Esdras 2:68 - Biblia Mixe de Quetzaltepec

⁶⁸ Ojts ja kopktëjkëty jam jya'të, mëti'ipë ojts tyaktën kë'ëmwinma'any ja wit meeny ets jam tyunëty ma ja Wintsën ja tsyajptëjk ënäty yajkoj'oyëjä'änyën jam Jerusalén.

Biblia Dc en Mixe de Quetzaltepec

⁶⁸ Ojts ja kopktëjkëty jam jya'të, mëti'ipë ojts tyaktën kë'ëmwinma'any ja wit meeny ets jam tyunëty ma ja Wintsën ja tsyajptëjk ënety yajkoj'oyëjä'änyën jam Jerusalén.

Esdras 2:68 ပူးပေါင်းရင်းမြစ်များ

2 Corintios 9:7

Nitu'ukjaty xyaktëty mtsojkënkyëjxm ijxtëm të xytyukniwinmayëtën, ka'ap mäjtsk aaw mäjtsk jot ëkë ka'ap y'akwanëty, jä'ä ko Tios tsyojkpy yë ja'ay mëti'ipë jotkujk tii yäjkpyën.

2 Corintios 8:3

Ëjts n'ijxyp nija'apës ko tëë ja wyit myeeny tyoxtë winë aaw winëjot wäänëni'ik këtiinëm ijxtëm të tuknipëjktaakëtën.

Éxodo 36:3

Ënät ojts jä'ä ja Moisés myooytya'ajëtë ja ayajk ako'onën mëti'ipë ja Israel ja'ayëty të tmëmintën ets tyajtso'onta'aktëty ja tuunk ma ja tsajptëjk kyoja'anyën. E ja Israel ja'ayëty ni'ikyë tmëmiin'ëtë'ëtstë ja ayajk ako'onën winjëpom.

Éxodo 35:29

Tëkokyë yë ja'ayëty ye'etyëjk to'oxytyëjkpë ojts ja jyot wyinma'any y'ëwa'atstë ets pyutëkëja'antë ma ja tuunk jam y'ityën, mëti'ipë ja Moisés ojts ja Tios tyuk'ëne'emyën, mëët ja ayajk ako'onën mëti'ipë myëmiintën, jëtu'un ojts tyaktë tä ënäty ja jyot wyinma'any y'ëna'antën.

2 Corintios 8:12

E pën winë aaw winëjot yoxäämpy ja myeeny, kyëwentëpëkäämpy ja Tios wi'ix pën myëtä'äkyën, Tios ka'ap pën t'amëtoy mëti'ipë ka'ap tii tmëëtëtyën.

Salmos 110:3

Yë mnaax mkajpn mëj'äämpy mpëjkta'aka'anyë jä'ä xëëw ma ënäty ja mmëtsip xymyëmëtä'äkyën jam tsipjotm. Jëtu'un xëmë mnäjyawëtëty tä jeexyë m'ëna'kën winjëpom tä yë maanik kyä'äyën jopyëp jam tunkëjxm.

Esdras 3:3

Ja wintsë'këntyakn mëti'ipë ojts tkojtën ta'tspëky ojts yajxon tyaj'oyëtë, këtiipë ja mëtsip tjitëty, jopy ux ijty tyaktë ja wyintsë'kën nino'oky nixämpyë.

2 Crónicas 3:1

Ënät ja Salomón ojts ëka'any tkojtso'ontä'äky ja tsajptëjk, mëti'ipë ja Wintsën tyukmëyoxäämpyën jam Jerusalén, ma nikopkën mëti'ipë yajtijpën Moriah, ma Wintsën ojts tëkok tmëkäjpxyën yë David, Salomón yë tyeety; jam it ma David ojts tnikäjpxyën ko jam ja tsajptëjk nëjkx jëna'a yajkojy, ma ënäty jam Ornán ja tsajpmok tyajpajk'atyën, mëti'ipë jepusejë ja'ayën.

1 Crónicas 22:1

Paaty y'ënäny yë David: Yaa jëtu'un y'itëty yë Tios ja tsyajptëjk mëti'ipë Wintsën'ajtpën ets ja wintsë'këntyakn ma ja Israel ja'ayëty tyaktëty ja jyëyujk'ooky nino'okpyë.

1 Crónicas 21:18

Ënät ja Wintsën ja kyukäjpxy t'ënëmaay ja Gad ets nëjkx t'ënëëmë ja David wä'än tu'uk yë Wintsën yë wyintsë'këntyakn tyajkojy jam ma Ornán kyamjotmën ma ja tsyajpmok tyajpajk'atyën.

Éxodo 25:2

Ënëëmë yë Israel ja'ayëty wä'än tyajmuktë yë ayajk ako'onën mëti'ipës xymyo'otëpën. Ko xyaktëty ya'atë ayajk ako'onën yam n'amëtoyësën, jä'ä xyaktëty kë'ëmtsojkën ets winë aaw winëjot.

Esdras 2:67

taxk mëko'px ja i'px majkmokx ja jëku'ux jëyujk ets tëtujk mil ja wëxtujk mëko'px ja i'px ja krukts.

Esdras 2:69

Ets ojts mayjyä'äy t'ayajkëpë jëtu'un tä ënäty nijä'äjaty tim y'a'ixëtën kë'ëm, taxk mëko'px ja majkta'px tuktujk kilë ojts pu'ts pujxn yajkijpxmuky, mäjtsk mil ja wëxtujk mëko'px ja wëxtyikxy majk ja poop pujxn yajtëëymyujky, ets mëko'px ja teety wit.

Éxodo 35:21

E mëti'ipë ojts ja jyot wyinma'any y'ëna'antë ets winë tyaka'antë, kanaakpëky ojts winë tjantymyëmintë ma ja Tiosën, ja mëti'ipëjaty ënäty tunaanpën ma kyoja'anyën ja wit tëjk ma ja näpyaatë y'itëtyën ets tëkokyë mëti'ipë mëyajtpën, näjyëtu'un ja wit tujkxy.

Esdras 9:9

Oy ëëts tyam ja'ay je'eyë xy'ëkyajmëtuntë mijts ka'apës xy'ëxmatstë; tëëjës mijts xytyuk'ixtë ja m'oyjot m'oywyinma'any ma ja yajkutujkpëtëjkën Persiaja'ayëty, tëëjës ja juukyajtën xymyo'otë ets ja mtsajptëjk jatëkok ëëts nkoj'oyëtëty ma ënäty taj xit yajpaatyën. Mijts ëëts të xy'ijx'it të xykyëwent'atë jam Judá ets Jerusalén.