Efesios 2:9 - Biblia Mixe de Quetzaltepec

⁹ Ka'ap yë'ëkyëjxmëty ko tii ntu'unëmë, këtiipë pën tii nyätyukmëjjawëtëty.

Biblia Dc en Mixe de Quetzaltepec

⁹ Ka'ap yë'ëkyëjxmëty ko tii ntu'unëmë, këtiipë pën tii nyätyukmëjjawëtëty.

Efesios 2:9 ပူးပေါင်းရင်းမြစ်များ

2 Timoteo 1:9

Tios të xyajtsokëm ets të xywoowtso'owëm tääts npatmëty ja juukyajtën wa'atspë, ka'ap yë'ëkyëjxmëty ko tii oy ntu'unëm, yë'ë ko jëtu'un tëëyëp tuknipëjktaakë mëët ja Kristë Jesús.

Romanos 11:6

Ets pën yë'ëkyëjxm ko ja Tios tmëët'aty ja oyjyot oywyinma'any, ka'ap y'ëktsoowpatnë ja mëti'ipë yajtuunp yajkajpxpën; jä'ä ko jeexyë kyajëtu'unëty kajxyëp ja Tios ja y'oyjyot y'oywyinma'any tsyowpaaty.

Romanos 9:16

Paaty ka'ap ja Tios jä'ä twin'ixy ja ja'ay mëti'ipë oy tii tyuuntëpën, yë'ë wyinwijtsyp mëti'ipë kë'ëm pya'ëyoopyën.

Romanos 3:20

Ka'ap yë'ëkyëjxmëty ja ja'ay oy wyi'im Tios wyintum ko tpatuny ja ënä'ämën, yë ënä'ämën paaty jyää'aty ets nija'awëmëty tii poky kapoky, ets nija'awëmëty ko npokyjyä'äy'ajtëmë.

Romanos 9:11

Naamka'anëm ënäty myintë kyä'äxtë, ka'anëm ënäty tii tuntë oy ka oy, ko ja Rebeca ja Tios y'ënëmaayë: Ja mëjpë myëtunëp ja mutskpë, näjyëtu'un ijxtëm ja Tios ja y'aaw y'ayuk kyëxja'ayëtyën: Ntsojkës ja Jacob, Esaú ka'ap. Jëtu'un ojts wyi'imy nijawë ko ja Tios myëët'ajtyp ja kutujkën ets twin'ixëty mëti'ipë yë'ë tsyojkpyën, mëti'ipë yë'ë myëkajpxäämpyën oy ënäty tii oy pën të tkatuny.

Romanos 4:2

Ko jeexyë ja Abraham ojts oy wyi'im mëët ja Tios mëët ko winë oy të tuny, jyëkyejpy jeexyë nyämyëjjawëty, oy kyajamëty Tios wyintum.