Esdras 1:9 - Biblia Mixe de Quetzaltepec

⁹ Ya'atë ojts yajmëtyoy: i'px majk a'ukën aak pu'ts pujxn, tu'kmil ja a'ukën aak poop pujxn, i'pxtaxtujk yë tsujkn.

Biblia Dc en Mixe de Quetzaltepec

⁹ Ya'atë ojts yajmëtyoy: i'px majk a'ukën aak pu'ts pujxn, tu'kmil ja a'ukën aak poop pujxn, i'pxtaxtujk yë tsujkn.

Esdras 1:9 ပူးပေါင်းရင်းမြစ်များ

Mateo 14:8

Ja kiixy tëë ënäty ja tyaak y'akajpxëty, ënät t'ënëmaay ja Herodes: Yaa xyakëty texyjoty ja Juan Yajnëëpäjtpë ja kyëpajk.

Esdras 8:27

ëpëky i'px ja a'ukën aak pu'ts pujxnëpë mëët y'oytyunyëtyën, tuktujk kilë jye'emtyëty ets mäjtsk käpy ja ukypyujxn tsowpë, jëtu'unpë tä pu'ts pujxnën.

2 Crónicas 24:14

Ko tyaj'o'oyëtyääytyë ënät ja meeny ojts tmënëjkxtë ma ja yajkutujkpën mëti'ipë ënäty të nyatëkën, ja mëti'ipë ënäty të nyatëkën yë'ë ojts mëët tyajkojtë ja apëjk atu'unën mëti'ipë jap itëpën ma Wintsën ja tsyajptëjkën, mëti'ipë tunëpën ko ënäty ja kajpxta'ak y'ity ets ko ënäty ja wintsë'kën yajyäky mëti'ipë no'oky xämyën, ojts tyajkojtë ja mëj jä'pn ets ja wiinkëtypë ja apëjk atu'unën. Ja wintsë'kën no'okpyë xämpyë xëmë ijty tyaktë mapaat jyuuky'äjtyën ja Joiadá.

2 Crónicas 4:11

Hiram yë'ë ojts tyajkojy ja tu'ts, ja jä'pn ets ja a'ukën mëjjatyëtypë; jëtu'un tyaj'apatëy ja tyuunk jap ma ja Wintsën ja tsyajptëjk kyojyën, mëti'ipë ënäty mëët ja Salomón të tkäjpxy'ätyën.

2 Crónicas 4:8

Ojts tyajkojy majk yë kaaypyäjn ets jap tsajptëkoty tpëjktäky; mëkoxk a'oytsyow ets mëkoxk anajnytsyow. Yaj'o'oyëy majk mëj'a'ukën mëti'ipë aak pu'ts pujxn mëët y'oytyunyëtyën.

1 Reyes 7:50

ja a'ukën, ja jëënjä'pn, ja tojkxjä'pn ja jëëntsijtk ets tëkokyë winë mëti'ipë ënäty ja pu'ts pujxn mëët y'oytyunyëtyën. Näy pu'ts pujxn ënäty mëët y'oytyunyëty ja pujxn mëti'ipë ja tëjk'akaj wyo'on'ijtypyën ma ja wa'atspë tëkotën, mëti'ipë jap tëkotyowën ets yë'ëpaat ja mëjtsajptëjk ja tyëjk'aaw.

Números 7:13

Yë'ë ojts tyäky tu'uk yë poop pujxn texy. Jä'ä jye'emtyëty tu'uk mil ja taxk mëko'px ja i'px majk nikonë ets tu'uk yë mëj poop pujxn a'ukën, mëti'ipë je'emtyën wëxtujk mëko'px ja tëkë'px majk nikonë. Jä'ä ja kijpxën yajtuuntë mëti'ipë jap ijtpën ma ja Tios ja wyittëjkën. Ma ja poop pujxntexyën ets ma ja poop pujxn a'ukën ujts ojts tyäky mëët yë tsajpmokway mëti'ipë mëët tyijjëtityëtyën ja on ets yë'ë y'ayajkën'at ako'onën'atëty ma ja aaypyajk ujtspajk yajyäkyën,

Esdras 1:10

Ko yajmëtyoowtaay, jä'ä wyinë'ajty ja pu'ts pujxn ets ja poop pujxn mëkoxk mil ja taxk mëko'px.

Esdras 8:26

Ojts yajtëëytyä'äy jënu'un jye'emtyëtyën ets yajkë'ëmooytyë I'px tu'uk mil ja taxk mëko'px ja wëxtyikxy majk kilë ja poop pujxn, mëko'px pëky ja apëjk atu'unën ets tëkëëk mil ja tëkëëk mëko'px kilë ja pu'ts pujxn;

Esdras 8:30

Ënät ja teetytyëjkëty ets ja Leví ja'ayëty t'ëxajëtyë ja meeny ets ja apëjk atu'unën ets ojts tmënëjkxtë ma ja tsajptëjkën jam Jerusalén.

2 Reyes 25:15

Näyjyëtu'un ja ja'ay mëti'ipë ja tsiptuunpëtëjk tyu'uwinwoopyën; ojts tyajnëjkxta'ay winë mëti'ipëjaty ja pu'ts pujxn ets ja poop pujxn myëët'ajtypyën: Tä ja jëëntsijtkën ets ja mëj'a'ukënëty.