Esdras 6:1 - Biblia Mixe de Quetzaltepec

¹ Ënät ja yajkutujkpë Darío, ni'ënä'ämëy ets yaj'ixta'ajëty ya'atë noky mëti'ipë pëjkë'ëky yaj'ijtëpën ja Babilonyë ja'ayëty,

Biblia Dc en Mixe de Quetzaltepec

¹ Ënet ja yajkutujkpë Darío, ni'ënä'ämëy ets yaj'ixta'ajëty ya'atë noky mëti'ipë pëjkë'ëky yaj'ijtëpën ja Babilonyë ja'ayëty,

Esdras 6:1 ပူးပေါင်းရင်းမြစ်များ

Esdras 5:17

E tyam jëtu'un ëëts yam nja'ënëëmëja'antë ja yajkutujkpë ets jeexyë ja noky yaj'ijxta'ay jampë Babilonyë y'ityën ets yajnijawëty pën janty mëtëy ko yë yajkutujkpë Ciro yë'ë ojts t'ëwa'atsy ets tyajkutuky ets ya'atë Wintsën ja tsyajptëjk yajkoj'oyëty jampë Jerusalén, ets jeexyë ëëts xytyuk'ëwaanëtë ja yajkutujkpë wi'ix të tuknipëjktaakëtë.

Proverbios 25:2

Tios mëj'äämpy najxp, ko ja'ay tukjaty wi'ix tii yu'utsy tmëët'atëtyën, mëj'äämpy yë yajkutujkpë nyäxy ko twinjawë.

Esdras 4:15

wä'än tyajpaye'ey jap nokyjyot yajxon ma ëëts ja nkutujkpëty ja nyoky pëjkë'ëky tyaj'ityën. Ma ënät jap tnikäjpxyën ko ya'atë naax kajpn je'eyë kyäjpxykyutëjy ets ko kutsë'ëkë yajpaaty ma wiinkëtypë ja naax kajpnën ets ko tëëyëp ojts ëxëëk y'ëk'ëtëtstëpë paaty ojts y'ëkkutëkooytyëpë.

Apocalipsis 5:1

Ënät tu'uk ja noky apëtity n'ijxyës tmëëtëty ma ja y'a'oykyë'ëjën mëti'ipë u'unyääpyën jam ma kutujktaknën. Nëkëjxy ets jootjoty ja noky wyinja'ayëty ets wëxtujkpëky tsyä'äyëty.

Ezequiel 2:9

Ënätës n'ijxy tu'uk yë kë'ë myëjxajy, yë'ë kyë'ëpëk'ajtyp yë noky axaatsy.

Jeremias 36:32

Ënät ja Jeremías t'ijxy tu'uk yë noky ets tmooy ja Baruc, mëti'ipë yajjääpyën ets ja Baruc jatëkok tjaaytyääy wi'ix ja Jeremías y'ënä'änyën, yë'ë ja aaw ayuk mëti'ipë ënäty jap të t'ëkjääpyën ma ja mëjëyëjpën mëti'ipë Joaquim yajkutujkpë nyino'kën. Ojts yë Jeremías tjaakyajkëxja'ayë wiinkpë aaw ayuk jëtu'unpë kyäjpxyën.

Jeremias 36:29

Ets xy'ënëëmëty: Jëtu'un yë Wintsën y'ënä'äny: Mijts ojts xynyino'oky ja noky axaatsy ets ojts yë Jeremías xytyuk'ojy ko tjaay mëti'ipë ja Babilonyë yajkutujkpë tyunäämpyën, ko myina'any ma ja naax kajpnën ets tyajkutëkoyä'äny ets nitu'uk ja ja'ay juuky tkayajwë'ëma'any ets jëyujkpaat tyajkëjxtaja'any.

Salmos 40:7

Paatyës të n'ëna'any: Tyaajës nyajpaaty, jëtu'un ijxtëmës jap nokyjoty nyajnikäjpxyën.

Job 29:16

teetyën ijty xyjyawëtës ja'ay mëti'ipë winë yajmëyajtëpën, kuwaanpë ijty xyjyawëtës yë jaaypyaat jaaypyo'kxy.

Esdras 4:19

e tëëtsës ja ni'ënä'ämë ets tuntëty ja paye'eyën. E janty tëy jëtu'un ojts tääpë ja'ayëty tëëyëp ëxëëk jyänty ëtë'ëtstë, ojts tnikäjpxytyunëtë yë yajkutujkpë kanaak'ok mëti'ipë ojts jya'ënä'äma'antën,

Ezequiel 3:1

Ënätës yë Tios xy'ënëmaay: Mijts, ye'etyëjk, jë'kx ya'atë aaw ayuk mëti'ipë kuja'ay miinpën ets nëjkx xymyëmëtyä'äky yë Israel ja'ayëty.

Esdras 6:22

Wëxtujk xëëw tnixëëwtuuntë ja tsajpkääky ka'apë tsyooymyëëtëtyën, jä'ä ko mëjwiin ojts tja'awëkyëta'aktë ko Persië yajkutujkpë pyutëjkëy ma ja Wintsën ja tsyajptëjk ënäty të kyojyën, mëti'ipë ja Israel ja'ay y'ëwtajtëpën.

Esdras 7:13

Tëës ënä'ämën nyajwë'ëmy ma tëkokyë yë Israel ja'ayëtyën mëti'ipë yaa ijtëpën tsënaaytyëpën ma ja it naaxwiinyëtën mëti'ipës n'ëne'empyën ets nyëjkxëty mëët mijts jam Jerusalén pën nëjkxantëp, wä'än teetyëty ëkë wä'än Leví ja'ayëty.

Daniel 9:25

Kopkpëky ko xynyijawëty ets xyjyä'äkyukëty ya'atë: Ma ënäty yajni'ënä'ämën ets yajkoj'oyëty jatëkok ja Jerusalén kajpn ets ma ënäty jyä'tyën ja yajkutujkpë mëti'ipë kënu'kxyën, jä'ä y'itëty wëxtujk sëmaan ets ja në'ë tu'uk ets ja potsy mëti'ipë yaj'akojëjaanpën ma Jerusalén kajpn jä'ä nëjkx pyo'oxy tëkë'px mäjtsk sëmaan, je'eyëp ko mëk nëjkx ja amay jotmay jää y'ity.