Esdras 1:4 - Biblia Mixe de Quetzaltepec

⁴ E pën tso'ontëp ma ja nyaax kyajpnëtyën ma tyam y'itën, wä'än ja myëjëën myëtëjk tputëkëtë mëët ja wit meeny, jëyujk tsajpkaa, ets ja ayajk ako'onën mëti'ipë yajtukniyajkëpën ja Wintsën ja jyëën tyëjk jam Jerusalén.

Biblia Dc en Mixe de Quetzaltepec

⁴ E pën tso'ontëp ma ja nyaax kyajpnëtyën ma tyam y'itën, wä'än ja myëjëën myëtëjk tputëkëtë mëët ja wit meeny, jëyujk tsajpkaa, ets ja ayajk ako'onën mëti'ipë yajtukniyajkëpën ja Wintsën ja jyëën tyëjk jam Jerusalén.

Esdras 1:4 ပူးပေါင်းရင်းမြစ်များ

1 Crónicas 29:3

E ëpëky ma winë të nyajmujkpyësën mëti'ipëjaty tunaanpën ma ja Tios ja jyëën tyëjk kyoja'anyën ets mëët ko oyës ntsoky ets ja jyëën tyëjk kyojëty; tyamës ëpëky nyajkpë mëti'ipës kë'ëm ntimyjä'ä'ajtypyën ya'atë pu'ts pujxn ets ya'atë poop pujxn:

Gálatas 6:2

Neypyutëkëtë nixim niyam ma ja ëyo'on jotmayën, jëtu'un'äämpy xypyatuntëty ja Kristë ja y'ënä'ämën.

Hechos 24:17

Koos të njëtity kanaak jëmëjt, ënät jatëkok të nwinpityës jam Jerusalén ets nyaka'anyës ja ëyoopëja'ay ja pyutëjkën, npëjkta'aka'anyës ja yoxy.

1 Crónicas 29:17

Ëjts nija'apës Wintsën, ko mijts wa'ats jot winma'any xy'ixy xynyijawë, yë'ë mtsojkën'ajtyp ets ja'ay winë tëyajtën tunëty. Paaty yam nmo'oy tëkokyë ya'atë winë aaw winëjot. Tyam n'ijxypyës ko yë mnaax mkajpn tyampë yaa yajpaatyën tu'ukmukyë mëët ja jot winma'any oy tsujpë, tëë mtukë'ëtëkëty tëkokyë ya'atë ayajk ako'onën.

1 Crónicas 29:9

Ja ja'ay ojts mëk tukxoonta'aktë, ko ja yajkpë këpäjtpë tmëmintë ja y'ayajk y'ako'onënëty winë aaw winëjot, tukmëyoxtë ja Wintsën. Ja yajkutujkpë David janty jotkujk nyäjya'awëyë.

Éxodo 35:29

Tëkokyë yë ja'ayëty ye'etyëjk to'oxytyëjkpë ojts ja jyot wyinma'any y'ëwa'atstë ets pyutëkëja'antë ma ja tuunk jam y'ityën, mëti'ipë ja Moisés ojts ja Tios tyuk'ëne'emyën, mëët ja ayajk ako'onën mëti'ipë myëmiintën, jëtu'un ojts tyaktë tä ënäty ja jyot wyinma'any y'ëna'antën.

Esdras 1:3

E paatyës yam nyikäjpxy, pën jää yaa pën mëti'ipë jam kukajpn'ajtpën ma Wintsën nyaax kyajpnën, yë Wintsën putëkëtëp ets nyëjkxtëty jam Jerusalén, ma Judá y'itjotmën, ets tkojtëty ja tsajptëjk, ja Wintsën Tsyajptëjk mëti'ipë yë Israel ja'ayëty y'ëwtajtëpën, jä'ä ko tääpë Wintsën yi'iyëm jam kukajpn'ajtp Jerusalén.

Esdras 1:5

Ja kopktëjkëty, Judá ja'ayëty ets Benjamín ja'ayëty, ja teetytyëjkëty ets ja Leví ja'ayëty, mëti'ipë ja Wintsën të myëkajpxëtën, jotkujk ojts nyäyjyawëtë, ënät tuknipëjktakëtyë nyëjkxa'antë jam Jerusalén, ja Tsajptëjk kyoj'oyëjantëp, mëti'ipë ja Wintsën tyëjk'ajtypyën.

2 Crónicas 31:14

Ja mëti'ipë yajtuknipëjkën ets tkëwent'atëty ja tsajptëjk'aaw matsow ja xëëw pyëtsimyën, yë'ë Coré, mëti'ipë ojts näjyëtu'un yajtuknipëkyën tkëwent'atëty ja mëti'ipë ja ja'ay nyayajktëpën jëtu'unyë ets tpëjkwa'kxëty mëti'ipë ja'ay näjyëtu'un myëmiintëpën ets nyätyukuyakëtë ets näjyëtu'un tkëwent'atëty mëti'ipë ja ja'ayëty jä'ä ja Wintsën tyukwintsë'këtyëpën.

Esdras 9:15

Wintsën, Wintsën, mëti'ipë yë Israel ja'ay y'ëwtajtëpën, mijts janty'oy mjot mwinma'any xyajkëxë'ëky ma ëëtsëtyën, mijtsën të xyajkutuky ets ja ja'ay ka'ap tyimkëjxta'ajëty, jëtu'un ijxtëm tyam yaj'ixy yajtunyën. Ëëtsëty tëë nëë poky njanty myëtëkëtës ma mijtsën; paatykyëjxm ka'ap tjëkyepy wi'ix ëëts nyajpaatëtyën ma mijtsën.

Isaías 10:21

Niwäänë nëjkx ja ja'ay jyaak winpitë ma Tiosën.