Esdras 10:2 - Biblia Mixe de Quetzaltepec

² Ënät ja Secanías, Jehiel yë myaank, Elám y'u'unk y'ok wya'akë'ky ets t'ënëmaay ja Esdras: Tëyajtën yë'ë ko ëëtsëty ka'ap oy ja Wintsën të nwinkutsë'ëkëtës, jä'ä ko ëëtsëty tëë mëët ja to'oxytyëjkëty mpëjknëtës n'uknëtës, mëti'ipë ka'ap nja'ay'ajtëmën ets ka'apë t'ëwtatën ja nTios'ajtëmë, je'eyëp ko ka'ap ënät ntimy ëna'anmëty tëë winë tyima'ta'ay, ka'ap, jaaktam'ajtpnëm ja nitsokën ets ja Israel ja'ayëty ëwaatsë'ajtën tpaatëty.

Biblia Dc en Mixe de Quetzaltepec

² Ënet ja Secanías, Jehiel yë myaank, Elám y'u'unk y'ok wya'akë'ky ets t'ënëmaay ja Esdras: Tëyajtën yë'ë ko ëëtsëty ka'ap oy ja Wintsën të nwinkutsë'ëkëtës, jä'ä ko ëëtsëty tëë mëët ja to'oxytyëjkëty mpëjknëtës n'uknëtës, mëti'ipë ka'ap nja'ay'ajtëmën ets ka'apë t'ëwtatën ja nTios'ajtëmë, je'eyëp ko ka'ap ënät ntimy ëna'anmëty tëë winë tyima'ta'ay, ka'ap, jaaktam'ajtpnëm ja nitsokën ets ja Israel ja'ayëty ëwaatsë'ajtën tpaatëty.

Esdras 10:2 ပူးပေါင်းရင်းမြစ်များ

Nehemías 13:27

Paatykyëjxm ka'ap tjëkyepy yaj'ëwa'atsëty ets miitsëty ni'ikyë nTios'ajtëmë xyjyaaktimyëtëkoytyëty, ko miitsëty ni'ikyë mpëjktëpëty m'uktëpëty mëët ja to'oxytyëjktëjkëty jaaypyaatëtypë jaaypyo'kxyëtypë.

Esdras 9:2

Yë'ëjëty ets ja y'u'unk y'ëna'këty ye'etyëjkpë tëë pyëjknëtë y'uknëtë mëët ja to'oxy'ëna'këty mëti'ipë tääpë ja'ayëty nyëëx'ajtëpën; tääts jëtu'un ja nätyuktëk nätyukwa'akë y'ijnë mëët tääpë ja'ayëty ka'apë kyunaax'at kyukajpn'atën. Yë'ë jëtu'un ëtëtsnëtëp mëti'ipë ja naax kajpn nyikopk'ajtëpën, tä yë kutuunktëjkëtyën.

Éxodo 34:12

Nitii aaw nitii ayuk mëët tääpë ja'ayëty xykyamëët'atëty mëti'ipë jam tsënaaytyëpën ma mnëjkxtën, këtiipë ëxëëktum myajka'ajëtëty.

Santiago 2:9

Pën win'ixy wiinkexy ja mmëku'uk xytsyoktë, poky ënäty mtuuntëp, ja Tios ja y'ënä'ämën ënäty mmëtëkooytyëp.

Nehemías 3:29

Ma ja teetytyëjkëty t'äkojëtyääytyën, jam ojts tpatsoony yë Sadoc, myaank yë Imer, nän wa'ats tkoj'o'oyëtyääy ja potsy mëti'ipë jam najxpën ma tyëjkën; jam näjyëtu'un tyajtso'ontäky yë Semaías yë jyä'ä, yë Secanías yë myaank, mëti'ipë ijty tëjk ijx'ijtpën tëjkëwent'ajtpën ma ja tëjk'aaw yajpaatyën xëëwpëtsëmtsyowpë.

Esdras 10:26

Ma ja Elám ja y'u'unk y'okën: Matanías, Zacarías, Jehiel, Abdí, Jeremot ets Elías.

Nehemías 7:34

ja wiink Elám ja y'u'unk y'ok jä'ä nyiwinë'ajtë mil ja mäjtsk mëko'px ja wëxtyikxy myajkmäjtsk;

Nehemías 7:12

ja Elám ja y'u'unk y'ok, tu'uk mil ja mäjtsk mëko'px ja wëxtyikxy majkmäjtsk;

Esdras 2:31

ja wiinkpë Elám jä'ä y'u'unk y'ok nyiwinë'ajtë tu'uk mil ja mäjtsk mëko'px ja wëxtyikxy taxk;

Esdras 2:7

yë Elám y'u'unk y'ok, jä'ä nyiwinë'ajtë mil ja taxk mëko'px ja wëxtyikxy majkmajkts;

Esdras 8:7

Jesaías, myaank yë Atalías, y'u'unk y'ok yë Elám, mëët nitëkë'px majk yë ye'etyëjktëjk;

Esdras 9:1

Ko ya'atë y'ëkkëjxy y'ëknajxy, ënät ojts ja mëjja'aytyëjk xynyimintës ets xy'ënëmaaytyës: Yë Israel ja'ayëty ets näjyëtu'un yë teetytyëjkëty ets Leví ja'ayëty je'eyëm yowë mëët ye'eymyuk nyajxmuktë yë Canaán ja'ayëty, Hit ja'ayëty, Ferez ja'ayëty, Jebús ja'ayëty, Amón ja'ayëty, Moab ja'ayëty, Egiptë ja'ayëty ets Amor ja'ayëty, jya'ijxtëp ko tääpë ja'ayëty ka'ap oy nyëëye'ey tyu'uye'eytyë.

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.