Efesios 1:13 - Biblia Mixe de Quetzaltepec

¹³ Yajkukajpxëp ja Kristë, näjyëtu'un miitsëty ko të xymyëtowtë ja mëtëypyë ja aaw ayuk, oy aaw oy ayuk mëti'ipë yajnitsokpën ets xymyëpëjktë, jëtu'un ojts miitsëty mwë'ëmtë tä tii yajtsa'ayën mëët ja Tios ja jyot myëjaaw ets yë'ë mjä'ä'ata'anëtë.

Biblia Dc en Mixe de Quetzaltepec

¹³ Yajkukajpxëp ja Kristë, näjyëtu'un miitsëty ko të xymyëtowtë ja mëtëypyë ja aaw ayuk, oy aaw oy ayuk mëti'ipë yajnitsokpën ets xymyëpëjktë, jëtu'un ojts miitsëty mwë'ëmtë tä tii yajtsa'ayën mëët ja Dios ja jyot myëjaaw ets yë'ë mjä'ä'ata'anëtë.

Efesios 1:13 ပူးပေါင်းရင်းမြစ်များ

2 Corintios 1:22

Tëë ja ijxwë'ëmën tpëjktä'äky ma ëëtsajtëmën ets tëë ja Kënu'kxymyëkajtën tpëjktä'äky ma ja njoot'ajt nwinma'any'ajtëmën ets yajnijawëty ko xypyaat'ajtëmë ja oyajtën mëti'ipë miinpën.

Efesios 4:30

Këtii nëkoo xyajjotmaytyëkëtëty ja Tios ja kyënu'kxymyëk'ajtën, mëti'ipë të myajtuk'ijxwë'ëmtën ko Tios mjä'ä'atëtë mapaat ja nitsokën ënäty tu'ukyë myajmooynyëtën.

2 Timoteo 2:19

E Tios tëë tu'uk ja potsy ëjx tpëjktä'äky ta'tspëkpyë, ma kyëxja'ayëtyën: Wa'ats ja Tios t'ixy'äty mëti'ipë jyä'ä'ajtypyën, ets Ni'ëmukë mëti'ipë kyajpxpatëpën ja Wintsën ja xyëëw, näjyëpëkëtëp ma ja ëxëëkpën.

1 Tesalonicenses 2:13

Paatykyëjxmës xëmë ja Tios nkukajpxëtë, jä'ä ko miits xymyëtowtë ja Tios ja y'aaw y'ayuk mëti'ipës nkajpxwa'kxtën. Jëtu'un ojts xy'ëxajëtë tä Tios yë'ë t'aaw t'ayukëtyën ets ka'ap jyëtu'unëty tä jeexyë nyaaxwiinyëtë ja'ay t'ayukëtyën. E mëtëy jëtu'un, Tios jyänty ayuk'ajtyp, ets jam wyinkëxë'ëky ma miitsëtyën ko mmëpëktë.

Romanos 4:11

Ja ijxwë'ëmën mëti'ipë ojts yajpëjktä'äkyën ko yajnatsujk'ëwtijty ja ye'etyëjkajtën, jä'ä yë'ë ets nyikëxë'ëkëty ko yë'ë oy të wyi'im mëët ja Tios ko tmëët'aty ja mëpëjkën. Jëtu'unts ja ja'ay mëti'ipë ja Tios myëpëjktëpën, oy kyanatsujk'ëwtityëty yë ye'etyëjkajtën, Abraham yë'ë y'ap'ajtëp y'ok'ajtëp ets oy wyë'ëmtë mëët ja Tios.

Tito 2:11

Tios të xytyuk'ijxëm ja myëyajtën, ko tmooy ja nitsokën ni'ëmukë ja naaxwiinyëtë ja'ay.

Gálatas 3:14

Paatykyëjxm jëtu'un tyuunë jyajtë ets ja Tios ja kyënu'kxën jya'atëty ma ja ja'ayëtyën ka'apë jyutiis'atën, mëti'ipë ja Tios tyukwinwa'anëyën ja Abraham, ets näjyëtu'un ja Kënu'kxymyëkajtën n'ëxajëmëty ni'ëmukë mëti'ipë ja Tios tëë twaantä'äkyën.

Joel 2:28

Ko ënäty jëtu'un të tyuny të jyätyë, täätsës nëjkx nyajkëtä'äky yë nmëk'ajtënës ma nitëkokyë ja'ayëtyën: yë m'u'unk m'ëna'këty ye'etyëjkpë ets to'oxytyëjkpë nëjkxëp yë n'ayukës tkajpxnaxtë ma miitsëtyën; yë mëjja'aytyëjk nëjkxëp mya'atë pyo'kxtë ets ëna'ktëjkëty oyëty nëjkx wyikëma'atë.

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Tios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Hechos 2:33

Ko ënäty ja Tios Teety të yajtsajpetyë ets të yajnaaxweetsyë y'aka'any'äämpy ets ko ënäty ja Kënu'kxymyëkajtën ja Tios Teety mëti'ipë të xytyuwinwa'anëmën ets tëë tyajknaxy ma ëëtsajtëmën. Yë'ë tyam të xy'ixtë ets të xymyëtowtë.

Juan 14:26

e ja nikajpxtutpë, ja Kënu'kxymyëkajtën mëti'ipë ja Tios Teety kyäxäämpyën ëjts nxëëwkyëjxmës, yë'ë mtuk'ëwaanëjanëtëp tu'kë'ëyë winë ets xyjyä'ämyätstëty wi'ixjaty miits të nëëmëtën.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Tios të xykyënu'kxëmë ets të xytyuknija'awëmë ja tëypyë jaantypë.

Lucas 24:49

Ntuknikäxtëp miits mëti'ipë ja Tios Teety të twaantä'äkyën, je'eyëp ko wë'ëmtë miits yaa Jerusalén koonëm xypyaatëty ja mëk'ajtën mëti'ipë tsajpjotm tso'onpën.

Salmos 119:43

Këtii xyajjëwa'akëty ja tëyajtënpë maas tii nnikäjpxy nnimëtyä'äkyën, tëës tu'ukyë yë nwinma'any npëjktä'äky ma m'aaw m'ayukën.

1 Pedro 2:10

Miitsëty ka'ap ijty yë Tios mkajpn niwa'anëtë; tyam, Tios miits mkajpn'ajtëtëp. Ka'ap ijty miits ja Tios mpa'ëyowëtë, tyam mpa'ëyoowënëtëp.

Romanos 6:17

E nkukajpxëpës ja Tios, oy ijty ja poky xyjyamëtuntë ijxtëm tuunpë nitookpyën, tëë miits ëmuumtu'ukjot xymyëmëtowtë ko ja ijxpëjkën të xypyaatë.

Hechos 1:4

Tëkok ënäty ja ijxpëjkpëtëjk jam tmëëtkaytyë ja Jesús ets y'ënëmaayëtë: Ka'ap mnatsoontëty yaa Jerusalén. Owxitë mëti'ipë Tios Teety të twaantä'äkyën ma miitsëtyën, mëti'ipë të ntukmëmëtya'aktën.

Juan 15:26

Paaty ko myinëty ja Nikajpxtutpë mëti'ipës nkäxäämpyën nTeetyës xyëëwkëjxm, ja Kënu'kxymyëkajtën mëtëypyë, mëti'ipë tso'ompën ma ja Tios Teetyën, yë'ë nëjkx xynyimëtyä'äkyës.

Hechos 13:26

Tääts ja Pablo jyaak'ënany: Mëku'uktëjkëty, Abraham yë y'u'unk y'ok, ets miitsëty ka'apë jyutiis'atën je'eyëp ko mmëpëjktaktëp ja Tios: ëëts jëtu'un ojts nyajtuknikäjxëm ja aaw ayuk mëti'ipë yajknitsokpën.

Juan 6:27

Ko tii xytyuntëty ka'ap yë'ëkyëjxmëty ko ja kääky uuky xytsyoktë mëti'ipë këjxp najxpën, yë'ë mnituntëp mëti'ipë mmo'ojëtëp ja juukyajtën xëmëkyëjxmëpë. Ya'atë ja kääky uuky yakäämpy ja naaxwiinyëtë ja'ay ja y'U'unk, jä'ä ko yë'ë Tios Teety yë kutujkën të myo'oyë.

Lucas 11:13

Oy miits ëxëëk mjaja'ay'atë, mjajtëp ja m'u'unk xymyo'otëty mëti'ipë oyën, ets wi'ix ja mteety tsajpjotmëpë tkamo'ojëty ja Kënu'kxymyëkajtën mëti'ipë amëtoowëpën.

Apocalipsis 7:2

Ojts wiinkpë tsajpjotmëtë kukäjpxy n'ijxyës ko myiny xëëwpëtsëmtsyow. Tap tmëëtëty ja Tios ja tsya'a, ja Tios mëti'ipë xëmëkyëjxm juukyajtpën ets mëk t'ënëmaay ja nimajktaxkpë ja tsajpjotmëtë kukäjpxy mëti'ipë ënäty të yajmo'otën ja mëk'ajtën ets tyajkwintëkoytyëty ja naaxwiinyëtë ets ja mejy ets tiijaty jää'ajtpën naaxwiiny ets tiijaty jap mejyjotyën; jëtu'un y'ënäny:

Santiago 1:18

Jä'ä ko Tios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Tios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

Hebreos 2:3

¿Paaty wi'ix ëëtsajtëm nkuukäkmëty ja tëytyu'unën pën ka'ap nmëjpëjktakëm ja mëj nitsokën? Wintsën ojts kë'ëm tnikäjpxy jëwyiin ya'atë nitsokën; ets mëti'ipë ojts tmëtoow'itën, yë'ë të tnikajpxtë ma ëëtsajtëmën.

2 Timoteo 3:15

Ja'amyäts ko mutsknëm të xynyijawë ja Tios ja y'aaw y'ayuk mëti'ipë të myajwijy të myajkejyën, mëti'ipë mtu'uwinwowanëpën ets xypaatëty ja nitsokën ko ja Kristë Jesús të xymyëpëky.

2 Timoteo 2:15

Tun tu'kë'ëyë mëti'ipë Tios y'oyjya'apën mapaat mmëtä'äkyën, jëtu'un ijxtëm tu'uk yë ja'ayën tëëpë Tios y'ëxajëtyën, ijxtëm tu'uk yë mëtuunpën ka'apë tii tmëët'atyën tii nyatuktsëtyunëp, mëti'ipë ja tëyajtën nyikäjpxyp nyimëtyäkpyën.

Efesios 4:21

miits tëë xymyëtowtë wi'ix ja Kristë yajnimëtyä'äkyën ets tëë xyjyatë wi'ix miitsëty mjuuky'atëtyën ijxtëm yë'ë jyuuky'äjtyën, ijxtëm ja Jesús tyiy'ajtënën.

2 Corintios 6:7

Mëët koos nkajpxwä'kxtë ja tëypyë jaantypë ets mëët koos ja Tios ja myëk'ajtën nmëët'atë. Yë'ës nätyukuwanëtëp ja tëyajtën, yë'ëjës nmëpëtë'ktëp ets yë'ëjës nätyukuwanëtëp.

Juan 3:33

E pën kyupëjkpy, yë'ë nyikäjpxyp ko Tios tyiyëty jyääntyëty.

Santiago 1:21

Ixmajtsta'atë ja ëxëëk winma'any ets ja ëxëëkajtën mëti'ipë tëë nyipäjnën. Ëxajëtë wintsë'kën mëët ja aaw ayuk mëti'ipë të yajpëjktä'äkyën ma ja mjot mwinma'anyëtyën. Ya'atë aaw ayuk myëët'ajtyp ja mëk'ajtën ets xyajnitsokmëty.