Eclesiastés 9:5 - Biblia Mixe de Quetzaltepec

⁵ Ets näjyëtu'un mëti'ipë ja'ay juuky'ajtëpën nyija'awëtyëp ko y'ooka'antë, e yë o'kpëty nitii tka'ëknija'awënëtë ets nitii tka'ëkpatnëtë, jä'ä ko ja'atyëkoy yë nyëjkxnëtë.

Biblia Dc en Mixe de Quetzaltepec

⁵ Ets näjyëtu'un mëti'ipë ja'ay juuky'ajtëpën nyija'awëtyëp ko y'ooka'antë, e yë o'kpëty nitii tka'ëknija'awënëtë ets nitii tka'ëkpatnëtë, jä'ä ko ja'atyëkoy yë nyëjkxnëtë.

Eclesiastés 9:5 ပူးပေါင်းရင်းမြစ်များ

Isaías 26:14

Yë'ëjëty tëë ja y'o'ktaaynyëtë, ka'ap nimaa y'ëkyajpatnëtë; jëtu'un të nyaxtë tä äpkën, ets ka'ap nijëna'a y'ëkyaj'ixanëtë; jä'ä ko tëë xytyiytyuny, tëë xyajkutëkoy, tëë xyjyëpëjkta'ay mëti'ipë jeexyë yajtukja'amyäjtstëpën.

Eclesiastés 1:11

Tëëpë nyäxyën tëë ja yajja'atyëkooynyë ets näjyëtu'un yajja'atyëkoyä'äny mëti'ipë tunan jatanëpën.

Salmos 6:5

Ko pën y'ooky, ¿wi'ix m'ëkja'amyäjtsënëty? Jap o'kpëjutjoty ¿pën jap mkuuy'ëwanëp?

Hebreos 9:27

Jëtu'un ijxtëm yajtuknipëjktakëyën ja ja'ay tuk'okyë y'ookëty ets yajnipaye'eytyëty.

Job 14:21

Ko yë y'u'unk y'ëna'k mëj'äämpy ja'ay myëët'atëtë yë'ë ka'ap t'ëknija'awënë; ko yë y'u'unk y'ëna'k y'ëyo'onpaatë näy ka'ap tnijawë;

Eclesiastés 2:16

Jä'ä ko mëti'ipë ja'ay wijyën ëkë mëti'ipë ja'ay tsuujën ka'ap nimëti'ipë yajja'amyätsa'antë; ko nyäxy yë xëëw jëmëjt tääts winë yajja'atyëkooynyë, yë wijyjyä'äy ets tsuuja'ay tu'knax y'oka'an tyëkoya'antë.

Salmos 109:15

Yë Wintsën yë'ë xëmë jyot'atëp ets yaa naaxwiiny naaxkëjxy ja'atyëkoy y'itëty tëkokyë mëti'ipë jeexyë yajtukja'amyäjtspën.

Eclesiastés 8:10

Tëës näjyëtu'un n'ixy wi'ix yë ëxëëkja'aytyëjkëty yajnixoonta'aktën ko y'ooktë, oy ënäty nijëna'a yë tsajptëjk të tka'ixy'atë ets ma ja nyaax kyajpnëtyën ka'ap ni pën y'ëkja'aymyäjtsënëtë. Tyaapë nän nëkoopë yë'ë,

Isaías 63:16

Mijts ëëts nTeety'ajtëp. Oy yë Abraham xykya'ixkaptës, ets oy yë Israel ja'ay xykyaja'amyätstës, mijts Wintsën, mijts ëëts nTeety'ajtëp; mijts ëëts xëmë të xyaj'ëwaatsëpëtsëmtë.

Eclesiastés 7:2

Ni'ik tsyowpaaty ko nëjkxmëty ma ja'ay nyaaxtëkën ets këtii ko nëjkxmëty ma ja'ay xyëëwtunyën; jä'ä ko yë o'kën tëko'oyën kopkpëky ko yë naaxwiinyëtë ja'ay tpata'aja'any ets mëti'ipë juuky'ajtëpën oy ko jeexyë tja'amyätstë.

Job 30:23

Nnija'apës ko mijts xyaj'ookaanpës, ma kyukëxëtën mëti'ipë juuky'ajtëpën.

Eclesiastés 9:4

Jyaak jëkyejpy njaakjëjp'ijxmëty yë ja'ay mëti'ipë juukyën. Jä'ä ko ni'ikë oy tu'uk yë uk mëti'ipë juukyën ets këtiinëm tu'uk yë kaa mëti'ipë tëë y'o'knën.

Eclesiastés 9:10

Mëti'ipë jyëkyejpyën mëpaat xytyunyën tun ets winë aaw winëjot xytyunëty; jä'ä ko jap o'kpëjutjoty ma mnëjkxa'anyën ka'ap jap tii yajtuny yajkäjpxy, ka'ap jap tii yajmëmay yajmëtajy ets ni ijxpëjkën ets ni wijyajtën jap kyä'ty.

2 Samuel 14:14

Yë'ë tëyajtën yë'ë ko kopkpëky ko jëna'a n'o'kmëty; ëtsajtëm jëtu'un'ajtëm tä nëëjën ko nyajtstämë ka'ap tjëkyepy n'ëkyajpëtë'kënëty. Yë'ë tëy yë Wintsën ni pën yë jyuukyajtën tkapëjkë, ni'ikyë tsoky tjawë ets ja'ay jyuuky'atëty ets ja mëti'ipë ke'ekyjyëtijtpën yajwinpijtyp jatëkok ma jyëën tyëjkën.

Salmos 88:13

E ëjts Wintsën, mijts xëmë nmëkajpxäämpy ets nja'amyätsäämpy, ko jyopyëp'aty janty tsojk mijts nmëkajpxkojy.

Lucas 20:32

Ok ojts y'o'knë näjyëtu'un ja to'oxytyëjk.