Efesios 1:10 - Biblia Mixe de Quetzaltepec

¹⁰ Jatëp jëtu'un wi'ix të tuknipëjktaakën ko ja xëëw tpaatëty ets tukë'ëtëjkëtya'aja'any ja Kristë mëti'ipë tsajpjotm ijtpën ets mëti'ipëjaty ijtpën naaxwiiny.

Biblia Dc en Mixe de Quetzaltepec

¹⁰ Jatëp jëtu'un wi'ix të tuknipëjktaakën ko ja xëëw tpaatëty ets tukë'ëtëjkëtya'aja'any ja Kristë mëti'ipë tsajpjotm ijtpën ets mëti'ipëjaty ijtpën naaxwiiny.

Efesios 1:10 ပူးပေါင်းရင်းမြစ်များ

Colosenses 1:20

ets mëët yë'ëkyëjxm ojts tëkokyë nyänyimä'kxta'ayë ets jam yajpaatëty ma yë'ëjën, naaxwiinypë ets tsajpjotmëpë, ets jëtu'un ja jotkujk'ajtën tpaatëty tëkokyë winë ko ja Kristë ja nye'pyny të temy të tje'etsy kruutskëjxm.

Gálatas 4:4

E ko ja tiempo ojts tpaaty, tääts ja Tios ja y'u'unk ojts tkexy, to'oxytyëjk ojts yajminy yajja'tyë ko tyuuny ja Moisés ja y'ënä'ämën,

Daniel 2:44

Ma ënäty tääpë yajkutujkpëtëjk y'ënä'ämtën, jää nëjkx yë Tios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kutujkën tyajkutëkooytyä'äy ets yë'ë xëmëkyëjxm nëjkx y'ity.

Marcos 1:15

ets y'ënäny: Tëë ja xëëw jëmëjt tpaaty, wiinkoonp ja Tios ja kyutujkën. Jootwinpitë ma Tiosën ets ëxajëtë mëët ja mëpëjkën ja oy aaw oy ayuk.

Hebreos 1:2

Tyam ma kyëxanën ja xëëw jëmëjt, tëë xymyëkajpxëmë mëët ja y'U'unk, mëti'ipë ojts mëët tyajkojyën ja naax tsajp, mëti'ipë të tukumaaytyä'äyën winë.

Colosenses 1:16

Mëët ja Kristë ojts ja Tios winë t'oytyuunta'ay mëti'ipë tsajpjotm ijtpën ets mëti'ipë naaxwiinyëtën, mëti'ipë yaj'ijxp, kayaj'ijxpën. Wä'än tkutujktaknëty, wä'än tmëk'ajtënëty, wä'än tyajkutujkpëty ëkë wä'än tkutuunkëty. Mëët ja Kristë ojts winë t'oytyuunta'ay ets yë'ë ojts yajtukni'oytyunë.

1 Pedro 1:20

Jëtu'un ojts tëëyëp ja Tios tuknipëjktaakë ka'anëm ënäty ja naaxwiinyëtë kyojnyëm. Tyam tëë ja myiny jyä'ty ets miits xytyuk'oy'atëty.

Efesios 3:15

ma ja xyëëw tsyoontën tëkokyë naaxwiinyëtë ja'ay ets tsajpjotmëpë yajpaatën.

Apocalipsis 5:9

Ets ja jempyë ëy t'ëwtë: Mijts mpaat'ajtëp ets xy'ëxajëty yë noky apëtity mëti'ipë wëxtujkpëky nitsaaypyetyën, ets xyaj'ëwa'atsëty, jä'ä ko mijts të mwintsë'kën'aty, të xykyupety ja ja'ay ja pyoky ets ja Tios jyä'äy'atëtëty, ja ja'ay mëti'ipë tso'ontëpën ma ja it naaxwiinyëtën ets mëti'ipë kyajpxtëpën kanaakpëky ja aaw ayuk.

Efesios 1:22

Kristë tyukkë'ëtëjkëy ets tnitënaaytya'ajëty tu'kë'ëyë winë ets nän yë'ë ojts tukë'ëtëkë ja mëpëjkpëtëjk ets tnikëpajk'atëty.

1 Corintios 11:3

E ntukja'amyätsantëp näjyëtu'un ko yë Kristë yë'ë nyikëpajk'ajtyp yë ja'ay tu'uktu'uk; ets ye'etyëjk yë'ë nyikëpajk'ajtyp yë tyo'oxytyëjk, jëtu'un ijxtëm ja Tios nikëpajk'atyën ja Kristë.

Amós 9:11

Pyätyp ja xëëw jëmëjt ma ja David nkoj'oyëja'anyënës yë tyëjkxo'omy mëti'ipë ojts kyëtäyën. Nyaj'ëtujkta'ajäämpyës yë jut, nyajpëtë'kta'ajäämpyës yë potsy maajaty të jyutyën ets nkoj'o'oyëtya'aja'anyës mëti'ipëjaty të jyityën ets jëtu'un nyaj'awinpita'anyës tä ijty tëëyëpën ma ënäty jyotkujk'atyën,

Génesis 49:10

Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

Hebreos 11:40

jä'ä ko ja Tios nän tam ënäty ëëtsajtëm xyjyot'ajtëmë, jawäänë oypyë ënäty të tuknipëjktaakë ëts mëët tu'ukyë yë'ëjëty npatmëty ja oyajtën ets ja wa'atsajtën.

Colosenses 3:11

Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.

Efesios 2:15

jëtu'unts ka'ap y'ëktuunë ja ënä'ämën mëti'ipë winë nyikäjpxypën tii yajtun kayajtunëpën, tu'ukyë të tyajwë'ëmy ja jutiis ja'ayëty mëët ja mëti'ipë ka'ap jyutiisëty. Ets të tyajnaaxkëtä'äky ja jotkujk'ajtën.

1 Corintios 10:11

Paaty jëtu'un jyajtë ja n'ap'ajt n'ok'ajtëm ets ja ijxpäjtën wyë'ëmëty ma ëëts'ajtëmë ets ojts yajkuja'ay ma ja Tios ja y'aaw y'ayukën ets nnija'awëmëty ma tyam njaakjuuky'ajtëmën ma ja xëëw kyëxanën.

Mateo 25:32

Ets ja naaxwiinyëtë ja'ay ni'ëmukë nyämyuka'anët ma yë'ëjën ets twoowa'kxa'any ja ja'ay, jëtu'un tä yë kupixyny këwent'ajtpë twoowä'kxyën ja kyupixyny ets ja tsyajppax.

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Hebreos 9:10

Ka'ayën ukën ja je'eyë nyikäjpxyp ets wi'ix ja ja'ay wa'ats nyäyaj'itëtëty, nëkëjxypyë ënä'ämën yë'ë, yë'ë tyuuntëp xëmë koonëm ja Tios tyajtëkatsëty.

Efesios 3:2

Miits wa'ats xynyijawëtë ko Tiosës të xytyuknipëky koos nkajpxwa'kxëty mëti'ipë të tuknipëjktaakën ma miitsëtyën mëët ja tsyojkën jya'awën.