Efesios 4:18 - Biblia Mixe de Quetzaltepec

¹⁸ kupi'its kukoots ja jyot wyinma'anyëty. Yë'ëjëty ka'ap tukxoonta'aktë ja juukyajtën mëti'ipë tso'onpën ma Tiosën, jä'ä ko tsuu yajpaatë ets ka'ap tii tjawëtë jyootjoty wyinma'anyjoty.

Biblia Dc en Mixe de Quetzaltepec

¹⁸ kupi'its kukoots ja jyot wyinma'anyëty. Yë'ëjëty ka'ap tukxoonta'aktë ja juukyajtën mëti'ipë tso'onpën ma Tiosën, jä'ä ko tsuu yajpaatë ets ka'ap tii tjawëtë jyootjoty wyinma'anyjoty.

Efesios 4:18 ပူးပေါင်းရင်းမြစ်များ

Mateo 13:15

Jä'ä ko tëë ya'atë ja'ay jyot wyinma'any juun y'awinpitë, ëtuky yë tyatskëty, ets ëtuky yë wyiinëty, këtiipë y'ixtëty ets këtiipë myëtowtëty, këtiipë jyä'äkyukëtëty ets këtiipë xynyiwinpitëtyës, ets jëtu'un ka'ap tjëkyepy nyajtso'oktëtyës.

Efesios 2:12

ja'amyätstë ko jëwyiinyëp ka'ap ijty mëët ja Kristë m'itë, winjëkämjaty ijty myajpaatë ma ja Israel ja'ayëtyën, ets mëjëkäm'ajtëp ja Tios ja wyaantakën. Jëtu'un ijty miits yaa naaxwiiny mjuuky'atë, ka'ap ja Tios xynyijawëtë ets nitii xykyajëjp'ixtë.

Juan 12:40

Tëë ja Tios yajwë'ëmëtë winpi'its kukoots ets wyinma'anykyukëxëtëty, këtiipë y'ixtëty ets jyä'äkyukëtëty, ets jëtu'un ka'ap ja jyot wyinma'any tyajkwinpitëty ma ëjtsën, ets ka'ap nyajtso'oktëtyës.

1 Tesalonicenses 4:5

ka'ap jëtu'un m'ëtë'ëtstëty ijxtëm y'ëtë'ëtstën mëti'ipë ja Tios ka'ap tnijawëtën, mëti'ipë winë y'atsojktëpën.

Santiago 4:4

Miitsëty, mëti'ipë ja Tios të y'ëxmatstën, ¿tii këtii xynyijawëtë ko ja Tios ka'ap tsoky ets ja naaxwiinyëtë winma'any n'atsojkmëtyë? Oy tyimpënëty mëti'ipë ja naaxwiinyëtë winma'any y'atsojkpyën, ja Tios myëtsipëjkpy.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Tios nyäjxypyën.

Colosenses 1:21

Miitsëty, jëpyaat jëpyo'kxy ets mëtsip ijty myajpaatë ma Tiosën. Mmëtsip'ajtëp ijty ja Tios mëët ja m'ëxëëkjot m'ëxëëk winma'anyëty ko ëxëëk xytyuntë.

1 Juan 2:11

Pën ja myëku'uk y'ëxëëk'ijxyp, jam y'ity ets jyuuky'äty akootstum, ka'ap nijawë maa nyijkx, jä'ä ko ka'ap tii t'ixy akootstuuy.

Gálatas 4:8

Ko ijty miits ja Tios ka'ap xynyijawëtë, yë'ë ijty mmëtuuntëp ja ka'apë Tyiosëtyën.

Romanos 11:25

Mëku'uktëjkëty, yë'ëjës ntsojkpy ets miits xynyijawëtëty mëti'ipë ijty ka'ap yajnijawën, jëtu'unts ka'ap mnämyëjpëjkta'akëtëty. Yë jutiis ja'ay juun yë y'aaw jyot të tpëjkta'aktë, ka'ap yë Tios të tmëmëtowtë, jëtu'un y'ita'antë koonëm tpata'atëty ja oyajtën mëti'ipë ka'ap jyutiis'atën.

Romanos 1:28

E jä'ä ko ka'ap nijawëjantë ja Tios, paaty ja Tios të tyukmë'ixëtë ets tmëët'atëty ja ëxëëk winma'any ets tuntëty mëti'ipë ka'ap pyaat'atyën.

Hechos 17:30

Tios ka'ap ojts tëëyëp tmëjpëjktä'äky oy ja ja'ay ka'ap oy myäytyë tyajtë, tyam yë'ë tsyojkpy, ets tëkokyë ja ja'ay wyimpijta'atëty ma yë'ëjën

1 Corintios 1:21

Ja Tios ja wyijy'ajtën, ka'ap ojts ja naaxwiinyëtë ja'ay tja'akyyukëtë mëët ja wyijy'ajtën kyejy'ajtënëty, tëë ja Tios tuknipëjktaakë ko tyajnitso'oka'any mëët ja y'aaw y'ayuk mëti'ipë mmëpëjkëpën, oy ya'atë jëtu'un jyayajmëtoy ijxtëm ja tsuuwinma'anyën.

Romanos 2:19

Mnija'ap ko jyëkyejpy xytyuk'ëwaanëty mëti'ipë kyanija'awëtëpën ja Tios ja y'aaw y'ayuk ets tpaatëty ja tëyajtën,

Marcos 3:5

Tääts ja Jesús wyintë'kxëtë mëët yë joot'an ets moonp tujkp jä'äkyëjxm ko juun ja jyot wyinma'anyëty tpëjkta'aktë. Paaty t'ënëmaay ja ye'etyëjk mëti'ipë ënäty ja kyë'ëjën ooky: Xajtëw. Tääts ja ye'etyëjk xyajtëëy ets ja kyë'ë tsyoky.

Daniel 5:20

E ko ojts tyuktëkëty ja nämyëjjaw näjyääntyjyawë, tääts winë wiinkjaty tuuny, yë'ëts ojts yajtëkoyë, tääts yajpëjkëy ja kyutujktakn ets ja myëj'ajt y'oyajtën mëti'ipë ënäty myëët'ajtypyën ma yajkutukyën.

Salmos 74:20

Ja'amyäts yë mkäjpxytyu'unën mëti'ipë mtuunën mëët ëëtsëty, jä'ä ko yaa naaxjoty kajpnjoty aak tsip yowë xii yaa muum këxë'knëp ets aakjëtu'un oy tyimmaajëty.

2 Corintios 3:14

Je'eyëp ko yë'ëjëty ka'ap ojts tja'akyukëtë, tyampaat je'eyëm jëtu'un tyajtu'uye'eytyë. Ko tjakajpxtë ja tukpë ja ënä'ämën, jëtu'un nyäpyëjkta'akëtë je'eyëm yowë twinkuwitsë'atë ja wit, jä'ä ko ka'ap pën të tyukwinwijtstu'utëtë, jä'ä ko ënät jeexyë jyënäky ko jeexyë yë Kristë tmëpëktë.

Isaías 25:7

Ma ya'atë naax kajpnën, yaa ja Wintsën nëjkx jëna'a tkë'ëtswä'kxy ja wit mëti'ipë tëkokyë ja naax kajpn ayä'ptujkëtëp, ja wit mëti'ipë ijty winpijtëtëpën.

Hechos 3:17

Mëku'uktëjkëty, ëjts nnija'apës ko miitsëty ets ja mwintsëntëjkëty xyaj'o'ktë ja Jesús, ka'ap ojts xyjyä'äkyukëtë tii mtuuntëpën.

Romanos 11:7

¿Wi'ix ënät njaak'ëna'anmëty? Ja Israel ja'ayëty ka'ap të tpaatë mëti'ipë të tja'ixta'atën, yi'iyë mëti'ipë ja Tios të wyin'ixëtën të tpaatë. Ja wiinkëtypë je'eyë ojts kyujuunta'aktë,

1 Corintios 2:8

Yë'ë ya'atë mëti'ipë yë yajkutujkpëtëjk naaxwiinypë ka'ap të tja'akyukëtën. Ko jeexyë të tja'akyukëtë, ka'ap jeexyë ojts tyajkruutspätë ja Wintsën mëti'ipë myëët'ajtypyën ja mëj'ajtën jaanty'ajtën.

Efesios 2:1

Miitsëty jëtu'un ijty m'itë ijxtëm ja o'kpën, jä'ä ko pokyjoty ijty myajpaatë.

Hebreos 5:2

Jä'ä ko näjyëtu'un ja teety wintsën pyokyjyä'äy'atë, jyëkyejpy tpa'ëyowëty mëti'ipë kyanija'awëtëpën ets mëti'ipë tëkooytyëpën.

Hebreos 9:7

Ma ja mëmäjtskpë ja tëkotën yi'iyë teety jap tëjkëp winjëmëjt; ko jap tyëkë myënëjkxyp ja jëyujk ne'pyny ets ja pyoky tukunaxy ets ja mayjyä'äy ja pyoky näjyëtu'un mëti'ipë tyuuntëpën oy jëtu'un tkatuknipëjktaakëtë.

1 Pedro 1:14

Jëtu'un m'itëty ijxtëm ja pi'k ëna'kën mëti'ipë tyeety myëmëtoowtëpën. Këtii jëtu'un mjuuky'atëty ijxtëm të m'itën ko ja Tios ijty xykyanijawëtë.

Levitico 11:16

yë yutyk, yë ju'k, yë nëë'awojny, yë majkwejkxy,

Ezequiel 14:5

Ëjts ntuktëkëjäämpy yë jyot wyinma'any yë Israel ja'ayëty mëti'ipës të xy'ëxmatstën ko të tpanëjkxtëkëtë ka'apë tyiosëtyën.