Efesios 4:9 - Biblia Mixe de Quetzaltepec

⁹ ¿E wi'ix jëtu'un nyiwijy ko y'ënä'äny ko pya'tëjkëy tsajpjotm? Jä'ä jëtu'un yajwinjawë ko jëwyiin të kyëtä'äky naaxwiiny.

Biblia Dc en Mixe de Quetzaltepec

⁹ ¿E wi'ix jëtu'un nyiwijy ko y'ënä'äny ko pya'tëjkëy tsajpjotm? Jä'ä jëtu'un yajwinjawë ko jëwyiin të kyëtä'äky naaxwiiny.

Efesios 4:9 ပူးပေါင်းရင်းမြစ်များ

Juan 3:13

Ni pën tsajpjotm të kya'otsy, yi'iyë mëti'ipë jam të tsyoonyën ets yaa naaxwiiny të kyëtä'äky, yë'ë jëtu'un ja naaxwiinyëtë ja'ay ja y'U'unk.

Mateo 12:40

Jëtu'un ijxtëm ja Jonás ojts tëkëëk xëëw tëkëëk tsuu y'ijtyën jap ajkx jootjoty, näjyëtu'unës tëkëëk xëëw tëkëëk tsuujës n'itëtä'any naaxjoty. Ëjts, naaxwiinyëtë ja'ay y'U'unk.

Juan 6:33

Ja tsajpkääky mëti'ipë Tios yäjkpyën, jä'ä tsajpjotm tso'omp ets ja naaxwiinyëtë ja'ay ja juukyajtën tpaaty.

Proverbios 30:4

¿Pën jam të y'ëknëjkxpë tsajpjotm ets pën jam të y'ëktso'onpë? ¿Pën ëkmayëtëp tmatsëty yë poj ets tmajts'itëty kyë'ëjootjoty? ¿Pën yë nëëmejy të t'ëkwinpijtpë witjoty? ¿Pën të tpëjktä'äky ja nyitsëpa'an mapaat ja naaxwiinyëtë y'ëwtitëtyën? Këtiis ënät mijts xy'ënëmääpyëty ko mnija'ap ja xyëëw ets ja y'u'unk xëëw.

Salmos 63:9

Mëti'ipës xyaj'ookantëpën, kë'ëm nëjkx o'kpëjutjoty kyuka'anaxtë;

Hebreos 2:9

E Tios të xytyuk'ijxëm ja Jesús, mëti'ipë ja Tios tu'kxëëw tu'kjëmëjt pyëjktakën naxym këtiinëm ja anklëstëjk, tëë yajmo'oy ja kutujkën ets ja mëj'ajt oyajtën, mëët ko tmënajxy tyajnajxy ja o'kën. Tios mëët ja tsyojkën jya'awën yë'ë ojts tuknipëjktaakë ets ja o'kën tpaatëty ets tuk'oy'atëty ja mayjyä'äy.

Juan 20:17

Tä ja Jesús y'ënëmaayë: Këtiis xymyätsy, jä'ä ko ka'anëmës nnëjkxy ma ja Tios Teetyën. Nëjkx ets xytyuk'ëwaanëty ja nmëku'uktëjkës: Ko jamës nnëjkxy maas yë nTeetyën ets ma miits yë mTeetyëtyën; maajës yë nTiosën ets ma miits yë mTiosëtyën.

Salmos 8:5

Jä'ä të xyajkojy jawäänë tkamëpaaty yë tios, tëë xymyo'oy ja mëj'ajt oyajtën ets wintsë'ëkë y'itëty,

Génesis 11:5

Ënät ojts ja Wintsën tniku'ijxnaxy ja naax kajpn ets ja mëjpotsy mëti'ipë ënäty ja naaxwiinyëtë ja'ay ëka'any kyojtso'ontaktëpën.

Hebreos 2:7

Tëë tu'ktiempë naxym xypyëjktä'äky këtiinëm ja anklëstëjk, je'eyëp ko tëë xymyo'oy ja kutujkën, ja mëj'ajt oyajtën ets ja wintsë'kën;

Juan 8:14

Tä ja Jesús y'ëtsooy: Oyës kë'ëm nänyimëtyä'äkyë, tsoowpatp yë'ë, jä'ä ko nija'apës tiis nkäjpxyp; nija'apës maas ntsoony ets maas nnëjkxyën e miitsëty ka'ap xynyijawëtë.

Juan 6:62

¿Tii tunëtëp jatëtëp ko xy'ixtëty ja naaxwiinyëtë ja'ay ja y'U'unk pya'tëkë jam tsajpjotm ma të tsyoonyën?

Juan 6:58

Yë'ës nimëtyäkpy ja tsajpkääky mëti'ipë tsajpjotm tso'onpën. Ya'atë tsajpkääky ka'ap jyëtu'unëty ijxtëm ja manájën mëti'ipë ja m'aptëjk kyääytyën; oy ojts tjakaytyë, ojts je'eyëm y'ooktë. Pën ya'atë jëtu'unpë tsajpkääky kyääpy, xëmëkyëjxm jyyuukyata'any.

Juan 6:51

Ëjts ja tsajpkääky mëti'ipë juukyajtën yäjkpyën ets tsajpjotmëpë të tsyoonyën, ko pën ya'atë tsajpkääky tkay, xëmëkyëjxm jyuuky'ata'any. Ja tsajpkääky mëti'ipës nyakäämpyën, ni'kx nkopkës ntijpy, mëti'ipës nyakäämpyën ets ja naaxwiinyëtë ja'ay tmëët'atëty ja juukyajtën xëmëkyëjxmëpë.

Juan 6:41

Ko ojts jëtu'un tmëtowtë ja jutiis ja'ayëty ënät ojts ëxëëkjaty tnimëtya'aktë ja Jesús, jä'ä ko ja Jesús ojts y'ënä'äny: Ëjts ja tsajpkääky mëti'ipë tsajpjotm tso'onpën,

Juan 6:38

Jä'ä ko ka'apës yë'ëjëty tsajpjotm të nitsoony etsës ja nkë'ëmwinma'any nyajtunëty; yë'ëjës jam të nitsoony etsës ntunëty mëti'ipë tsyojkpyën ja nTeetyës mëti'ipës të xykyexyën.

Isaías 44:23

Tsajp, akujk jotkujk yajpaat jä'ä ko tëë nkënu'kxy. Xi'iktë xontë miitsëty naaxwiinypë myajpaatën. Tun kopk, aay kepy jotkujk yajpaatë, jä'ä ko yë Wintsën tëë tyaj'ixyë myëj'ajt y'oyajtën, tëë ja Israel kajpn tyajtso'oky, mëti'ipë ja Jacob kyajpn'ajtypyën.

Salmos 139:15

Koos ojts yë njot nini'kx yeeky pyety ka'ap ojts yu'utsy y'ity ma mijtsën, maas ënäty nyaj'oytyunyën ayu'utsytyuuy, maas ënäty nyaj'oytyunyën jap këkpaat, jap naaxpa'tkë'p.

Éxodo 19:20

Yë Tios jam kyëtäky ma jawäänë këjxmëpë ja Sinaí kopkën ets ojts t'ënëëmë ja Moisés ets jam pyätëty. Tä ja Moisés pyejty jam,

Ezequiel 31:14

Ets nimëti'ipë kepy nëjkx kya'ëkyoonë, oy ënäty nëëpë'aay jyayajpaaty, oy jënu'un jyanëëpa'atye'eyëty ka'ap nëjkx nëkooyë y'ëkyujkyoonë ets ja tsajp tpaatëty. Tëë nyitujkëtya'atë ets y'o'kta'atëty ets naaxpa'tkë'p jyëjptakta'atëty ets tpuwa'akëtëty ja myëku'uk mëti'ipë tëëyëp o'ktëpën.