Efesios 6:5 - Biblia Mixe de Quetzaltepec

⁵ Miits mëtuunpëtëjkëty nitookpyë, mëtoow'itë yë mwintsënëty naaxwiinypë. Mëtuntë mëët yë wintsë'kën ets tëyajtën ijxtëm jeexyë xymyëmëtuntën ja Kristë.

Biblia Dc en Mixe de Quetzaltepec

⁵ Miits mëtuunpëtëjkëty nitookpyë, mëtoow'itë yë mwintsënëty naaxwiinypë. Mëtuntë mëët yë wintsë'kën ets tëyajtën ijxtëm jeexyë xymyëmëtuntën ja Kristë.

Efesios 6:5 ပူးပေါင်းရင်းမြစ်များ

Efesios 5:22

To'oxytyëjkëty pëkpyë, myëmëtowëp ja nyiye'etyëjk, jëtu'un ijxtëm jeexyë yë'ë tmëmëtowtën ja Wintsën.

Malaquías 1:6

Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?

1 Pedro 3:2

ko ënäty t'ixtë wi'ix miits ja Tios xywyintsë'ëkëtë ets wa'ats aaw wa'ats jot mja'ay'atë.

Filemón 1:16

je'eyëp ko ka'ap y'ëkjëtu'un'ajnë ijxtëm ijty nyitookyëtyën, Wintsën xyëëwkyëjxm xymyëku'uk'ajnëty, mëti'ipë ni'ik tsoowpatpën. Mëkës yë'ë ntsoky njawë, e mijts ni'ik mëpaat xytsyoky xyjyawë, ka'ap jye'eyëty ko nyaaxwiinyëtë ja'ayëty näjyëtu'un ko yajmëkä'äx'aty ko ja Wintsën të tmëpëky.

Filipenses 2:12

Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Salmos 86:11

Mijts Wintsën, tukni''ijxëkës yë mnë'ë mtu'u etsës yë'ë tu'ukyë npaye'eyëty. Mijts m'a'ixëp ets njot nwinma'anyës y'ëwa'atsëty, täätsës nmëjpëjkta'akëty yë mxëëw.

2 Corintios 1:12

Nmëët'ajtëpës ja mëk'ajtën ets mëj këjxm näyajnaxëtëtyës, yë'ë ko näjya'awëtëpës koos oy njuuky'atë yaa naaxwiiny ets oyës ja jot winma'any të nyajkëxë'ëktë ma miitsëtyën. Ka'apës yë'ëjëty yë naaxwiinyëtë wijyajtën të nyajtuntë, Tios yë mëyajtën të tuny etsës oy njuuky'atëty.

1 Corintios 7:22

Ja ja'ay mëti'ipë ijty mëtuunpën nitooky, najtspëkë ja tyam y'ity jä'ä ko jëtu'un ja Tios të tuknipëjktaakë; ets näjyëtu'un mëti'ipë ijty najtspëkë ijtpën ko ja Tios ojts yaaxtsoyë, Kristë ja tyam myëtuumpy ijxtëm mëtuunpë nitookpyën.

Mateo 8:9

Jä'ä ko ëne'emyës näjyëtu'un n'ity maas ja nwintsënënm, ets ëjts nän tamës yë ntsiptuunpëjk mëti'ipës n'ëne'empyën. Koos nitu'uk t'ënëëmë nëjkx, tääts nyijkxy; ets koos nitu'uk n'ënëëmë min, tääts myiny; ets koos ja ntuunpë tii ntuk'ëne'emy, tyuunpy jä'ä.

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Tios xymyëtuntëty ets näjyëtu'un mkumeeny'atantëpëty.

Génesis 16:9

Tä ojts ja Tios kyukajpxpë y'ënë'ëmxëty: Wimpit jatëkok ma të mtsoonyën, ma mwintajën Sarai tyëjkën ets mëmëtow, pën tii mtuk'ënä'ämëp.

Efesios 6:24

Wä'än ja Tios mkënu'kxëtë ni'ëmukë miitsëty mëti'ipë mtsojktëpën ja Wintsën Jesukristë mëët ja tsojkën ja'awën xëmëpë y'ityën.

Salmos 123:2

Mëët yë waantakën nu'kxtakën jam nkëx'ixtës ma Tiosën mëti'ipës nWintsën'ajtëpën, jëtu'un tä tu'uk yë mëtuunpë twintë'kxyën yë wyintsën, ets jëtu'un tä tu'uk yë to'oxytyëjk twintë'kxyën yë wyintaj, n'a'ix njëjp'ixtës etsës xypya'ëyow xynyajts'ëyowëtëty.

1 Crónicas 29:17

Ëjts nija'apës Wintsën, ko mijts wa'ats jot winma'any xy'ixy xynyijawë, yë'ë mtsojkën'ajtyp ets ja'ay winë tëyajtën tunëty. Paaty yam nmo'oy tëkokyë ya'atë winë aaw winëjot. Tyam n'ijxypyës ko yë mnaax mkajpn tyampë yaa yajpaatyën tu'ukmukyë mëët ja jot winma'any oy tsujpë, tëë mtukë'ëtëkëty tëkokyë ya'atë ayajk ako'onën.

Josue 24:14

Mëët tu'kë'ëyë ya'atë mëti'ipë yë Wintsën të tunyën, wintsë'ëkëtë ënät ets mëtuntë winë aaw winëjot. Ixmatstë yë wiink tios mëti'ipë yë m'ap m'ok y'ëwtajtën jam Éufrates mëjnëë'ëkë'ëm ets Egiptë naaxjotm ets mëtuntë yi'iyë tu'uk yë Wintsën tëypyë jaantypë.

2 Corintios 7:15

Ets Tito mtsojkëtëp tyam wäänëni'ik ko tja'amyetsy ko miits xymyëmëtowtë ets ko mëët ja wintsë'kën ojts xykyupëktë.

1 Corintios 2:3

Yaj'ayow yaj'ama'at jam nmiinyës ma miitsëtyën ets tsë'ëkë tsë'ëkë.

Hechos 2:46

Jëpom jëpom ijty nyiye'eypyätë ma ja tsajptëjkën ets ma ja tyëjkëtyën ets ja tsajpkääky tujkwa'kxtë ets ijty xoontä'äky kyäytyë y'uuktë yujy tëtä'äky.

Mateo 6:22

Yë wiin yë'ë kutë'kxn'ajtp ma jot nini'kxën. Paaty mijts pën oy ja mwiin, kutë'kxy ja mjot mnini'kx yajpaatëty,

Romanos 9:3

ja ënaanpës ets jeexyë kajpxpoky n'ityës, nmëjëkäm'atyës ja Kristë ets tuk'oy'atëty ja nmëku'uktëjkës, nmëjutiis ja'ayës.