Esdras 3:8 - Biblia Mixe de Quetzaltepec

⁸ Yë Zorobabel, Salatiel yë myaank ets Josué, Josadac yë myaank, mëët ja myëku'uktëjk, teetytyëjkëty ets Leví ja'ayëty ets nitëkokyë ja ja'ayëty mëti'ipë ojts yajmënëjkxtën jam Babilonyë, mëti'ipë ënäty jatëkok jam Jerusalén të wyimpitën, jä'ä ojts tkojjë'ëktë ja tsajptëjk, ma mëmäjtsk po'o y'änyën, ma tyu'uye'eyën ja mëmäjtskjëmëjtpë maju'unëm ënäty të wyimpitën jatëkok jam Jerusalén, ja tuunk jä'ä tyuknipëjktë ja Leví ja'ayëty, mëti'ipë ja jyëmëjt të t'apätën i'px tu'uk.

Biblia Dc en Mixe de Quetzaltepec

⁸ Yë Zorobabel, Salatiel yë myaank ets Josué, Josadac yë myaank, mëët ja myëku'uktëjk, teetytyëjkëty ets Leví ja'ayëty ets nitëkokyë ja ja'ayëty mëti'ipë ojts yajmënëjkxtën jam Babilonyë, mëti'ipë ënety jatëkok jam Jerusalén të wyimpitën, jä'ä ojts tkojjë'ëktë ja tsajptëjk, ma mëmäjtsk po'o y'änyën, ma tyu'uye'eyën ja mëmäjtskjëmëjtpë maju'unëm ënety të wyimpitën jatëkok jam Jerusalén, ja tuunk jä'ä tyuknipëjktë ja Leví ja'ayëty, mëti'ipë ja jyëmëjt të t'apätën i'px tu'uk.

Esdras 3:8 ပူးပေါင်းရင်းမြစ်များ

Esdras 4:3

E ja Zorobabel, ja Josué ets ja mëjja'aytyëjkëty Israel ja'ayëty tyaa y'ëtsoowtë: Ka'ap tjëkyepy ëëts nkojtëty yë Wintsën yë jyëën tyëjk mëët miitsëty. Aak ëëts yë xypyaatë nkojtëty yë tsyajpjëën tsyajptëjk yë Wintsën, mëti'ipë yë Israel ja'ayëty y'ëwtajtëpën, jä'ä ko jëtu'un yë yajkutujkpë Ciro të xy'ënä'ämtës, jampë yajkutukyën Persië.

1 Crónicas 23:4

Jamts yajmëtyoowpëtsëëmtë ni''i'px taxk mil mëti'ipë wyintänëtëpën ja tuunk ma ja tsajptëjk kyoja'anyën, tëtujk mil mëti'ipë nyipaye'eytyëpën ets nyiwintsën'atëpën.

Números 4:3

mëti'ipë jyëmëjtëtyën i'px majk ets wëxtyikxy majk jëmëjtpaat, mëti'ipë jyëkyäjptëpën tyuntëty jap ma ja wit tëjkën ma ja näpyaatë y'ityën mëët yë Tios.

Esdras 3:2

Ja Josué, Josadac yë myaank ets ja myëku'uktëjk ninu'un tyeety'atën, näjyëtu'un yë Zorobabel, Salatiel yë myaank ets ja jyiiky myëku'uk. Ojts tyajtso'onta'aktë ja tuunk ma tkojë'ëktën ja Wintsën ja wyintsë'këntyakn, ma tyaktëtyën ja wintsë'kën nino'okpyë, tä jap myinyën këxja'ay ma ja ënä'ämën tëyajtënën mëti'ipë ja Moisés yajkën, Tios yë tyuunpë.

Esdras 5:16

Tä ja Sesbasar tjanty yajtso'ontäky ja tuunk, tä tnitajëy ja tsajptëjk ja nyipotsy'ëjx; tyampaat yë'ëtsën ëëts ntuunk'ajtëp, ka'anëm y'o'oyëtyä'äynyëm.

Zacarías 4:9

Yë Zorobabel yë'ë të tyajtso'ontä'äky ya'atë tuunk ma ja tsajptëjk kyojyën ets nän yë'ë nëjkx tyajwintu'upëky. Jëtu'un xynyijawëtëty ko yë Wintsën mëti'ipë maaytyääyëpën winë yë'ëjës të xykyexy.

Zacarías 6:12

Ets xy'ënëëmëty: Jëtu'un yë Wintsën y'ënä'äny mëti'ipë maaytyääyëpën winë: Ko ja ja'ay mëti'ipë txëëwajtpën Kepyji'tsk, jam myuxa'any ma tyiktsën ets tkoja'any ja Wintsën ja Tsyajp tëjk.

1 Crónicas 3:17

Yë y'u'unk y'ëna'k yë Jeconías, mëti'ipë nyaaxjoty kyajpnjoty yaj'ëxwojptën ets ojts tsumy matsy yajmënëjkxtë, jä'ä xyëëwajtë: Salatiel, ja kä'äxkopk,

Esdras 2:2

Ja ja'ayëty mëti'ipë pyatso'ontën ja Zorobabel, jä'ä xyëëwajtëp: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm ets Baaná. Ya'atë ja'ayëty aakyë'ë y'u'unk y'ok yë Israel.

Esdras 4:24

Jëtu'un ja tsajptëjktuunk ojts jëtu'unyë yaj'ëxmatsy, komjëmëjtnëm ojts jatëkok yajniwa'akë ma ja Darío yajkutukyën jam Persië.

Esdras 5:2

Ënät ja Zorobabel, Salatiel myaank ets Josué, Josadac myaank tyëjkëtyë tuunpë ets jatëkok tniwa'këtyë ja tsajptëjktuunk jam Jerusalén, e ja Tios ja kyäjpxynyajxpëtëjk jä'ä jam tyimmëët'ajtyp ets tputëkë.

Esdras 10:18

Ja teetytyëjkëty mëti'ipë ënäty mëët ja to'oxytyëjk të pyëktën ka'apë Wintsën t'ëwtatën jä'ä xyëëwajtëp: Ma Josué y'u'unk y'okën, Josadac yë myaank ets jyiiky myëku'uk: yë'ë ijtë yë Eliézer, Jarib ets Guedalías,

Hageo 1:1

Ma ja Darío mëmäjtsk jëmëjt yajkutukyën, ma tyu'uk anyën ja mëtëtujk po'opë. Ojts yë Wintsën mëët yë Hageo käjpxynyajxpë tmëkäjpxy yë Judá yajkutujkpë, mëti'ipë xyëëwajtypyën Zorobabel, Salatiel yë myaank ets Josué mëti'ipë nyikopk'ajtypyën yë teetytyëjk, yë Josadac yë myaank.