Efesios 5:11 - Biblia Mixe de Quetzaltepec

¹¹ Ka'ap xytyuntëty mëti'ipë ka'ap y'oyëtyën, ijxtëm mëti'ipë ja Kristë ka'ap tmëpëktën; yë'ë mtuntëp wi'ix xyajnikëxë'ëkëtyën ko ka'ap y'oyëty mëti'ipë yë'ë tyuuntëpën.

Biblia Dc en Mixe de Quetzaltepec

¹¹ Ka'ap xytyuntëty mëti'ipë ka'ap y'oyëtyën, ijxtëm mëti'ipë ja Kristë ka'ap tmëpëktën; yë'ë mtuntëp wi'ix xyajnikëxë'ëkëtyën ko ka'ap y'oyëty mëti'ipë yë'ë tyuuntëpën.

Efesios 5:11 ပူးပေါင်းရင်းမြစ်များ

Romanos 13:12

Tëë ja tsu'um'it nyajxnë, jëtu'un tyamnë ijxtëm jeexyë xyiinyëjanën, paaty ka'ap n'ëkpokytyu'unënëty, ka'ap n'ëk'ijtënëty akootstuuy; wä'än nyajpatëmë ajajtuuy ijxtëm tu'uk ja tsiptuunpë y'ijx'ity kyëwent'atyën.

1 Timoteo 5:20

Pën pokytyuuntëpën, tuknëëmë ma ja mayjyä'äyën ets ja ja'ay tsyë'ëkëtëty.

2 Tesalonicenses 3:6

Mëku'uktëjkëty, Wintsën Jesukristë xyëëwkyëjxm miits ntuk'ënä'ämtë ets ka'ap mëët mye'eymyuk mnaxmuktëty ja ja'ay mëti'ipë ënantëpën ko Jesukristë tmëpëktë e ka'ap tii tuna'antë ets ka'ap tpatuntë ja tëyajtën mëti'ipës ojts njatuk'ëwaanëtën.

Romanos 16:17

Mëku'uktëjkëty, m'ixtëp mtuntëp ja ja'ay mëti'ipë tyuunk'ajtëpën ja näy'ëxëëk'ixë ets t'ixkukëtë ja tsip. Mëti'ipë jëtu'unpë tyuuntëpën, ka'ap yë'ë jyëtu'unëty ijxtëm ja ijxpëjkën mëti'ipë miits të xynyijawëtën. Nikë oy ko xywyinye'eytyu'utëty.

Apocalipsis 18:4

Tääts ja wiinkpë ja ayuk nmëtooyës mëti'ipë tso'onpën jam tsajpjotm ets y'ënä'äny: Pëtsëmtë miitsëty ma ya'atë kajpnën, ninu'un njä'ä'atën, këtiipë nëkoo ja poky ets ja ëyo'on xypyaatëty,

Tito 2:15

Ya'atë ja mëpëjkpëtëjk mtuk'ijxpëkëp, jotmëkwinkajpxë ets amëk jotmëk tkajpxëty mëtya'akëty mëët tu'kë'ëyë ja mkutujkën këtiipë pën mpäxëtëty.

2 Tesalonicenses 3:14

Pën jam pën ka'ap tmëjpëjktä'äky mëti'ipës nnikajpxtëpën jap nokyjoty, m'ixtëp pën ënäty ets këtii mëët mye'eymyuk mnajxmuktëty, wä'än tsëtyu'unpaaty.

Romanos 6:21

¿E tii jap të xypyaatë? Tyam je'eyë mtsëtyuunëtë ko jëtu'un të mjuuky'atë, jä'ä ko je'eyë ja o'kën të mtukpaatëtë.

2 Timoteo 4:2

ets xykyajpxpwa'kxëty ja Tios ja y'aaw y'ayuk ets xytyuk'ëwaanëty ja ja'ay oyjyëna'ajëty. Tukja'akyukë, tukwinkukajpxë, jotmëkwinkajpxë, Yaj'ijxpëk mëët tu'kë'ëyë ja mä'kxtujkën.

2 Timoteo 3:5

Jëtu'un nyäpyëjkta'aka'anëtë ijxtëm jeexyë myëpëktën, je'eyëp ko ma winë tuntën aakjä'ä ma'atpë ets tëkatsypë. Këtii jëtu'unpë ja'ay xykyutëkëtëty. Janty mëpëjkpë ja'ay nyäyajnaxa'anëtëty, jëtu'unpë ja'ay këtii xymyëjwa'kpätëty.

Gálatas 6:8

Pën nyipy kyojpën ja ëxëëk winma'any, yë'ë pyatäämpy ja o'kën tëko'oyën. Pën nip kojpën ijxtëm ja Kënu'kxymyëkajtën tsokyën, yë'ë pyëjmukäämpy ja juukyajtën xëmëkyëjxmëpë.

Proverbios 29:1

Mëti'ipë ja'ay juun yë jyot wyinma'any pyëjktäkpyën ko yaj'ojy, ka'ap jeky jyuuky'ata'any; ets ni pën jää kya'ëna'anëty ëkë wi'ix ko të y'ooky.

Proverbios 13:18

Ja ja'ay mëti'ipë ka'ap tsojkën'atyën ja kajpxwijën nëjkxëp y'ëyoy ets ka'ap pën y'oyjyawëtëty; ja'ay mëti'ipë kyupëjkpyën ja kajpxwijën, ni'ikyë mëj'äämpy nyaxa'any.

Levitico 19:17

Këtii je'eyë tu'kmox xymyëët'atëty yë näy'ëxëëk'ixë näkya'oy'ixë ma mjëëky mëku'ukën. Mtuk'ënëëmëp ja mëku'uk ma pyäätyën ko tii tuuntëkoy tkajpxtëkoyëty.

1 Tesalonicenses 5:7

Mëti'ipë maatëpën, koots yë'ë mya'atë; e mëti'ipë uktëpën mukëtëp, koots yë'ë y'uuktë myu'ukëtë;

Lucas 3:19

Ojts näjyëtu'un t'ojy ja yajkutujkpë Herodes, jä'ä ko ënäty tmëëttsëënë Herodías, ja y'uty ja tyo'oxytyëjk ets näjyëtu'un ko ënäty ëxëëkjaty winë tuny.

Efesios 5:7

Paaty ka'ap mëët mnämyäyëtëty mëti'ipë ja Tios ja y'oyajtën ka'ap tsojkëtën.

Efesios 4:22

Ixmajtsta'atë wi'ix ijty miits tëëyëp mjuuky'atën, ëxmatstë ja m'ëxëëk winma'anyëty mëti'ipë mnätyukwin'ë'ënëtëpën, jä'ä tëkokyë tääpë tëë mya'ta'ay ko yi'iyë të yaj'atsoky ka'apë myëtëyëtyën.

Isaías 29:21

mëti'ipë wiink ja'ay tyuknipëjktëpën ko yajja'ay'ooktë, mëti'ipë myeenymyooytyëpën ja yajkutujkpë ets wa'ats ja'ay nyäyajnaxëtë ets yajtëytyuny ja mëti'ipë ka'ap tii poky tmëëtëtyën.

Proverbios 25:12

Jëtu'un tä kë'ëjiitsën ets nantsëmën mëti'ipë wa'ats pu'ts pujxn myëët'ajtypyën, jëtu'un nyäxy ko tii nyajtukmëkajpxmëty ets nyajtuk'ënëmä'ämyëty, ets oy nkupëjkmëty.

Salmos 141:5

Mëyajtën ënäty tu'uk yë oyjyä'äy tyuunpy koos xytyukkumëtowëty maas tii oy nkatunyën, jëtu'unës njawëty tä tu'uk yë on pya'akxuukyën koos xy'ojëty ka'apës jëtu'unpë nwiinkjawëja'any oy mëk njamëtowëtyës ëjts je'eyëmës Tios nmëkajpxa'any.

Génesis 20:16

Tä näjyëtu'un ja Sara t'ënëmaay: Yë mëti'ipës yë m'ay të nmo'oyën mëj këjää oy yë wit meeny tnëkëjxmëty, e yë'ëts mnätyukputëkëtëp ets mëj'äämpy yë ja'ay mjawëtëty oymyaajëty ets mwintsë'ëkëtëty mëti'ipë mëët m'ijtmuk mtsënaamyuktën. Ni pën tkajëkyäpëty ëxëëk mtijëtëty.

Proverbios 19:25

Ko yajtukumëtoy yë pyoky mëti'ipë ninu'un kaja'akyujkëpën, jää tjaty winë yë tsuuja'ay; yë wijyjyä'äy je'eyë winë yajtuk'ënëëmë tääts tjaty.

Proverbios 15:12

Ja'ay mëti'ipë nämyëjkäjxëpën ka'ap tsojkën'aty kajpxwijën, ets ka'ap t'a'ixë yajpaatëty ma wijyjyä'äytyëjkën.

Mateo 18:15

Pën tëë mmëtëkoyë ja mmëku'uk, mëmëtya'ak ets tuk'ënëëmë wi'ix të mmëtëkoyën. Ko tja'akyukëty wi'ix xy'ënëëmën, tëë ënäty jatëkok xymyëku'ukpëky.

Jeremias 15:17

Ëjts ka'apës nëkoo ja'ay të nmëjwa'kpety mëti'ipë yi'iyë äjtsk xoontak myëmaay myëët'ajtëpën; koos mijts të xyjyä'äniwa'any ëjts ëpëkyës të nyäyaj'ityë, jä'ä ko yë'ëjës ntsë'këp koos xytyukjoot'anpëkëty.

Proverbios 1:31

Kë'ëm nëjkx jëna'a mnätyuktëytyunëtë ko winë ëxëëk xytyuntë xykyajpxtë. Nëjkxëp xyjyamëtsijpënëtë ja m'ëxëëkjot m'ëxëëk winma'any.

1 Timoteo 6:5

je'eyë nyätsyiik nyäkyoxëtë jä'ä ko ëxëëk ja jyot wyinma'anyëty ets ka'ap nijawëtë ja tëyajtën, paaty myëpëktë ko nyäyajkumeenytya'aka'anëtë.

Proverbios 1:10

Pën m'ijxyp ko yë pokyjyä'äytyëjk je'eyë nëkoo mwin'ëëna'any mwinxaja'anyë, këtii xy'ëwa'atsëty, u'unk maay.

Proverbios 28:4

Mëti'ipë y'ëxmajtstëpën ja ënä'ämën tëyajtën, yë'ë y'oyjya'awëtyëp ëxëëkja'aytyëjk; e mëti'ipë pyatuuntëpën ja ënä'ämën tëyajtën wyiink'ijxtëp ja jëtu'unpë.

Hechos 26:18

Mijts yam nkejxyp ets xyaj'ijxwa'kxëty ets pyëtsëmtëty ma akoots itën ets ye'eytyëty xëënytyuuy, këtiipë yajpaatëty ma ja mëjku'u yajkutukyën, yë'ë Tios pyanëjkxtëp. Jëtu'unts ja pyoky yajnimä'kxtëty ets yajmo'otëty ja kuma'ayën mëti'ipë ijtëpën ma ja Tios ja kyajpnën jä'äkyëjxm koos xymyëpëktë.

Efesios 5:12

Tsëtyu'un je'eyë xytyukpatmëp ko nnimëtyakmëty mëti'ipë tyuuntëpën ayu'utsy ame'tsyë.

Colosenses 1:12

nëjkxëp ja Tios xykyukajpxëtë, mëti'ipë të mtukjatëtën ets xy'ëxajëtëty ja kuma'ayën mëti'ipë myo'ojäämpyën ja nyaax kyajpn të'kxëntuuypyë y'itën.

1 Timoteo 5:22

Ka'ap nëkoo ja ja'ay xykyë'ënixajëty pën ka'ap yajxon të xywyinmay të xywyintajy, këtiipë xymyëpokytyëkëty ja wiink ja'ay ja pyoky. Wa'ats mijts mnäyaj'itëtëty.