Efesios 5:18 - Biblia Mixe de Quetzaltepec

¹⁸ Ka'ap m'uuktëty mmu'ukëtëty, jä'ä ko yë'ë yajtëkoopy; nikë oy ko mtu'umo'ojëtëty ja Kënu'kxymyëkajtën.

Biblia Dc en Mixe de Quetzaltepec

¹⁸ Ka'ap m'uuktëty mmu'ukëtëty, jä'ä ko yë'ë yajtëkoopy; nikë oy ko mtu'umo'ojëtëty ja Kënu'kxymyëkajtën.

Efesios 5:18 ပူးပေါင်းရင်းမြစ်များ

Proverbios 20:1

Yë nëë mëti'ipë mukpën yajtëkooyëp yë ja'ay; yë nëë mëkpë ëxëëk yë ja'ay tyaj'ëtë'ëtsy tyaj'ëna'any;; ko ja'ay myu'ukyë tëkoopy yë jot winma'any ets ka'ap tii oy tuny.

Romanos 13:13

Tsojk winë oy ntu'unëm ijxtëm xëëny tii yajtunyën. Ka'ap je'eyë xëmë n'ukmëty nmukëmëty, ka'ap xim yam yë ye'etyëjk t'ixëty yë to'oxytyëjk ëkë yë to'oxytyëjk xim yam yë ye'etyëjk, ëkë xim yam pën mëët ntsiptu'unmëty.

Lucas 1:15

Yë'ë ko mëj'äämpy ja m'u'unk y'ita'any Wintsën wyintuuy. Ka'ap yë tsatsym nyëë nëjkx t'uuky, ni wiinkpë mëknëë. Naamka'anëm ënäty myiny yaa naaxwiiny ets ja Kënu'kxymyëkajtën myo'ojëtëty ja winma'any ets ja mëk'ajtën.

Isaías 5:22

Janty mon janty tuk miitsëty myajpaatë, jä'ä ko je'eyë m'uuktë mjë'kxtë ets jëtu'un mnäyjyawëtë mëtaktëp yowë, tëë xyjyajnëtë wi'ix xyëpintëtyën ja uuky ets ka'ap pën m'ëkmëëpatënëtë.

1 Corintios 5:11

Yë'ës ntijpy, ko ka'ap miits mëët m'ëk ye'eymyujknëtëty ja ja'ay mëti'ipë nätyijëpën ko tmëpëky ja Kristë ets tyam ja ëxëëk winma'any tpaaty; ets ameeny, wyintsë'këp ja tsaatsetsy, kepy tsyetsy; pi'tskajpxk, je'eyë y'uuky myu'ukyë ets mä'tsp. Ni xykyamëëtkaytyëty ja jëtu'unpë ja ja'ay.

Hechos 11:24

Jä'ä ko oyjyä'äy ijty ja Bernabé, mooyëp ja Kënu'kxymyëkajtën ja mëk'ajtën ets ja winma'any ets tunëty mëti'ipë ja Tios tsyojkpyën. Amuumtu'ukjot ja Jesús tmëpëky. Jëtu'un ojts nyimayëtë ja ja'ay mëti'ipë myëpëjktën ja Wintsën.

1 Tesalonicenses 5:7

Mëti'ipë maatëpën, koots yë'ë mya'atë; e mëti'ipë uktëpën mukëtëp, koots yë'ë y'uuktë myu'ukëtë;

Lucas 12:45

E pën tääpë tuunpë, mëët ko myäy tyäjy ko ja wyintsën ka'ap tsyojkmina'any, ets niwa'akëty ja tuunpëtëjk ye'etyëjkpë to'oxytyëjkpë, twopëty tka'atsëty; ets tyëjkënëty ukpë mukëpë.

Lucas 11:13

Oy miits ëxëëk mjaja'ay'atë, mjajtëp ja m'u'unk xymyo'otëty mëti'ipë oyën, ets wi'ix ja mteety tsajpjotmëpë tkamo'ojëty ja Kënu'kxymyëkajtën mëti'ipë amëtoowëpën.

1 Corintios 6:10

Këtii myajwin'ëëntëty, jä'ä ko jam ma ja Tios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

Tito 1:6

Yë'ë mtuknipëkëp ja tuunk mëti'ipë oy tsuj juukyajtpën, këtiipë tii yajtuknikajpxëty, mëti'ipë tu'ukyë myëët'ajtypyën ja tyo'oxytyëjk, mëti'ipë y'u'unk y'ëna'k mëpëjktëpën, ka'ap kyäjpxykyumëtoownaxtën, myëmëtowtëp ja tyaak tyeety ets këtiipë tii yajtukni'ojëtëty.

Lucas 21:34

Näkyëwent'atëtë, këtii xy'atsoktëty ja nëë ju'uky, këtii m'uuktëty mu'ukëtëty, këtii yë'ë xymyëmay xymyëtajtëty ja naaxwiinyëtë naaxkëjxypyë yajtukjuuky'ätyën, këtiipë ja ëyo'on ajotkumonë mtukja'tëtëty,

Isaías 55:1

Mintë pënjaty tëtsëpën; mintë pënjaty ka'ap wit meeny tmëëtëtyën, jë'kxtë pëktë, kaytyë uuktë namëyajtën; uuktë pëktë tsi'tsknëë, uuktë pëktë tsatym nyëë, ka'ap meeny tsyokyë.

Deuteronomio 21:20

ets tukmëmëtya'akëty, t'ënëëmëty: Ya'atë nmaankës ka'ap myëtoy, je'eyë kyäjpxykyutëjy; ka'apës xymyëmëtowtë oy tii jyayajtuk'ëne'emy, tëë yë jyot wyinma'any tyajtëkooynyë ets je'eyë xëmë y'uknë myukënë.

1 Corintios 11:21

Ko mkaya'antë, jënaakën jëwyiin jëyëjp kyääykyojtë, tyam jatu'kpëky ayuu y'ijtpë, jënaakën myuktëkooyënëtë.

Cantares 1:4

Yajjaamkojkës pojën. Japës yajnëjkxk mijts yajkutujkpë ma m'ityën mtsëënën. Mëët mijts jotkujkës nyajpaata'antë, yë'ëjës ni'ik n'oyjya'awëtyëp yë mwiin mjëjp këtiinëm yë tsatym nyëë. Paatyëmën to'oxytyëjk mtsokëtë.

Génesis 9:21

Tëkok yë Noé ojts t'uuky yë tsatym nyëë mëti'ipë të nyimaanaxyën ets ojts myukpëjkënë ets ojts jäpyë myaanaxy tyëjk'itkujky niwa'ats ëxwa'ats.

Mateo 23:25

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën, nëkëjxy ja a'ukën xytyätypyujtë ets näjyëtu'un ja atojkxën, e ko mtontë määtstë ets ko yë'ë xytyäty tsyojkën'ajtë ja wit meeny ka'ap ja xyjyotmayjyawëtë.

Isaías 25:6

Jam ma Sión kopkën, yë Wintsën mëti'ipë maaytyääyëpën winë, tnipëjktaakëja'any tu'uk ja ka'ayën ukën, aakyë'ë pyëjkta'akäämpy oyëtypë jë'kxy pëky, oyëtypë kääky uuky, xu'kxëtypë ets pa'akëtypë.

Salmos 69:12

Aak ëjts yë ja'ay xy'ëëwpat xykyajpxpatp oymyaajëty, ets ëmu'ukyë ja'ay tëës xyaj'ëypyëtsëëmnëtë.

Mateo 24:49

ets twopëty tka'atsëty ja tuunpëtëjk ets tmëëtkaay tmëët'uknëty ja ëmu'ukyë ja'ay;

Cantares 7:9

ets mpa'kxwiin, jëtu'un jyawëty tä yë uukyën, tä yë tsatym nyëëjën tëëpë nyimaanaxyën mëti'ipë tyuktëjkëtya'ajëpën yë aaw tëts.

Levitico 10:9

Ko mtëkëja'anëty jap tsajptëkoty ma ja wit tëjkën ma näpyaatë y'ityën, ëkë ko ja m'u'unk m'ëna'k jap tyëkëja'antëty; ka'ap mëpaat xy'uuktë oy tii nëë mëti'ipë mukpën, këtiipë m'ooktëty, tyaapë jëtu'unpë ënä'ämën kë'ëyxyëëw kë'ëyjyëmëjt y'itëty, tä tu'uk yë ënä'ämën tëyajtënën mëti'ipë itëpën u'unk ok.

Juan 2:10

ets t'ënëmaay: Ko pën pyiky yë'ë jëyëjp yaj'apëjkëp yë oypyë tsatym nyëë e ko kom të y'uknëtë tääts yë'ë jyaak yajmo'otë mëti'ipë ka'ap nëkoo y'oyëtyën. E mijts taptëm xypyëjkë'ëky ja oypyë tsatym nyëë mëti'ipë yam ok myajpëtsëëmpyën.