkutujkpën ma ja naax kajpnën jampë yajpaatën winkon ma ja Éufrates nëëjën, ojts nyëjkxtë ets t'ënëmaaytyë: ¿Pën të m'ënä'ämëtë ets ya'atë tsajptëjk xynyiwa'akëtëty ets xykyoj'oyëtëty, ix jam ja kepy të xyajpäjtaaynyëtë? ¿Nikajpxtë tiijaty ja'ay txëëwatë mëti'ipë tyaapë tuunk nyiwintsën'ajtëpën?

Romanos 8:31

¿Tii ënät njaaktimkyajpxmëp? Pën Tios mëët ëëtsajtëm, ni pën xykyamëmëtakmëty.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Esdras 5:6

Ojts tu'uk ja noky tnijaaytyu'utë mëti'ipë kyäjxtën ja Tatenai, jampë yajkutukyën Éufrates winkon mëët ja Setar-boznai ets ja myëku'uktëjk jampë näjyëtu'un y'ënä'ämtën winkon ma Éufrates nëëjën,

Isaías 27:8

Ko yë Tios yë nyaax kyajpn të yajjoot'anpëkyë, je'eyë wiink kajpn të tnajtskäxë, je'eyë ojts yë nyaax kyajpn tuk'ëxmatsy ijxtëm tu'uk yë pu'uxm pyojke'ekyën, ijxtëm tu'uk pu'uxm wyimpapojyën mëët jëënpoj mëti'ipë tso'onpën xëëwpëtsëmtsyow.

Proverbios 21:1

Yë jyot wyinma'any yë yajkutujkpë, jëtu'un tyu'uye'ey tä tu'uk yë mëjnëëjën, jä'ä ko Wintsën kë'ëm yajtu'uye'epy ijxtëm tsokyën.

Salmos 76:10

Ko yë naaxwiinyëtë ja'ay jyoot'anpëky, mijts ni'ikyë mxoontä'äky, oyxyëp janty tu'k nu'unën jyoot'anpëky, mijts jëtu'un xyjyawë tä jeexyë tu'uk yë kujän myajtukujenyën.

Nehemías 1:11

Paaty mijts Wintsën yam nmënu'kxtä'äky ets xymyëtoow'itëty ya'atë ja jëëytyak nu'kxtakën tyampë ntunyënës maas mijts xytyuunpë'atyën, maas yi'iyë nmëmay nmëtajyën wi'ix ntukxoonta'akëtyën ets wi'ix ntukjotkujk'atëtyën. Tyam näjyëtu'un n'amëtoy npëjktsoy ets xymyo'ojëtyës ja jot winma'any wi'ixës ja yajkutujkpë nyajjotukëtyën ets oy ja winma'any wyimpëtsëm jyëjpëtsëmëty.

Génesis 43:14

Tios mpa'ëyowëtëp tääts tnajtsmatsëty ja tu'ukpë ja mëku'ukëty ets Benjamín, e pën ëjts jëtu'unës ënät u'unktuk nwë'ëmëty, minës jëtu'un n'ëkwë'ëmy.

Génesis 32:28

Tää ja naaxwiinyëtë ja'ay y'ënëmaayë: Ka'ap tyam mijts xy'ëkxëëwajtnëty Jacob, Jä'ä mxëëwajtnëty Israel. Jä'ä ko mijts Tios tyam mëët të mtsiptuny ets mëët tu'kë'ëyë yë naaxwiinyëtë ja'ay ets tëë xymyëmëtä'äky.

Esdras 4:9

Jëtu'un ojts ja noky kyojy mëti'ipë kyäjxtën ja Rehúm, mëti'ipë tsiptuunpë wintsën'ajtpën ets ja Simsai mëti'ipë jääpyën mëët ja myëku'uktëjk mëti'ipë yajkutujktëpën, mëti'ipë poky nyipaye'eytyëpën ets mëti'ipë kutuunk'ajtëpën jam Persië, Erec, Babilonyë ets Susa, ja kanaakpë ja kajpn mëti'ipë ja Elám nyitënääpyën ets maajaty tëkokyë yë kajpnën mëti'ipë jam yajpatëpën ma tsyënaaytyaknpëjktën ja ja'ayëty mëti'ipë yajnëjkxën tsumy matsy ja Asnapar ets maajaty ja it naaxwiinyëtën mëti'ipë xëëwkëtä'äkytsyow yajpatëpën ma Efrates nëë nyäxyën: Jëtu'un ja noky tyaj'ëna'antë: Tyam ëëts nijayëtë ja yajkutujkpë Artajerjes, ëëtsëty ja tyuunpëty mëti'ipë tsënaaytyëpën maatsow yë xëëw kyëtä'äkyën, winkon ma mëjnëë nyäxyën mëti'ipë txëëwajtpën Éufrates:

Esdras 6:7

ëxmatstë yë jutië ja'ayëty ets kyutuunktëjkëty wä'än tkoj'oyëtë yë tsyajptëjk ma jam tkoja'antën.

Esdras 6:13

Ënät ja yajkutujkpë Tatenai, mëti'ipë jam ënä'ämpën matsow ja xëëw kyëtä'äkyën, wiinkonpë Éufrates nëëjën ets ja Setar-boznai ets ja myëku'uktëjk, tuuntë jëtu'un tä ënäty ja Darío yajkutujkpë të tni'ënä'ämën.