Efesios 2:22 - Biblia Mixe de Quetzaltepec

²² Näyjyëtu'un miits ko tu'ukyë m'itë mëët ja Kristë, tu'ukyë mwinpätë koonëm myajpaatëty ma ja Tios ja tsyajptëjkën mëti'ipë yajpatpën mëët ja Kyënu'kxymyëk'ajtën.

Biblia Dc en Mixe de Quetzaltepec

²² Näyjyëtu'un miits ko tu'ukyë m'itë mëët ja Kristë, tu'ukyë mwinpätë koonëm myajpaatëty ma ja Dios ja tsyajptëjkën mëti'ipë yajpatpën mëët ja Kyënu'kxymyëk'ajtën.

Efesios 2:22 ပူးပေါင်းရင်းမြစ်များ

1 Corintios 3:16

¿Këtii xynyijawëtë ko miitsëty, jëtu'un yë Tios myajnaxëtë ijxtëm tu'uk yë tsajptëjkënë ets ko ja Kënu'kxymyëkajtën yë'ë jap tsënääpy ma miitsëtyënë?

1 Juan 4:16

Jëtu'un të nnija'awëm ets të nmëpëjkëmë ko ja Tios xytsyojkëm. Tios, tsojkp ja'ap yë'ë, pën ja tsojkën myëët'ajtyp, Tios mëët yajpaaty ets Tios jam yajpatp ma yë'ëjën.

1 Juan 4:13

Jä'ä ko Tios tëë xymyo'oyëm ja Kënu'kxymyëkajtën, jëtu'un nnija'awëmëty ko Tios y'ity ma ëëtsajtëmën ets ëëtsajtëm n'ijtëm ma yë'ëjën.

1 Juan 3:24

Pën ja y'ënä'ämën pyatuunëp, yë'ë ënäty ja Tios mëët tu'ukyë y'ity. Ja Kënu'kxymyëkajtën mëti'ipë të xymyo'oyëmën, yë'ë xytyuknija'awëm ko yë'ë mëët tu'ukyë nyajpatëmë.

Efesios 3:17

wä'än ja Kristë t'ity ma miitsëtyën ko të xymyëpëktë, ets ja tsojkën ja'awën yajpaatëty xëmë ma miitsëtyën.

2 Corintios 6:16

Ka'ap tjëkyepy tu'ukyë yajpaatëty yë Tios yë jyëën tyëjk mëët yë awinax. Jä'ä ko jëtu'un ja Juukpyë Tios xyajwa'anëmë tsyënaaytyaknën. Jëtu'un ijxtëm ja Tios y'ënä'änyën: Tsëënëjaanpës ets juuky'ataanpës ma yë'ëjëtyën, yë'ëjës xyWyintsën'attëp, ets yë'ëjës nja'ay'attëp.

1 Corintios 6:19

¿Ka'ap miits xynyijawëtë ko ja Tios mni'kx mkopk myajwa'anxëtë tä ja mëjtsajptëjkën ets ko mtsënaaytyakn'atëtë ja Kënu'kxymyëkajtën mëti'ipë ja Tios të mmo'ojëtënë?

1 Corintios 3:9

Tu'ukyë ëëts ja Tios ja tyuunk ntuunëtë ets jëtu'un miitsëty ijxtëm ja kamën ma ja Tios ja tyuunk tyu'uye'eyën, jëtu'un miitsëty ijxtëm tu'uk ja mëj tëjkën mëti'ipë Tios të tkojyën.