Efesios 1:12 - Biblia Mixe de Quetzaltepec

¹² E tëë ja Tios jëtu'un tuny ets jëwyiin ja Kristë nmëpëjkmëty ets njuuky'ajtmëty wi'ix mëpaat ja Tios mëjjaw jaantyjawë y'ityën ja myëj'ajt y'oyajtën.

Biblia Dc en Mixe de Quetzaltepec

¹² E tëë ja Dios jëtu'un tuny ets jëwyiin ja Kristë nmëpëjkmëty ets njuuky'ajtmëty wi'ix mëpaat ja Dios mëjjaw jaantyjawë y'ityën ja myëj'ajt y'oyajtën.

Efesios 1:12 ပူးပေါင်းရင်းမြစ်များ

Efesios 1:6

Paaty xëmë ja Tios nmëjja'aw njaantyja'awëmë jä'äkyëjxm ko ja mëjmëyajtën të xynyamo'oyëmë mëët ja y'u'unk, mëti'ipë ni'ik tsyojkpyën.

2 Tesalonicenses 2:13

E ëëtsëty xëmës nkukajpxëtë ja Tios mëët miitskyëjxmëty, jëëky mëku'ukëty mëti'ipë Tios tsojkëtëpën; jä'ä ko yë'ë të mwin'ixëtë ets jëyëjp xypaatëty ja nitsokën mëët ja Kyënu'kxymyëk'ajtën, mëti'ipë mëtëyën ets mëti'ipë të myajpokywya'atsëtën ko të xymyëpëktë.

Efesios 3:21

Mëj'äämpy ja Tios nyäxy ma ja mëpëjkpëtëjkëtyën ets ma ja Kristë Jesusën, winë xëëw winë jëmëjt ets xëmëkyëjxm. Oy jyëtu'un'atëty.

Jeremias 23:6

Ko ënäty yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Isaías 45:23

Ëjts ojts kë'ëm nyänyikäjpxyë, tëëjës nikäjpxy koos nmëta'aka'any, ets jëtu'un jyänty tyuna'any jyänty jyata'anyë: nëjkxëp ni'ëmukë ja'ay xywyinkoxtänëtës ets nikajpxtë yë nxëëwës,

Isaías 12:2

Yë Tios yë'ëjës xyajtsokp, yë'ëjës ntuk'ijxpejtyp, paatyës ka'ap ntsë'ëkë njawë. Yë Wintsën yë'ëjës ntsoktakn'ajtyp ets yë'ëjës xymyëjaawmoopy, yë'ëjës nwäämpy yaj'ëwaatsëpëtsëëmpë ets yajnitsokpë.

Santiago 1:18

Jä'ä ko Tios jëtu'un të tsojkën'aty, paaty të xymyo'oyëm ja juukyajtën mëtëypyë mëët ja aaw ayuk. Tu'kë'ëyë mëti'ipë Tios yajkojën, jëtu'un yë'ë ijxtëm tii tyëëm'atyën ets n'ijtmëty ijxtëm ja aay ujtsën mëti'ipë jëyëjp tëëm'ajtë'kpën.

Isaías 11:10

Jä'ä xëëw yë Jesé mëti'ipë jëtu'un tä kepyjyi'tskën, ijxpäjtën nëjkx wyi'imy ma wiinkëtypë naax kajpnën; nëjkxëp nyiminyë wiinkëtypë naax kajpn, ja it naaxwiinyëtë ma tääpë kajpn yajpaatyën, mëj'äämpy nëjkx y'ity.

Efesios 2:7

Paaty ja Tios jëtu'un tuny ets yaj'ix yajnijawëty ja xëëw tiempë mëti'ipë miimp wiinkoonpën, ko ni'ik xytsyojkëm ets mëj ja y'oyjyot y'oywyinma'any mëti'ipë të xytyuk'ijxëmën mëët ja Kristë Jesús.

Juan 14:1

Këtii mjotmay'ooktëty, mëpëktë ja Tios Teety ets mëpëjktëk ëjts näjyëtu'un.

Isaías 45:25

Ëjts mëyajtënës ntuunpy ko yë Israel kajpn yë'ë mëta'akaanp jotmëk nyäjyawëja'anyë koos ënäty ëjts xytyukjotmëk'aty.

1 Pedro 1:21

Mëët yë'ë ko yë Kristë të xymyëpëktë paaty ja Tios näjyëtu'un xymyëpëktë, mëti'ipë të tyajjuukpyikyën ja Kristë jatëkok ets të tmëjjaw të tjaantyjyawë, jëtu'unts të xypyëjkta'aktë ja mjot mwinma'anyëty ma Tiosën ets xy'a'ix xyjyëjp'ixtë.

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.