Efesios 5:8 - Biblia Mixe de Quetzaltepec

⁸ Miitsëty jam ijty mjuuky'atë akootstum, e tyam ko m'ijnëtë mëët ja Wintsën jam myajpatnëtë ma tyi'kxy jyäjyën. Jëtu'un winë tuntë ijxtëm ja ja'ayëtyën mëti'ipë yajpatëpën ajajëntuuy.

Biblia Dc en Mixe de Quetzaltepec

⁸ Miitsëty jam ijty mjuuky'atë akootstum, e tyam ko m'ijnëtë mëët ja Wintsën jam myajpatnëtë ma tyi'kxy jyäjyën. Jëtu'un winë tuntë ijxtëm ja ja'ayëtyën mëti'ipë yajpatëpën ajajëntuuy.

Efesios 5:8 ပူးပေါင်းရင်းမြစ်များ

Juan 8:12

Ko ja Jesús ojts jatëkok tmëkäjpxy ja mayjyä'äy, ënät y'ënëmaayëtë: Ëjts kujajp kutë'kxp ma ja naaxwiinyëtën; pën xypyamiinpës, pyaatëp ja të'kxën jajën mëti'ipë yajjuuky'ajtpën ets ka'ap nijëna'a y'ëkyajpatnëty akootstuuy.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Tios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Tios ja kyajpnën jä'äkyëjxm koos xymyëpëktë.

Colosenses 1:13

Tëë ja Tios xyaj'ëwa'atspëtsë'ëmëm ma ja ku'oypyë yajkutukyën ets tëë xypyëjktakëm ma yajkutukyën ja y'U'unk, mëti'ipë ni'ik tsyojkpyën.

Juan 12:46

Ëjts, mëti'ipë kutë'kxp kujajpën, tëëjës nminy yaa naaxwiiny. Pën xymyëpëjkpës ka'ap y'ita'any kupi'its kukoots.

Efesios 4:18

kupi'its kukoots ja jyot wyinma'anyëty. Yë'ëjëty ka'ap tukxoonta'aktë ja juukyajtën mëti'ipë tso'onpën ma Tiosën, jä'ä ko tsuu yajpaatë ets ka'ap tii tjawëtë jyootjoty wyinma'anyjoty.

Juan 12:36

Mëpëktë ja të'kxën jajën ma jää tyam xyjyaakmëët'atën, ets jam yajpaatë ma yë'ëjën. Ko ja Jesús jëtu'un y'ënaantaay tä ojts ye'eytyëkoy.

Isaías 9:2

Ja naax kajpn mëti'ipë ënäty api'its akoots yajpatpën, tëë ja të'kxën jajën tpaaty; ja kupi'its kukootspë ënäty yajpaatyën, tëë ja kyuxëëntyä'äky kyujajtä'äky.

Efesios 2:2

Yë'ë ijty mpatuuntëp ja naaxwiinyëtë ja'ay ja wyinma'any ets ja ku'oypyë mëti'ipë jëtijtpën pojjotm ets tjotmëkmo'oy ja ja'ay mëti'ipë ka'ap tmëmëtowtën ja Tios.

2 Corintios 4:6

Jä'ä ko nän Tios ojts kë'ëm tni'ënä'ämë ets jyää'atëty ja kutë'kxnën akootstum, yë'ëts të tyajjajwä'kxy ja y'ajaj y'atë'kxën ma ja njoot'ajt nwinma'any'ajtëmën ets nnija'awëmëty ja Tios ja myëj'ajt jyääntyajtën mëti'ipë ja Kristë myëët'ajtypyën.

Jeremias 13:16

Yë'ë Wintsën mëjjaw kënu'kxyjyawë maanëm ka'ap tyajminyën ja kootsajtën ets ka'anëm mkunäpëtë akootstuuy jam kopkkëjxm; maanëm ka'ap kootspuknë tyaj'awinpityëm ets tu'ts kujenyën ja jajën të'kxën tyajjaty mëti'ipë miitsëty mjëjp'ijxtëpën.

Tito 3:3

Tëëyëp näjyëtu'un ijty ntsuu'ajtëmë, ka'ap nmëmëto'owëm ja Tios, tëkoy ijty nyajpatëmë. Ja atsojkën ets mëti'ipë ni'ik ntukjotkëtakëmën yë'ë ijty xyaj'ijtëm ijxtëm ja mëtuunpën ëne'empyë y'ityën. Ëxëëk ijty nja'ay'ajtëmë, ntuk'ëxëëk'ijxëm ijty winë ja nmëku'uk'ajtëmë, ëxëëk ijty nyajpatëmë ets ëxëëk näy'ijxëmë xim yam.

Lucas 16:8

Tääts ja wintsën tnija'awëy ko ja tuunpë ka'apë oy myëtunyën, tëë oy tniwijy'äty wi'ix tii tunëtyën. Jëtu'un yë ja'ayëty y'ëtë'ëtstë nyiwijy'ajtëp ja kyë'ëmtuunkëty, ets ni'ik mëti'ipë akootstuuy yajpatëpën këtiinëm mëti'ipë tëë ja të'kxën jajën tpaatën.

Isaías 2:5

Miitsëty Jacob yë y'u'unk y'ëna'k, mintë ets ni'ëmukë nye'eymyujk nnajxmujkmëty ma ja Wintsën ja nyëë'aaw tyu'u'aawën.

Efesios 6:12

Jä'ä ko ka'ap jyä'äyëty mëët ntsiptu'unëm, yë'ë mëët ntsiptuntë mëti'ipë tsajpwinm yajkutujktëpën; kutujkënmëëtpë, mëk'ajtënmëëtpë ets mëti'ipë ënä'ämtëpën ma ja ja'ay tkamëmëtowtën ja Tios.

2 Corintios 3:18

Paaty ëëtsajtëm, ni'ëmukë, ka'ap n'ëkwinkujuuxë'ajtënë, jëtu'un nyajpatëmë tä tu'uk yë ijxnën ma yaj'ixyën ja Wintsën ja myëj'ajt jyääntyajtën, ni'ikyë n'awinpijt'ëtëtsëmë ijxtëm ja Wintsën y'ixëtyën. Jä'ä ko winjëpom npatëm ja Wintsën ja myëj'ajt y'oyajtën, e paaty jyëtu'unëty jä'ä ko Wintsën tyuny mëët ja Kyënu'kxymyëk'ajtën.

Lucas 1:79

ets tkutë'kxa'any mëti'ipë tsënaaytyëpën jam akootstum ma o'ktaknën, jëtu'unts xytyu'umo'omyëty ets jotkujk nyajpatmëty.

2 Corintios 6:14

Këtii xypyuwa'akëtëty ja ja'ay ka'apë myëpëktën. Ka'ap tjëkyepy tu'ukyë yajpaatëty yë mëtëypyë nipaye'eyën mëët yë ka'apë myëtëyëtyën, ëkë të'kxën jajën mëët yë kootspë.

1 Corintios 1:30

Tios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Tios mëët oy nwë'ëmëm, jëtu'unts ja Tios xyjyä'äy'ajtmëty ets najtspëkë n'ijtmëty.

Romanos 2:19

Mnija'ap ko jyëkyejpy xytyuk'ëwaanëty mëti'ipë kyanija'awëtëpën ja Tios ja y'aaw y'ayuk ets tpaatëty ja tëyajtën,

Juan 1:9

Ja kutë'kxn mëtëypyë, yë'ë miin naaxwiiny ets tkutë'kxëty ja naaxwiinyëtë ja'ay.

Mateo 4:16

ja ja'ayëty mëti'ipë ënäty kupi'its kukoots yajpatëpën, tëë ja të'kxën t'ixtë; tëë ja të'kxën t'ixtë mëti'ipë ënäty juuky'ajtëpën tä jeexyë të y'o'knëtën.

Isaías 49:9

ets yaj'ënëëmëty ja tsumjyä'äytyëjk: Pëtsëmtë jap pujxn tëkoty ets mëti'ipë akootstuuy yajpatëpën: Wä'än jëntyuuy tyajpaatë. Ets jam të'ëts'itjotm yajpaataanp ja aay ujts oy tyimmaajëty mëti'ipë ja jëyujk tsajpkaa jyë'kxtëpën.

Gálatas 5:25

Pën jëtu'un ëëts njuuky'ajtëm ijxtëm ja Kënu'kxymyëkajtën tsokyën, nkupëjkëm näjyëtu'un ets ja Kënu'kxymyëkajtën xynyë'ëmo'oy xytyu'umo'omyëty.

Romanos 1:21

Oy ja Tios të tja'ixtë, ka'ap të tmëjjaw të tjaantyjyawëtë ijxtëm ja Tios mëpaat yajmëjpëjktä'äkyën, ni të tkamo'otë ja kukajpxën. Ni'ikyë jëëmpit winë të tuntë, aakjä'ä të tmëmay të tmëtajtë ka'apë tyuunëtyën, jëtu'un ja tsyuuwinma'any të yajwë'ëmëtë ijxtëm ja ja'ay kupi'its kukoots y'ityën.

Isaías 49:6

Jëtu'un yë Wintsën y'ënä'äny: Ëjts ka'apës yi'iyë ntukjotkujk'aty ko xyajtu'ukmukëty yë Jacob yë jyä'äy ets xyajwinpijta'ajëty tëkokyë mëti'ipë të kyäktso'oktën; ëjts yë'ëjës ntsojkpy ets mijts m'itëty ma naax kajpnën tä kutë'kxn kujajnën, ets xymyënëjkxëty ma ja naax kajpnën ja nitsokën ets yaj'ëwaatsëpëtsë'ëmën.

Isaías 42:16

Yë wiintstëjk nyajnëjkxä'ämpyës ma tu'ujën ets ma patu'ujën mëti'ipë ka'ap të t'ixy'atën. Ja kootsajtën, të'kxën jajën nyaj'awinpita'anyës ma yë'ëjëtyën, ja'awjot käätsjot, nyaj'awinpita'anyës. Ya'atë jëtu'un kopkpëky ntunäämpyës.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Tios wintum.

Hechos 17:30

Tios ka'ap ojts tëëyëp tmëjpëjktä'äky oy ja ja'ay ka'ap oy myäytyë tyajtë, tyam yë'ë tsyojkpy, ets tëkokyë ja ja'ay wyimpijta'atëty ma yë'ëjën

Salmos 74:20

Ja'amyäts yë mkäjpxytyu'unën mëti'ipë mtuunën mëët ëëtsëty, jä'ä ko yaa naaxjoty kajpnjoty aak tsip yowë xii yaa muum këxë'knëp ets aakjëtu'un oy tyimmaajëty.

Isaías 50:10

Miitsëty ninaak xymyëjjaw xykyënu'kxyjyawëtë ja Wintsën, ninaak xymyëtoow'itën mëti'ipë ja tyuunpë kyäjpxyp myëtyäkpyën, oy muum mku''ux mkukootsëtë, oy muum mkupi'itsëtë, jam ja mjot mwinma'any pëjkta'aktë ma Wintsënën, yi'iyë Tios tukjotkujk'atë.

Mateo 3:8

Yajxon mja'ay'atëty ets mkëxë'ëktëty ko të mjootwinpitë ma Tiosën,

Juan 12:35

Ënät ja Jesús y'ënëmaayëtë: Jaakyajpaataanp jawäänë ja të'kxën jajën ma miitsëtyën. Naxtë tëkëtë jaaktäänëm ja të'kxën jajën xymyëët'atë ets këtiipë ajotkumonë mkukootsëtëty. Mëti'ipë tu'uye'epyën akootstum ka'ap nijawë maa nyijkx.

Romanos 13:12

Tëë ja tsu'um'it nyajxnë, jëtu'un tyamnë ijxtëm jeexyë xyiinyëjanën, paaty ka'ap n'ëkpokytyu'unënëty, ka'ap n'ëk'ijtënëty akootstuuy; wä'än nyajpatëmë ajajtuuy ijxtëm tu'uk ja tsiptuunpë y'ijx'ity kyëwent'atyën.

Colosenses 1:12

nëjkxëp ja Tios xykyukajpxëtë, mëti'ipë të mtukjatëtën ets xy'ëxajëtëty ja kuma'ayën mëti'ipë myo'ojäämpyën ja nyaax kyajpn të'kxëntuuypyë y'itën.