Esdras 1:8 - Biblia Mixe de Quetzaltepec

⁸ Ja yajkutujkpë Ciro yë'ë winë tyukë'ëtëjkëtyääy ja Mitrídates je'eyë tmëtyooy ets tyajknajxy, ja Sesbasar myooy, mëti'ipë ja Judá ja'ayëty wyintsën'ajtëpën.

Biblia Dc en Mixe de Quetzaltepec

⁸ Ja yajkutujkpë Ciro yë'ë winë tyukë'ëtëjkëtyääy ja Mitrídates je'eyë tmëtyooy ets tyajknajxy, ja Sesbasar myooy, mëti'ipë ja Judá ja'ayëty wyintsën'ajtëpën.

Esdras 1:8 ပူးပေါင်းရင်းမြစ်များ

Esdras 5:14

Tëës näjyëtu'un nyajtukmëmëtya'aktës ko ja yajkutujkpë Ciro ojts jatëkok jap tjuuty ma ja Babilonyë ja tsyajptëjkën ja pu'ts pujxn ets poop pujxn mëti'ipë ënäty ja Nabucodonosor të tyajpëtsëmyën ma ja tsyajptëjkëtyën ja Israel ja'ayëty jam Jerusalén ets tukë'ëtëjkëy yë Sesbasar mëti'ipë ënäty yajkutujkpën.

Hageo 1:14

Jëtu'un'äämpy ojts yë Wintsën tyajjotmëktä'äky yë Zorobabel jatëkok, mëti'ipë jam Judá yajkutujkpën, tääts ja Josué, mëti'ipë nyikopk'ajtypyën ja teetytyëjkëty ets nitëkokyë ja ja'ayëty; e ma y'i'px majktaxk anyën ja mëtëtujk po'opë ma mëmäjtsk jëmëjt yajkutukyën ja Darío, jää ojts tkojtso'onta'aktë ja Wintsën ja jyëën tyëjk, mëti'ipë Tios'ajtpën mëti'ipë maaytyääyëpën winë.

Hageo 1:1

Ma ja Darío mëmäjtsk jëmëjt yajkutukyën, ma tyu'uk anyën ja mëtëtujk po'opë. Ojts yë Wintsën mëët yë Hageo käjpxynyajxpë tmëkäjpxy yë Judá yajkutujkpë, mëti'ipë xyëëwajtypyën Zorobabel, Salatiel yë myaank ets Josué mëti'ipë nyikopk'ajtypyën yë teetytyëjk, yë Josadac yë myaank.

Esdras 5:16

Tä ja Sesbasar tjanty yajtso'ontäky ja tuunk, tä tnitajëy ja tsajptëjk ja nyipotsy'ëjx; tyampaat yë'ëtsën ëëts ntuunk'ajtëp, ka'anëm y'o'oyëtyä'äynyëm.

Esdras 1:11

Aakyë'ë myënëjkxtaay yë Sesbasar, ko wyinpijnëtë jam Jerusalén, ma tsyo'ontën jam Babilonyë, ko ojts yaj'ëxmajtsnëtë.

Jeremias 51:44

Ntëytyunäämpyës yë tios Bel mëti'ipë jamën Babilonyë, ntuk'ix'ëëtsäämpyës jatëkok mëti'ipë të tjë'kxyën, ka'ap nëjkx yë naax kajpn y'ëknimiinënë. Tëë jyijta'ay kyëtaawta'ay ja potsy mëti'ipë ja Babilonyë kajpn të tnapots'atyën.

Esdras 2:2

Ja ja'ayëty mëti'ipë pyatso'ontën ja Zorobabel, jä'ä xyëëwajtëp: Josué, Nehemías, Seraías, Reelaías, Mardoqueo, Bilsán, Mispar, Bigvai, Rehúm ets Baaná. Ya'atë ja'ayëty aakyë'ë y'u'unk y'ok yë Israel.

Esdras 5:2

Ënät ja Zorobabel, Salatiel myaank ets Josué, Josadac myaank tyëjkëtyë tuunpë ets jatëkok tniwa'këtyë ja tsajptëjktuunk jam Jerusalén, e ja Tios ja kyäjpxynyajxpëtëjk jä'ä jam tyimmëët'ajtyp ets tputëkë.