Efesios 1:5 - Biblia Mixe de Quetzaltepec

⁵ Tëë ënäty tuknipëjktaakë ko ja Jesukristë mëët xy'u'unkniwa'ana'anëmë, jëtu'un ijxtëm ënäty të tmëmay të tmëtajyën ko ja oyjyot oywyinma'any jëtu'un tmëëtëty.

Biblia Dc en Mixe de Quetzaltepec

⁵ Tëë ënety tuknipëjktaakë ko ja Jesukristë mëët xy'u'unkniwa'ana'anëmë, jëtu'un ijxtëm ënety të tmëmay të tmëtajyën ko ja oyjyot oywyinma'any jëtu'un tmëëtëty.

Efesios 1:5 ပူးပေါင်းရင်းမြစ်များ

Efesios 1:11

Tiosës të xywin'ixy etsës ja kuma'ayën n'ëxajëty ko ja Kristë mëët n'ityës, jëtu'un ijxtëm të tuknipëjktaakën yë Tios mëti'ipë tu'kë'ëyë winë tyuunpyën ijxtëm tsokyën.

1 Juan 3:1

Ixtë wi'ix ja Tios Teety mëj këjää të xytsyojkëmën ko të xy'u'unkniwa'anëmë. Paaty ka'ap xy'ixy'ajtëm ja ja'ay mëti'ipë tyuuntëpën ja yääyëpë naaxwiinyëtë kyixy nyäxyën, jä'ä ko ja Tios tka'ixy'atë.

Juan 1:12

E mëti'ipë kupëjkën ets myëpëjkë, yë'ë ojts ja kutujkën tmo'oy ets Tios y'u'unk'atëtëty.

Romanos 8:23

Ka'ap yi'iyëty y'ëyowtë, näjyëtu'un ëëtsajtëm n'ëyo'owëm nijënaak ja Tios të xymyo'oyëmën ja Kënu'kxymyëkajtën, ijxtëm jeexyë ëka'any të xymyo'oyëmën mëti'ipë xymyo'oja'anëmën. Mëk nku'ëyo'owëmë ko n'a'ijx njëjp'ijxëmë ets ja Tios xykyupëjkmëty ijxtëm ja y'u'unk y'ëna'kën, mëti'ipë nëjkx ni'kx'ajt nkopk'ajtëm tyaj'ëwaatsëpëtsëmyën.

Gálatas 3:26

Tios miits tyam ni'ëmukë m'u'unk'ajtënëtëp ko të xymyëpëktë ja Jesukristë,

2 Corintios 6:18

Ëjts miits xytyeety'atëp, etsës miits n'u'unk'atëty. Jëtu'un ja Wintsën Mëti'ipë maaytyääyëpën winë y'ënä'äny.

Apocalipsis 21:7

Ya'atë kyuma'ayën'atëp pën ënäty mëtakpën, etsës yë'ë xyTios'atëty ets yë'ëjës n'u'unk'atëty.

Oseas 1:10

Pyatäämpy ja xëëw po'o ma Israel ja'ay nyimay'ata'antën jinën, ni pën kyamayëtëty tkijpxëty ets tmëtsyowëty. Ets ka'apës nëjkx n'ëk'ënëmaaynyëtë: Miitsëty ka'ap nkajpn'atë, jä'ä nëjkx yë Tios y'ënë'ëmxëtë: Miitsëty yë'ë Tios juukpyë m'u'unk'ajtëtëp.

Efesios 1:9

ets të xytyuk'ijxëm ja wyinma'any mëti'ipë ijty ka'ap yajnijawën wi'ix të tuknipëjktaakën tyajwintu'upëka'any mëët ja Kristë.

Juan 11:52

ets ka'ap yi'iyëty, näjyëtu'un ets tyajnämyukëtëty tu'kë'ëyë ja Tios ja y'u'unk y'ëna'k mëti'ipë ënäty të ye'eywya'kxtën naaxwiinyëtë apëtsëmy.

Jeremias 3:19

Israel, ojts mijts nkupëky ets n'u'unk'ata'any nmaank'ata'any, ko nmo'oja'any tu'uk ja naax kajpn mëti'ipë ja'ay wyiink'ixëpën ko y'oyëty tsyujëty këtiinëm jëtu'un wiinkëtypë naax kajpn. Etsës të nmay të ntajy ko teetyën xyjyawëja'anyës ets ko ka'ap nijëna'a xy'ëxmatsa'anyës.

2 Tesalonicenses 1:11

Jä'ä ko jyëtu'unëty, paaty ja Tios xëmë ntuknija'amyätsëtë, n'amëtow nmpëjktsowtës ets xytyuntëty xykyajpxtëty oypyë ijxtëm pyaat'atyën mëti'ipë Tios të wyinwitsëtën. Wä'än yë myëk'ajtën tyajkëxë'ëky oy ma miitsëtyën mëti'ipë mtsojkën'ajtëpën ets ma mtuunkëtyën ko mëpëktë.

Lucas 10:21

Näy jää it ma ja Jesús ënäty jotkujk nyäjyawëtyën mëët ko ja Kënu'kxymyëkajtën ënäty të tyuktëkëty, ënät y'ënäny: Tios Teety, Wintsën tsajpjotmëpë ets naaxwiinypë, nmëjja'ap njaantyjya'ap mijts, jä'äkyëjxm ko ja ja'ay mëti'ipë yu'unk naxym ja'ay'ajtëpën, tëë xytyuk'ixy xytyuknijawë mëti'ipë të xytyukwinkuyu'tsyën ja wijyjyä'äytyëjk. Jëtu'un, Tios Teety, jä'ä ko jëtu'un mijts të xytsyoky.

1 Corintios 1:21

Ja Tios ja wyijy'ajtën, ka'ap ojts ja naaxwiinyëtë ja'ay tja'akyyukëtë mëët ja wyijy'ajtën kyejy'ajtënëty, tëë ja Tios tuknipëjktaakë ko tyajnitso'oka'any mëët ja y'aaw y'ayuk mëti'ipë mmëpëjkëpën, oy ya'atë jëtu'un jyayajmëtoy ijxtëm ja tsuuwinma'anyën.

Juan 20:17

Tä ja Jesús y'ënëmaayë: Këtiis xymyätsy, jä'ä ko ka'anëmës nnëjkxy ma ja Tios Teetyën. Nëjkx ets xytyuk'ëwaanëty ja nmëku'uktëjkës: Ko jamës nnëjkxy maas yë nTeetyën ets ma miits yë mTeetyëtyën; maajës yë nTiosën ets ma miits yë mTiosëtyën.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Mateo 11:26

Jëtu'un Tios Teety, jä'ä ko jëtu'un mijts të xytsyoky.

Lucas 11:32

Näyjyëtu'un ja Nínive ja'ayëty juukpyëkantëp ko ënäty yajpaye'eytyë ja ja'ayëty ja nyëë pyokyëty mëti'ipë tyam juuky'ajtëpën ets nëjkx nyitukëtë; jä'ä ko ja Nínive ja'ayëty ojts ja Tios tmëpëktë ko tmëtoowtë ja Jonás myëtyä'äky, e ja tyampë ja ja'ay ni'ik mëj'äämpy yë'ë këtiinëm ja Jonás.

Filipenses 2:13

jä'ä ko Tios jëtu'un të tuknipëjktaakë ma mjot mwinma'anyëtyën ets xytyuntëty mëti'ipë yë'ë tsyojkpyën.

1 Corintios 1:1

Ëjts Pablo, Tiosës ojts xywyin'ixy tsyojkënkyëjxm etsës n'itëty Jesukristë y'apostol, mkajpxpo'kxëtë mëët ja mmëku'uk'ajtëm Sóstenes,

Mateo 1:25

Ka'ap yë José mëët yë Maria myaamujky ijxtëm yë ja'ay tsyëënëtën tëëpë pyëktën, koonëm ja Maria tpaty tu'uk ja y'u'unk ets tukxëëwajty Jesús.

Jeremias 3:4

Naamnëm xyjyaak'ënëëmës: Tatë, mëti'ipës mëët tu'knax të n'ëna'k'atyën,

Lucas 12:32

Këtii mtsë'ëkëtë, oy miits mja'itë ijxtëm niwäänëpë ja kupixynyën, ja Tios mëët ja y'oyjyot y'oywyinma'any tëë tuknipëjktaakë ko mo'oja'anëtë ja kyutujktakn.

Hechos 13:48

Tääts ko jëtu'un tmëtoowtë mëti'ipë ka'ap jyutiis'atën, ënät xyoontaktë ets y'ënantë ko Tios ja y'aaw y'ayuk y'oyëty ets ni'ëmukë tmëpëjktë mëti'ipë ënäty ja Tios të tyuknipëjktaakëtën tpaatëty ja juukyajtën xëmëkyëjxmëpë.

Colosenses 1:19

Tios ojts kë'ëm tuknipëjktaakë ets tu'kë'ëyë ja mëj'ajtën yajpaatëty ma yë'ëjën,

Hebreos 2:4

Näyjyëtu'un ja Tios ojts tnikäjpxy mëët ja ijxpäjtën, mëj'ajtën ets kanaakpëky ja y'oyajtën, mëët ja Kënu'kxymyëkajtën, mëti'ipë kanaakjëjp të nyajmo'oyëmën ijxtëm yë'ë të tuknipëjktaakën.