Esdras 6:17 - Biblia Mixe de Quetzaltepec

¹⁷ Ma ja wintsë'kën tyajktën: jä'ä ja tsajpkaa u'unk tyaj'o'ktë nimëko'px; nimäjtsk mëko'px ja tsajppax ets taxk mëko'px ja kupixyny; ëpëky wiinkpë tsajppax nimajkmäjtsk, mëti'ipë ja Israel ja'ayëty nätyukunajxëtën, ja nimajkmäjtskpë y'aptëjk'atën, ma ja nëë poky të tuuntëkoytyën.

Biblia Dc en Mixe de Quetzaltepec

¹⁷ Ma ja wintsë'kën tyajktën: jä'ä ja tsajpkaa u'unk tyaj'o'ktë nimëko'px; nimäjtsk mëko'px ja tsajppax ets taxk mëko'px ja kupixyny; ëpëky wiinkpë tsajppax nimajkmäjtsk, mëti'ipë ja Israel ja'ayëty nätyukunajxëtën, ja nimajkmäjtskpë y'aptëjk'atën, ma ja nëë poky të tuuntëkoytyën.

Esdras 6:17 ပူးပေါင်းရင်းမြစ်များ

Esdras 8:35

Ok, ja ja'ayëty tkë'ëyajktë ja wintsë'kën ma Tiosën, mëti'ipë ënäty të yaj'ëxwoptën ets ënäty tsumy matsy të yajmënëjkxtë wiink kajpn. Ojts tmëjjaw tkënu'kxyjyawëtë ko ënäty jatëkok të tpaatë ja nyaax kyajpnëty, paaty ojts ja Tios ja wyintsë'kën tmo'otë. Majkmäjtsk yë tsajpkaa tyaj'o'ktë, majkta'px majkmokx tu'uk yë tsajppax, tëkë'px majkmokx mäjtsk yë kupixyny ets majkmäjtsk yë tsajppax ayääkë. Yë'ë ojts yë nyëë pyoky tukunaxtë ya'atë jëyujk ooky, aak tsa'ay aak no'oky yë Tios tukwintsë'ëkëtë.

2 Crónicas 7:5

Ja yajkutujkpë Salomón ojts ja wintsë'kën tyäky, i'px mäjtsk mil ja tsajpkaayä'äy ets mëko'px ja i'px mil ja kupixyny. Jëtu'un ojts ja yajkutujkpë ets ja Israel ja'ayëty tnixëëwtuntë ets tkënu'kxtë ja Wintsën ja jyëën tyëjk.

1 Reyes 18:31

Tä tkoonë'ky majkmäjtsk yë tsaa, jëtu'un tä ënäty ja Jacob ja y'ëna'kën, mëti'ipë yë Israel ja'ayëty y'ap'ajtëpën, mëti'ipë ja Wintsën ojts tyajxëëwpetyën Israel.

Levitico 4:28

Ko tnijawëty ko tëëtëm pyokytyuny, yë'ë yakëp tu'uk yë tsajppax mëti'ipë oy mëkën ets mëti'ipë kä'pxyën, yë'ëts ja pyoky tyukunaxëp.

Levitico 4:3

Pën yë'ë pokytyuunp yë teety wyintsën ets jëtu'un'äämpy ja naax kajpn tyaj'ëxëëktëkë, yë'ë yakëp tu'uk yë tsajpkaa u'unk, mëti'ipë oyën mëkën ets kä'pxyën jam ma Tiosën ets yë'ë ja nyëë pyoky tukunaxëty.

Apocalipsis 21:12

Këjxm ja kajpn nyapojts'ëwëtityëty ets majkmäjtsk ja tëjk'aaw tmëëtëty. Jamts ja tsajpjotmëtë kukäjpxy tyänëtë maajëty ja tëjk'aawën. Jam tëjk'aawkëjxm kyëxja'ayëty ja xyëëw ja majkmäjtsk pëkpyë ja Israel ja'ayëty ja y'u'unk y'ok.

Lucas 22:30

Ets jam mkaytyëty m'uuktëty maas ja nkaaypyäjnën mëti'ipë yajpatpën maas yë nkutujktaknën, ets mnaaxwäätstëty ma ja kutujktaknën ets xypyaye'eytyëty ja majkmäjtsk pëkpyë ja Israel ja y'u'unk y'ok.

1 Reyes 8:62

Ënät ja yajkutujkpë ets ni'ëmukë ja Israel kajpn mëj këjää ja Wintsën ja wyintsë'kën tmooytyë.

2 Crónicas 29:24

E ko jëtu'un ja kyë'ë tkëxkoontaaytyë tääts tyaj'o'ktë ja tsajppax ets ja tsajpkaa; ja jyot nye'pny ojts tuknixikxtë ja wintsë'këntyakn, mëti'ipë ja nëë poky kyunajxypyën ja Israel ja'ayëty ja pyokyëty, jä'äkyëjxm ko jëtu'un ënäty ja yajkutujkpë të tni'ënä'ämë ets ja naax kajpn ja nyëë pyoky yajtuunkëx yajkajpxkëxëty.