Efesios 6:9 - Biblia Mixe de Quetzaltepec

⁹ E miitsëty wintsënëty mëti'ipë yajtuunpë tuuntëpën, wintsë'ëkëtë ja mtuunpëtëjkëty, këtii xy'ëtsu'uxya'axtëty. Miits tëë xynyijawëtë ko jëtu'un miitsëty ijxtëm yë'ëjëtyën, tu'ukyë xymyëtuntë ja Wintsën mëti'ipë tsajpjotmën; yë Tios ka'ap pën twiink'ixy, wä'än tmëtuunpë ëkë tkamëtuunpëty.

Biblia Dc en Mixe de Quetzaltepec

⁹ E miitsëty wintsënëty mëti'ipë yajtuunpë tuuntëpën, wintsë'ëkëtë ja mtuunpëtëjkëty, këtii xy'ëtsu'uxya'axtëty. Miits tëë xynyijawëtë ko jëtu'un miitsëty ijxtëm yë'ëjëtyën, tu'ukyë xymyëtuntë ja Wintsën mëti'ipë tsajpjotmën; yë Dios ka'ap pën twiink'ixy, wä'än tmëtuunpë ëkë tkamëtuunpëty.

Efesios 6:9 ပူးပေါင်းရင်းမြစ်များ

Colosenses 3:25

Mëti'ipë ja ëxëëkpë tyuuntëpën, tukupätëtëp ja Tios, jä'ä ko yë'ë paye'epy ijxtëm pyaat'atyën ets yë'ë ka'ap pën twiink'ixy.

Hechos 10:34

Ënät ja Pedro kyajpxtso'ony: Tyamës n'ixy nijawë ko ja Tios tsyojktääpy ja ja'ay ni'ëmukë,

Romanos 2:11

Jä'ä ko Tios, ko pyaye'ey ni pën tka'apupety;

Lucas 6:31

Ijxtëm miits xytsyoktën ets ja ja'ay winë tunëty, näjyëtu'un miits winë tuntë.

Mateo 7:12

Ijxtëm miits xytsyoktë ja'ay mëtunëtëty, jëtu'un ja mmëku'uk mmëtuntë, yë'ë jëtu'unpë tuunk ojts t'antijtë ja käjpxynyajxpëtëjkëty ets ja ënä'ämën tëyajtën.

Deuteronomio 10:17

Jä'ä ko yë Wintsën mëti'ipë miits mTiosajtëpën, yë'ë Tios mëti'ipë ni'ik yë mëj'ajtën myëët'ajtypyën ma wiinkëtypë tiosën ets wiinkëtypë wintsënën. Yë'ë Tios mëjpë mëti'ipë maaytyääyëpën winë ets mëti'ipë kutsë'ëkën, mëti'ipë ka'ap win'ixy winkexy yë ja'ay tsoky tjawën ets mëti'ipë ka'ap yajuyën.

Santiago 2:13

Pën ja myëku'uk ka'ap tpa'ëyoy, näjyëtu'un ja Tios ka'ap pya'ëyowa'anyë; pën ja myëku'uk pya'ëyoopyën, yë'ë ja oyajtën pyatäämpy ko ënäty ja paye'eyën y'ity.

Santiago 2:8

Oy ënäty xytyuntë ko ja Tios ja kyutujkën xypyatuunëtëty ijxtëm ja y'aaw y'ayuk y'ënä'änyën: Tsok ja mmëku'uk ijxtëm kë'ëm mnätsyokyën.

1 Corintios 1:2

Tyamës ja mëpëjkpëtëjk ntuknikäxtë ja noky mëti'ipë ye'eymyujktëpën jam Corinto ets tu'ukyë y'itë mëët ja Kristë Jesús, mëti'ipë ja Tios të yaxtsowëtën ets jyuuky'atëty wa'ats, miits ets ni'ëmukë mëti'ipë ja Jesukristë xyëëw kyajpxpatëpën, ëëts nWintsën'ajtëmë ets näjyëtu'un yë'ëjëty.

Juan 13:13

Miitsëty jä'äs xytyijtë Yaj'ijxpëjkpë ets Wintsën ets tëy jëtu'un m'ëna'antë, yë'ëjës jëtu'unpë ntuunk'ajtyp.

Santiago 5:4

Ja mtuunpëtëjk mëti'ipë ka'ap të xymyëjuytyën, mëti'ipë të tyajpëtë'ëktën ja mpëjktä'äkyëty, yë'ë jëëytyak nu'kxtaktëp ets miitsëty ëxëëk mjatëty mkëpätëty; e tëë ja Wintsën mëti'ipë maaytyääyëpën winë tmëtoy ko jyiiytya'ak nyu'kxta'aktë.

1 Corintios 7:22

Ja ja'ay mëti'ipë ijty mëtuunpën nitooky, najtspëkë ja tyam y'ity jä'ä ko jëtu'un ja Tios të tuknipëjktaakë; ets näjyëtu'un mëti'ipë ijty najtspëkë ijtpën ko ja Tios ojts yaaxtsoyë, Kristë ja tyam myëtuumpy ijxtëm mëtuunpë nitookpyën.

Mateo 24:51

tääts nëjkx tyiytyunyë ets pyëjktä'äkyë ma ja ja'ayëtyën mëti'ipë wiinkë'ëy akë'ëy oyjyä'äy'ajtëpën. Ënät myina'any ja ëyo'on jotmay ma y'ityën ja jë'ëyën yaxën ets ma ja ja'ay ka'ap jeky ja ëyo'on tmëmëtä'äkyën.

Mateo 24:48

E pën tääpë mëtuunpë ëxëëk ja jyot wyinma'any, ets myäyëty tyajëty ko ja wyintsën ka'ap tsyojkwinpita'any

Mateo 22:10

Tääts ja tuunpëtëjk tsyo'ontë ets ojts twoowmujkta'atë mëti'ipëjaty pyatën, wä'än t'oyjyä'äy tka'oyjyä'äyëty. Jëtu'unts ja tëjk y'ujtsy mëët ja ja'ay woypyë witsypë.

Mateo 22:8

Tä t'ënëmaay ja tyuunpëtëjk: Tap y'owxijnë ja ka'ayën ukën, tääpë ja'ayëty mëti'ipë të jyayajwowtën ka'ap nyitëkëtë myintëty.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënäty yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Tios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Daniel 3:15

¿Wi'i m'ëwtatantëp ets mwinkoxtänëjantëp yë awinax mëti'ipës të ni'ënä'ämën ets kyojëtyë ko ënäty ja xuxpë wojpë tyëkëtë xuxpë? Jä'ä ko pën miitsëty ka'ap xy'ëwtatë ya'atë awinax, jap ënät jëëntooytyaknjoty myaj'ajëpipëtëty mëti'ipë jap tyam aanpëjkpën; e ko ënät jap myajpëjkta'aktëty ¿pën tios ënät mnäyajtso'okëtëp?

Daniel 3:6

Pën ka'ap kyoxtänë ets pën ka'ap t'ëwtaty ya'atë awinax, jap nëjkx yajkujëpipë ma jap yë jëëntooytyaknën mëti'ipë jap tyam aanpëjkpën.

Isaías 47:6

Ko ojts ntukjoot'anpëkyës yë nnaax nkajpnës, ojts nkë'ëyäkyës yë nkë'ëmnaax nkë'ëmkajpnës ets ëxëëk yajtun yaj'ënëëmëty, ets ojts npëjktä'äkyës mkë'ëjoty. E mijts ka'ap nijënu'un xypya'ëyooy, ni'ikyënëm ojts ja mëjja'aytyëjk xytyuktsëëmë'ëky je'emtypë tsëmy kë'ëy.

Eclesiastés 5:8

Këtii xytsyë'ëkëty ko muum ma naax ma kajpnën o'ktëy yajtunëty yë ëyoopëja'ay ets je'eyë yajwop yajka'atsëty jëtu'un tä jeexyë yajnipaye'eyën ets ijxtëm jyapaatë'atyën, jä'ä ko tu'uk yë yajkutujkpë tyuunpy winë ëxëëk ijxtëm yë jyot wyinma'anyën jä'ä ko tam yë mëj wintsën tmëëtëty mëti'ipë kuwanëpën ets yu'tsëpën ets mëti'ipë yu'tsëpën nän tam tmëëtëty mëti'ipë näjyëtu'un kuwanëpën.

Salmos 140:12

Ëjts wa'atsës nnijawë ko yë Wintsën nyipaye'epy yë ëyoopëja'aytyëjk ets pyutëjkëp yë ja'ay mëti'ipë moonp tujkpën.

Nehemías 5:5

Jëtu'un tä ëëtsëtyën ets ja wiinkëtypë ja njëëky nmëku'ukëtyës tu'ukyë ëëtsëty; ja n'u'unk n'ëna'këtyës ka'ap ja tyëkatsy'ajtëpë mëët ja y'u'unk y'ëna'këty. E ëëtsëty yë'ëjës wiink nja'awëtyëp ko ja n'u'unk n'ëna'këtyës yä'äy'ëna'kpë to'oxy'ëna'kpë je'eyë myëtuun kyupëjknëtë. E ëëtsëty tiijës n'ëktuunta'aktëp kaka'atpën tii, ja nkam ntu'ujëtyës aak wiink ja'ay ja tyam jyä'ä'ajtaaynyëtëp.

1 Samuel 15:17

Tä ja Samuel y'ënëmaayë: ¿Ti këtiijën ënäty mnätyijyë ko mijts ka'ap tii xykyëjxmëtyë? tyam ënä'ämpë myajpatnë ma Israel ja'ayëtyën, ko ja Wintsën mpëjktakë ets myajkutukëty.

Levitico 19:13

Këtii yë mmëku'uk ëxëëk xytyunëty xy'ënëëmëty ets ni xykyapëjkëty mëti'ipë yë'ë jyä'ä'ajtypyën. Këtii xytyuk'ëwxitëty yë mtuunpë myëju'uny tu'kxëëwpaaty.

Job 34:19

Yë'ë ka'ap tpukajpxë yë yajkutujkpëtëjk ets ka'ap yë kumeenyjyä'äytyëjk ni'ik tputëkë këtiinëm yë ëyoowpëja'aytyëjk, jä'ä ko yë'ë yajkojtaay wä'än tpënëty.

Colosenses 4:1

Ets miitsëty, wintsënëty wintajëty, yajxon mja'ay'atëty; najtsjawën'äämpy mja'ay'atëty mëët ja mtuunpëtëjkëty. Ja'amyätstë ko miitsëty tap tu'uk ja mwintsënëty tsajpjotm.