Efesios 3:18 - Biblia Mixe de Quetzaltepec

¹⁸ Jëtu'un tëkokyë ja Tios ja nyaax kyajpn tja'akyukëtëty wi'ix myëjwiinëtyën, yenyëtyën, kyëjxmëtyën ets kyëkëtyën ja Kristë ja tsyojkën jya'awën.

Biblia Dc en Mixe de Quetzaltepec

¹⁸ Jëtu'un tëkokyë ja Dios ja nyaax kyajpn tja'akyukëtëty wi'ix myëjwiinëtyën, yenyëtyën, kyëjxmëtyën ets kyëkëtyën ja Kristë ja tsyojkën jya'awën.

Efesios 3:18 ပူးပေါင်းရင်းမြစ်များ

Juan 15:13

Ni pën tsojkën jëtu'un tkamëëtëty ijxtëm ya'atën ko pën tyäky ja jyuukyajtën ko ja myëku'uk ttsoky tjawë.

Salmos 103:17

Yë Wintsën yë tsyojkën jya'awën xëmë y'ity ma ja'ayën mëti'ipë mëmëtoowëpën ets wiinkutsë'këyëpën; yë tyiyajtën ka'ap nijëna'a kyixy ma ja'ayëtyën jënu'un nyajtsmin nyaskä'äxëtën.

Efesios 3:19

N'amëtoopy npëjktsoopyës ets xynyijawëtëty ya'atë tsojkën ja'awën, ko ni'ik myëjëty këtiinëm tii wiinkpë, ets ni'ikyë xypyaatëty ja Tios ja y'oyajtën.

Gálatas 2:20

ka'ap y'ëjtsëty n'ëkjuuky'ajnë, Kristë juuky'ajnëp maas ja njot nwinma'anyën. Ja juukyajtën mëti'ipës ja nnini'kx tyuk'oy'äjtypyën, paaty jyuuky'äty jä'äs ko nmëpëky ja Tios ja y'U'unk, mëti'ipës të xytsyokyën etsës të xykyu'oo'kë.

Efesios 1:15

Paaty koos nnijawë ko miits xymyëët'atë ja mëpëjkën ma ja Wintsën Jesúsën ets ja tsyojkën jya'awën mëti'ipë myëët'ajtypyën ma ja nyaax kyajpnën wa'atspë,

Salmos 145:10

Wintsën, wä'än mkuuy'iy mkuuyä'äxyë mëti'ipë të xyajkojyën. Wä'än näjyëtu'un mtukxoontä'äkyë tëkokyë jënu'un oy mmëtunyën.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.

Gálatas 3:13

Tëë ja Kristë xyajpëtsë'ëmëmë ma ijty kajpxpoky n'ijtëmën, jä'äkyëjxm ko ja Kristë ojts nyätyukjä'ätijyë ja kajpxpojkën mëti'ipë ënäty ëëts njä'ä'ajtëmën, jëtu'un këxja'ay myiny: Kajpxpoky tu'kë'ëyë winë y'ity mëti'ipë kepykyijxy këx'o'kpën.

Efesios 1:10

Jatëp jëtu'un wi'ix të tuknipëjktaakën ko ja xëëw tpaatëty ets tukë'ëtëjkëtya'aja'any ja Kristë mëti'ipë tsajpjotm ijtpën ets mëti'ipëjaty ijtpën naaxwiiny.

Salmos 139:6

Ja wijyajtën mëti'ipë yajtsojkën'ajtpën tsip oy etsës npaatëty, yë wijyajtën mëj winma'any oy etsës nwinja'awëtya'ajëty.

Colosenses 1:4

Jä'ä ko tëëjës nnijawëtë wi'ix miits xymyëpëktën ja Kristë Jesús ets ko xytsyoktë mëti'ipë ja Tios kajpn'ajtëtëpën.

Romanos 10:3

Jä'ä ko ka'ap tja'akyyukëtë ko Tios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Tios tmëmëtowa'antë.

Salmos 132:9

Wä'än ja teetytyëjkëty tmëmay tmëtajtë ja mëtëypyë ja nipaye'eyën; wä'än jotkujk t'itë ja'ayëty mëti'ipë mmëtuunëpën.

2 Crónicas 6:41

Mëj mijts m'itëty Wintsën, mëët ja mkaaxë mëti'ipë myëët'ajtypyën ja mëj'ajtën, ets min ma ja mtsajptëjkën ets mpo'kxëty. Ja mtuunpëtëjkëty, ja teetytyëjkëty, wä'än tnikajpx tnimëtya'aktë mijts ja mnitsokën ets ja mëti'ipëjaty mëtuunëpën wä'än tukxoonta'aktë ko oy tsuj jyuuky'atë.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Tios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

2 Corintios 13:13

Ni'ëmukë ja Tios ja jyä'äy mtuknikäxëtë ja kajpxpo'kxën.

Zacarías 14:5

e miitsëty jamtsow nëjkx mkä'äktë ma ja olivë kopk mäjtskpëky të nyäwyä'kxyën mëti'ipë jampaat ja'ajtpën Asal, awinmtsow. Jëtu'un nëjkx mkä'äktë tä tëëyëp kyäktën yë m'ap m'okëty ko ja naaxwiinyëtë ojts mëk yu'kxy ma ënäty yajkutukyën yë Ozías, mëti'ipë jam ënä'ämpën Judá. Ets nëjkx myiny yë Wintsën mëët yë tyuunpëtëjk mëti'ipë ënäty oy të myëtunyën.

Salmos 116:15

Yë Wintsën mëk tjawë ko t'ixy y'ooktë yë ja'ay mëti'ipë tsojkëpën.