Esdras 10:8 - Biblia Mixe de Quetzaltepec

⁸ Ets ojts tkäjpxy'atë ko pën ka'ap t'aminë ja ye'eymyujkën, yajpëjkëp ja tsyënaaytyakn ets yaj'ëxwopëp ma ja naax kajpnën mëti'ipë ënäty të tjapaatyën jatëkok.

Biblia Dc en Mixe de Quetzaltepec

⁸ Ets ojts tkäjpxy'atë ko pën ka'ap t'aminë ja ye'eymyujkën, yajpëjkëp ja tsyënaaytyakn ets yaj'ëxwopëp ma ja naax kajpnën mëti'ipë ënety të tjapaatyën jatëkok.

Esdras 10:8 ပူးပေါင်းရင်းမြစ်များ

Esdras 7:26

Pën ka'ap tpatuny ja Wintsën ets ja yajkutujkpë ja y'ënä'ämën, wä'än t'ooky, ëkë wä'än tyaj'ixkexy, wä'än tkuyäky ëkë wä'än tyajtsumy.

1 Corintios 5:13

E miitsëty mpaat'ajtëtëp xypyaye'eytyëty mëti'ipë mëpëjktëpën, yajpëtsëmtë ya'atë pokyjyä'äy mëti'ipë jap ma miitsëtyën.

Juan 16:2

Nëjkxëp myaj'ixkäxtë jap tsajptëkoty ets nëjkxëp ja'ay myaj'ookëtë ets jëtu'un nëjkx myäytyë tyajtë ko Tios myëtuuntëp.

Juan 9:34

Ënät t'ënëmaaytyë: Mijts pokyjoty të mëxu'unk'aty, ¿ka'ap tjëkyepy xyaj'ijxpëktëtyës? Ets t'ixkäjxtë jap tsajptëkoty.

Juan 9:22

Jëtu'un ja tyaak tyeety ojts y'ëna'antë jä'ä ko tsyë'ëkëtë, tëë ënäty ja jutiis ja'ayëty tkäjpxy'atë ko ka'ap tkupëka'antë jap tsajptëkoty tu'kë'ëyë mëti'ipë ënantëpën ko Jesús yë'ë Kristë.

Mateo 18:17

Ets pën ka'ap näjyëtu'un yajmëjpëjkta'aktë, ënëëmë ja mëpëjkpëtëjk ma ye'eymyuktën. E pën kajts näjyëtu'un yajmëjpëjkta'aktë, jëtu'un tääpë ja'ay nëjkx xyajnajxnëtë tä mëti'ipë ka'ap myëpëkyën, ëkë ijxtëm ja yajkukëpäjtpëtyën mëti'ipë Roma myëtuuntëpën.

Nehemías 13:3

E paaty ko tmëtoowtë jëtu'unpë ja aaw ayuk ënätyë ojts ëpëky timy pëjktaktaaykyojtë ja ja'ayëty mëti'ipë mëët tsyënaaymyuktën ja tääpë ja'ayëty.

1 Samuel 11:7

Tääts mäjtsk yë tsajpkaa tyaj'o'ky ets tukpujxëtyääy, ojts tkäjxwä'kxy ma tëkokyë ja it naaxwiinyëtë tnitänën ja Israel kajpn. Ets ja kukäjpxyëty y'ëna'antë: Jëtu'un yajtunëty ja jyëyujk tsyajpkaa ja ja'ay mëti'ipë ka'ap tpuwa'akën ja Saúl ets ja Samuel. E komë ja ja'ayëty ojts ja tsë'ëkë tyuktëjkëtya'ajëtë, poj'am myujktaaytyë ets tpuwa'këtyë ja Saúl ets ja Samuel.

Jueces 21:5

Ets aakyë'ë nyäyajtëëwëtë, ¿Ma ëëtsajtëmën, pën ka'ap të y'otsy jam Mizpá ma ja nätyu'ukmukë të y'ityën? Jam Mizpá tëë ënäty jam tkäjpxy'atë, ko pën të kya'otsyën ma ja nätyu'ukmukë të y'ityën yaj'ookantëp.

Josue 6:19

Yë'ë tëy ja pu'ts pujxn, poop pujxn, tsuxkpujxn ets juunpujxn nëjkxëp yajpëjkë'ëky ets jap yajpëjkta'akëty ma ja apëjkënën ma ja wit meeny nyipetyën mëti'ipë ja Tios jyä'ä'ajtypyën.

Levitico 27:28

Pën tu'uk yë ja'ay tyukmëyoxäämpy yë Tios oytyiijëty, mëti'ipë myëët'ajtypyën, wä'än yë'ëjëty: yë ja'ay, jëyujk tsajpkaa, ëkë naax kam mëti'ipë näkyumayë'ajtpën, yë'ë ka'ap yë tjëkyepy yajtookëty, ëkë yajjuupyëtsëmëty. Tëkokyë mëti'ipë ënäty yë Tios të yajtukmëyoxyën, wa'ats yë nëjkx wyë'ëmtaaynyë.

Esdras 10:7

Ënät yajmëkajpxmujktaaytyë ja ja'ayëty jam Judá ets Jerusalén, ets ye'eymyuktëty jam mëti'ipë të wyimpitën jatëkok nyaaxjoty kyajpnjoty ma ëxwopy ixkexy të y'itën.

Esdras 10:9

Paatykyëjxm ja Judá ja'ayëty ets Benjamín ja'ayëty jam nyiye'eypyäjtaaytyë Jerusalén ma y'i'px anyën ja mëtaxtujk po'opë, ma tyëkëëkxëëwpetyën jëtu'un tä ënäty të t'awitstën ja xëëw ma ye'eymyuka'antën. Aakjam ja'ay nyaaxwä'tstaaytyë tsajptëjk'ëkë'ëm, aak tsëtyuuytyëp ja ja'ayëty mëët ja jotmay ets mëët ja nëë tuu näjyëtu'un.

Nehemías 13:28

Ojtsës nyajke'eky tu'uk yë myaank yë Joiadá, teety kyopk Eliasib yë myaank, yë'ë myë't yë Sambalat Horonaim ja'ay.