Efesios 5:1 - Biblia Mixe de Quetzaltepec

¹ Miitsëty ma Tios m'u'unk'atëtën ets ko mtsokëtë, juuky'atë ijxtëm yë Tios jyuuky'ätyën.

Biblia Dc en Mixe de Quetzaltepec

¹ Miitsëty ma Dios m'u'unk'atëtën ets ko mtsokëtë, juuky'atë ijxtëm yë Dios jyuuky'ätyën.

Efesios 5:1 ပူးပေါင်းရင်းမြစ်များ

1 Juan 4:11

Mëku'uktëjkëty, pën tëë ja Tios xytsyojkëmë, nätsyojkëmë ëëtsajtëm näjyëtu'un nixim niyam.

Efesios 4:32

Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Tios të mnimä'kxëtën, ko ja Kristë të xymyëpëktë.

Mateo 5:48

Wa'ats nnäyaj'itëtë, ijxtëm yë Tios tsajpjotmëpë wa'ats nyäyaj'ityën.

Colosenses 3:12

Mëk miits yë Tios mtsokëtë ets tëë mwin'ixëtë ets jam myajpaatëty ma ja kënu'kxypyë nyaax kyajpnën. Tuk'itëtë ja pa'ëyo'owën, oyjä'äyajtën, yujyajtën, tëtä'äkyajtën, nätsyokë ets ja mä'kxtujkën.

Levitico 11:45

Ëjts jëtu'un Wintsën, mëti'ipë ojts myajpëtsëmëtën jap Egiptë etsës xyTios'atëty. E paaty jëtu'un mëpaat wa'ats mnäyaj'itëtë, jä'ä ko ëjts wa'atsës yë'ë.

Juan 1:12

E mëti'ipë kupëjkën ets myëpëjkë, yë'ë ojts ja kutujkën tmo'oy ets Tios y'u'unk'atëtëty.

Mateo 5:45

Jëtu'un xyajnikëxë'ëktëty ko Tios tsajpjotmëpë m'u'unk'atëtë; jä'ä ko xëëw tyajpëtsëmy tyuknijajtääpy oyjyä'äy ka'oyjyä'äy, ets ko tyajtu'uy yajnituutääpy wä'än twa'atsja'ayëty ëkë t'ëxëëkja'ayëty.

Jeremias 31:20

Yë Efraín yë nyaax kyajpn u'unk maayënës ntsoky njawë; yë'ëjës tu'uk n'u'unk'ajtyp nmaay'ajtyp mëti'ipës mëk ntsojkpyën. Oyës muum ntuk'ojy yë tyëko'oyën, ëjts ka'apës nja'atyëkoy; jëëpy yaxpës njawë n'aaw njot ets npa'ëyoopyës jatëkok. Ëjts Wintsën, ëjts ënaanp.

Oseas 1:10

Pyatäämpy ja xëëw po'o ma Israel ja'ay nyimay'ata'antën jinën, ni pën kyamayëtëty tkijpxëty ets tmëtsyowëty. Ets ka'apës nëjkx n'ëk'ënëmaaynyëtë: Miitsëty ka'ap nkajpn'atë, jä'ä nëjkx yë Tios y'ënë'ëmxëtë: Miitsëty yë'ë Tios juukpyë m'u'unk'ajtëtëp.

Filipenses 2:15

këtiipë pën mpoky'ixëtëty, wa'ats aaw wa'ats jot mja'ay'atëty ma ja ja'ayëtyën mëti'ipë ëxëëk juuky'ajtëpën ets ëxëëk ja y'aaw jyotëty. Jëtu'un tä matsa'ajën miits m'ajaj m'atë'kxtëty ma yë'ëjëtyën yaa naaxwiiny.