Efesios 6:1 - Biblia Mixe de Quetzaltepec

¹ U'unk ëna'këty mëmëtowtë ja mtaak mteetyëty jëtu'un tä Tios t'oyjawën, jä'ä ko jëtu'un kyutukyëty.

Biblia Dc en Mixe de Quetzaltepec

¹ U'unk ëna'këty mëmëtowtë ja mtaak mteetyëty jëtu'un tä Dios t'oyjawën, jä'ä ko jëtu'un kyutukyëty.

Efesios 6:1 ပူးပေါင်းရင်းမြစ်များ

Proverbios 23:22

Ja'akyukë yë mteety yë y'aaw y'ayuk mëti'ipë të myajyeekyën. Këtii yë mtaak mtsi'tsk jëkäm jëxkë'ëm xypyëjkta'akëty ko ënäty myëjja'ayënë.

Proverbios 6:20

U'unk maay, ijxkuk ja'akyukë mëti'ipë mteety mtukni''ijxëyëpën, këtii xyjyä'äytyëkoyëty mëti'ipë yë mtaak të mtuk'ijxpëkyën,

Proverbios 1:8

U'unk maay, ijxkuk ja'akyukë mëti'ipë mteety mtukni''ijxëyëpën, ets këtii xyjyä'äytyëkoyëty mëti'ipë mtaak të mtuk'ijxpëkyën,

Deuteronomio 21:18

Ko pën yë myaank kyamëtowëty ets kyäjpxykyumëtoownaxëty, oy wi'ix ja tyeety tyaak jya'ënë'ëmxëty ets oy jyatëytyunëtëty ets ni yë'ë tkamëjpëjkta'akëty.

Levitico 19:3

Nitu'ukjaty yë ja'ay mëpaat twinkutsë'ëkë yë tyeety tyaak. Mwinkutsë'ëkëtëp näjyëtu'un yë po'kxënxëëw. Ëjts jëtu'un Wintsën, mëti'ipë miits mTiosajtëpën.

1 Timoteo 5:4

E pën jam ja ku'ooky tyo'oxytyëjk ja y'u'unk y'ëna'k ëkë y'ok u'unk y'ok'ëna'k; yë'ë patëtëp tputëkëtëty ja tyaak ëkë ja nyanwelë, jä'ä ko yë'ë të yajyääk të yajpätëtë ma teety taak të txëëwatën. Jëtu'un ja Tios tukjotkëtä'äky.

Romanos 12:2

Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Tios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Proverbios 30:17

Mëti'ipë ja'ay ja tyeety y'ëxëëk'ijxypyën ets je'eyë ja tyaak tnëxi'iky tukxi'iky ko myëjja'ayënë, tääpë jëtu'unpë ja'ay nitëjkëyëp ets lut tsyu'tspëtsë'ëmxëtëty yë wyiin ets witsn y'awoon y'apotëtëty.

Romanos 7:12

Ko konyë nkajpxa'anmëty, ja ënä'ämën wa'ats, mëtëy ets oy yë'ë.

Lucas 2:51

Tääts mëët wyimpijnëtë jam Nazaret. Jam tsyënaay Nazaret ja Jesús, ets myëmëtoow ja tyaak tyeety. Ja Maria pëjkë'ëky tyaj'ity y'aawjoty jyotjoy wi'ix tu'kë'ëyë winë tyunyë jyätyën.

Job 33:27

Ets y'ëna'ana'any: Tiijës ko të n'ëktuunpë ja ka'apë myëtëyëtyën, e Tios ka'ap të xytyiytyunyës;

1 Pedro 2:13

Mëët yë'ë ko ja Tios xymyëpëktë mëmëtowtë ja kutujkën yaapë naaxwiinyëtën, ijxtëm ja mutsk kutuunkën ets mëjpaatpë,

Oseas 14:9

Mëti'ipë ja'ay wijyën ets këpetyën wyinja'ap ya'atë aaw ayuk: Mëti'ipë yë Wintsën tyu'u'ajtypyën tëy yë'ë, yë wa'ats ja'aytyëjkëty yë'ë jëtu'unpë pyanëjkxtëp; e yë pokyjä'äytyëjkëty ko jää jyaye'eya'antë pojën y'anäpëtë.

Proverbios 30:11

Tää ja'ay mëti'ipë pyojkpyën yë tyeety, ets tyaak ka'ap oy t'ëkmëkajpxnë.

Génesis 28:7

Ko ja Jacob ojts ënätyë nyijkxy jam Padán-aram, ijxtëm ënäty ja tyeety tyaak të y'ënë'ëmxëtyën.

Salmos 19:8

Yë Wintsën yë y'ënä'ämën wa'ats yë'ë, paaty tyajminy yë xoontakën ma jot winma'anyën. Yë Wintsën yë y'ënä'ämën yë'ë mëti'ipë oyën, paaty oy yaj'ixy ko yajpatuny.

Ester 2:20

Yë Ester ka'ap ënäty të tuk'ëwaanë ja yajkutujkpë maa tsyoonyën, pën myëku'uk'ajtypyën ets maa kyunaax kyukajpnëtyën, jä'ä ko jëtu'un ënäty ja jyämy Mardoqueo të y'ënë'ëmxëty ma ënäty yë'ë myëët'atyënëm.

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

Romanos 16:2

Kupëktë yajxon Wintsën xyëëwkëjxm, jëtu'un ijxtëm pyaat'atyën ma nxëëw'ajtëmën mëpëjkpëtëjk. Putëkëtë ma tii tyajmëyätyën, jä'ä ko tëë ja ja'ay may tputëkë, ëjtspaat kë'ëm.

Salmos 119:75

Wintsën, ëjts wa'atsës nnijawë ko yë m'aaw m'ayuk mëti'ipë të xyajwë'ëmyën, wa'ats yë'ë ets mëtëy; mijts tap ja winma'any xymyëëtëty tiikyëjxm koos xyajmony xyajtuky.

Génesis 37:13

Ënät yë Israel t'ënëmaay yë myaank José: Ëk'ix. Yë mmëkä'äxtëjk jam të nyëjkxtë Siquem jëyujkëwent'ajtpë, tsajppax këwent'ajtpë ets kupixyny këwent'ajtpë, e ëjts yë'ëjës ntsojkpy ets xynyinëjkxëty ma jam yë'ëjëtyën. Ënät y'ëtsooy yë José: Oyës nnëjkxëty.

Jeremias 35:14

Yë Jonadab yë y'u'unk y'ok, yë Recab yë myaank, yë'ë pyatuuntëp ja ënä'ämën mëti'ipë ënaanpën ko ka'ap mëpaat yë tsatym nyëë t'uuktë mëti'ipë tëë nyimaanaxyën, jä'ä ko jëtu'un ja y'aptëjk ojts tni'ënä'ämë. Ëjts nän tëë miitsëty yë ënä'ämën njamo'otë kanaak ok, je'eyëp ko ka'ap të xypyatuntë.

Nehemías 9:13

Ko jam jyajtë ma ja tun kopk txëëwatyën Sinaí, jam xynyijënäjky ets mëët mkäjpxy mmëtyäky; ojts xymyo'oy ja aaw ayuk oypyë ets ja ijxpëjkën mëtëypyë ets ja ënä'äm ja kutujkën mëti'ipë jaantyëtypë.

1 Samuel 17:20

Komjëpom ja David ojts tsojk pyëtë'kojy ets ja tsyajppax kyupixynyëty wiink ja'ay tuknipëjky, tääts jotkujk tsyo'ony ets ojts tmënëjkxy winë mëti'ipë ja tyeety të tyukë'ëtëkëtyën. Ko jam jyä'äjty ma ja tsiptuunpë y'ijta'aktën, tam ënäty tyimtsoontë ja tsiptuunpëtëjk, janty jëtu'un yaxnëtë jyojknëtë.

Salmos 119:128

Paaty yë'ë nnätyuktu'uwinwoyës yë m'ënä'ämën mtëyajtën, n'ëxëëk'ijxypyës yë tu'unën kajpxën ëxëëkpë.

Rut 3:5

Tä ja Rut y'ëtsooy: Oy'atëp, ntunäämpyës ijxtëm yam të xynyikäjpxyën.

Jeremias 35:8

Ëëtsëty yë'ë nmëmëtoowtëpës ets ntuuntëpës mëti'ipë ojts yë n'ap n'okëtyës Jonadab xytyuk'ënä'ämtën, paaty ka'ap nijëna'a n'uuktës yë tsatym nyëë mëti'ipë tëë nyimaanaxyën, ëëtsëty ets nto'oxytyëjkëtyës ets n'u'unk n'ëna'këtyës ka'apës tääpë tsatym nyëë n'uuktë,

Jeremias 35:18

Ojts näjyëtu'un yë Jeremías t'ënëëmë yë Recab ja'ayëty: Yë Wintsën mëti'ipë maaytyääyëpën winë, mëti'ipë yë Israel ja'ayëty Tyios'ajtëpën, jëtu'un y'ënä'äny: Miitsëty mëët ko yë'ë xypyatuntë ja ënä'ämën mëti'ipë ja m'ap m'ok Jonadab ojts mtukmëwë'ëmëtën.

Génesis 48:12

Ënät yë José tjëwooy yë myaank, ma ja tyeety yë kyoxën ets nyaaxkooy twinkutsë'ëkë jëtu'un ja tyeety.

Génesis 50:12

Yë Jacob yë y'u'unk y'ëna'k ojts jëtu'un tkuuytyuunta'atë ijxtëm ënäty yë'ë kë'ëm të tni'ënä'ämën ets të t'amëtoyën.